ହାଇଦ୍ରାବାଦ: ଆଜି ସାରା ଦେଶ ମକର ସଂକ୍ରାନ୍ତିଙ୍କୁ ଧୁମଧାମରେ ପାଳନ କରିଛନ୍ତି । ଏହି ଅବସରରେ ସମସ୍ତ ସେଲିବ୍ରିଟି ଏହି ପର୍ବ ପାଳନ କରିବା ସହ ଫ୍ୟାନ୍ସଙ୍କୁ ଶୁଭେଚ୍ଛା ଜଣାଇଛନ୍ତି । ତେବେ ବଲିଉଡ ଲୋକପ୍ରିୟ ନିର୍ଦ୍ଦେଶକ ରୋହିତ ଶେଟ୍ଟୀ ନିଆରା ଢଙ୍ଗରେ ଫ୍ୟାନ୍ସଙ୍କୁ ମକର ସଂକ୍ରାନ୍ତି ଶୁଭେଚ୍ଛା ଜଣାଇଛନ୍ତି । ସେ ନିଜ ଆଗାମୀ ଫିଲ୍ମ 'ସିଙ୍ଘମ ଏଗେନ'ର ଏକ BTS ଭିଡିଓ ସେୟାର କରି ଫିଲ୍ମ ସୁଟିଂର ଏକ ଝଲକ ଦେଖାଇବା ସହ ଫ୍ୟାନ୍ସଙ୍କୁ ମକର ସଂକ୍ରାନ୍ତି ଶୁଭେଚ୍ଛା ଜଣାଇଛନ୍ତି ।
ମକର ସଂକ୍ରାନ୍ତି ଅବସରରେ ଯେଉଁଠି ସମସ୍ତେ ଗୁଡ଼ି ଉଡାଉଥିବା ବେଳେ ସେଠାରେ ରୋହିତ ଶେଟ୍ଟୀ କାର ଉଡାଇଛନ୍ତି । ସୋସିଆଲ ମିଡିଆରେ କାର ଉଡାଇଥିବାର ଝଲକ ମଧ୍ୟ ଦେଖାଇଛନ୍ତି । ରୋହିତ ଶେଟ୍ଟୀ ନିଜ ଇନଷ୍ଟାଗ୍ରାମରେ ସିଙ୍ଘମ ଏଗେନ'ର ଏକ BTS ଭିଡିଓ ସେୟାର କରିଛନ୍ତି । ଯେଉଁଥିରେ କାର ଉଡାଇ ଜଳିଯାଉଥିବାର ଦେଖିବାକୁ ମିଳିଛି । ଯାହାକୁ ରୋହିତ ଶେଟ୍ଟୀ ସୁଟ୍ କରୁଥିବା ନଜର ଆସିଛନ୍ତି । ଏହି ଭିଡିଓ ସେୟାର କରି ସେ ନିଜ ଅନ୍ଦାଜରେ ଫ୍ୟାନ୍ସଙ୍କୁ ମକର ସଂକ୍ରାନ୍ତି ଶୁଭେଚ୍ଛା ଜଣାଇଛନ୍ତି ।
ରୋହିତ ଶେଟ୍ଟୀ ଲେଖିଛନ୍ତି, ମକର ସଂକ୍ରାନ୍ତିର ଶୁଭକାମନା । ଆପଣ ସମସ୍ତେ ଗୁଡି ଉଡାଉଛନ୍ତି ଆଉ ମୁଁ... ମୁଁ ମୋ କାମକୁ ଭଲ ପାଏ । ହାଇଦ୍ରାବାଦରେ ନାଇଟ ଆକ୍ସନ ସୁଟିଂ । ଏହା ସେୟାର ହେବା ମାତ୍ରେ ଫ୍ୟାନ୍ସ ଏହାକୁ ଲାଇକ କରିବା ସହ ପ୍ରତିକ୍ରିୟାରେ ତାଙ୍କୁ ମଧ୍ୟ ମକର ସଂକ୍ରାନ୍ତି ଶୁଭେଚ୍ଛା ଜଣାଇଛନ୍ତି । ଏହି ଆକ୍ସନ୍ ଏବଂ ଥ୍ରୀଲର ଚଳଚ୍ଚିତ୍ରରେ ମଲ୍ଟି ଷ୍ଟାରଙ୍କୁ ଦେଖିବାକୁ ମିଳିବ । ଅକ୍ଷୟ କୁମାର, ଅଜୟ ଦେବଗନ, ରଣଭୀର ସିଂ, ଦୀପିକା ପାଦୁକୋନ, କରୀନା କପୁର ଖାନ, ଟାଇଗର ଶ୍ରଫ ଭଳି ତାରକା ଏଥିରେ ନଜର ଆସିବେ ।
ଏହା ମଧ୍ୟ ପଢନ୍ତୁ:ରୋହିତଙ୍କ କପ୍ ୟୁନିଭର୍ସରେ ରଣବୀରଙ୍କ ଏଣ୍ଟ୍ରି !
ନିକଟରେ ଅଜୟ ଦେବଗନ, ରଣଭୀର ସିଂ, ଅଜୟ ଦେବଗନ, ଦୀପିକା ପାଦୁକୋନ, ଟାଇଗର ଶ୍ରଫ, କରୀନା କପୁର ଖାନ, ଅକ୍ଷୟ କୁମାରଙ୍କ ଲୁକ ରିଲିଜ ହୋଇସାରିଛି । ଏହାକୁ ଦେଖି ଫ୍ୟାନ୍ସ ଉତ୍ସାହ ସହ ଫିଲ୍ମକୁ ଅପେକ୍ଷା କରିରହିଛନ୍ତି । ତେବେ ସିଙ୍ଘମ ଏଗେନ ୧୫ ଅଗଷ୍ଟ ୨୦୨୪ରେ ପ୍ରେକ୍ଷାଳୟରେ ମୁକ୍ତିଲାଭ କରିବାକୁ ଯାଉଛି । ଏଥିସହିତ ସାଉଥ ସୁପରଷ୍ଟାର ଅଲୁ ଅର୍ଜୁନ ଷ୍ଟାରର ପୁଷ୍ପା ୨ ମଧ୍ୟ ଏହି ଦିନ ମୁକ୍ତିଲାଭ କରିବ । ଏଭଳି ପରିସ୍ଥିତିରେ ବକ୍ସ ଅଫିସରେ ସିଙ୍ଘମ ଏଗେନ ଏବଂ ପୁଷ୍ପାଙ୍କ ମଧ୍ୟରେ କଡ଼ା ପ୍ରତିଯୋଗିତା ହେବ ।
