ହାଇଦ୍ରାବାଦ: ବଲିଉଡର ଲୋକପ୍ରିୟ ନିର୍ଦ୍ଦେଶକ ରୋହିତ ଶେଟ୍ଟୀ ଆଜିକାଲି ନିଜ ଆଗାମୀ ୱେବ ସିରିଜ 'ଇଣ୍ଡିଆନ ପୋଲିସ ଫୋର୍ସ'କୁ ନେଇ ଚର୍ଚ୍ଚାରେ ରହିଛନ୍ତି । ଏହି ସିରିଜ ସହ ଓଟିଟିରେ ରୋହିତ ନିର୍ଦ୍ଦେଶନା କ୍ଷେତ୍ରରେ ଡେବ୍ୟୁ କରିବାକୁ ଯାଉଛନ୍ତି । ଏଥିସହ ସେ 'ସିଙ୍ଘମ ଏଗେନ'ର ସୁଟିଂରେ ମଧ୍ୟ ବ୍ୟସ୍ତ ଅଛନ୍ତି । ଏହାରି ମଧ୍ୟରେ ବର୍ତ୍ତମାନ ସେ ଗୋଲମାଲ ପ୍ରାଞ୍ଚାଇଜର ୫ମ କିସ୍ତି ନେଇ ଅପଡେଟ ସେୟାର କରିଛନ୍ତି । ସେ 'ଗୋଲମାଲ ୫' ସହ ପୁଣି ପରଦାକୁ ଫେରିବେ ବୋଲି କହିଛନ୍ତି ।
ଗଣମାଧ୍ୟମ ସହ କଥାବାର୍ତ୍ତା ବେଳେ ରୋହିତ ଶେଟ୍ଟୀ 'ଗୋଲମାଲ ୫' ଆସିବା ନେଇ ଖୁଲାସା କରିଛନ୍ତି । ସେ କହିଛନ୍ତି ଯେ, 'ଗୋଲମାଲ ୫' ନିଶ୍ଚୟ ପ୍ରସ୍ତୁତ ହେବ । ମୋତେ ଏହାକୁ ଟିକେ ଶୀଘ୍ର ପ୍ରସ୍ତୁତ କରିବାର ଅଛି । ମୋତେ ଲାଗୁଛି କି, ଆଗାମୀ ୨ ବର୍ଷ ମଧ୍ୟରେ 'ଗୋଲମାଲ ୫' ପରଦାକୁ ଆସିବାର କାର୍ଯ୍ୟକ୍ରମ ରହିଛି । ସେ ଆହୁରି କହିଛନ୍ତି, ମୋତେ ଲାଗୁଛି ଆଜିର ସମୟରେ ସିନେମାକୁ 'ଅଲ ଦ ବେଷ୍ଟ' ଏବଂ 'ଗୋଲମାଲ' ଭଳି ଫିଲ୍ମ ତୁଳନାରେ ଗ୍ରେଡ ଏବଂ ବଡ ହେବା ଦରକାର । ଯାହା ମୁଁ ସେହି ସମୟରେ ତିଆରି କରିଥିଲି । ବଡର ଅର୍ଥ ଆକ୍ସନ ନୁହେଁ । ମୁଁ ଗୋଲମାଲରେ ଆକ୍ସନ ଯୋଡିପାରିବି ନାହିଁ । କିନ୍ତୁ ମୁଁ ଫିଲ୍ମର ମାପ ବଢାଇପାରେ । ଗୋଲମାଲର ଅନେକ ଫ୍ୟାନ୍ସ ରହିଛନ୍ତି ଏବଂ ମୁଁ ଫ୍ୟାନ୍ସଙ୍କ ପାଇଁ ଏହି ବ୍ରାଣ୍ଡ ବନାଉଛି । ଏଣୁ ଏହା କମେଡି ଫିଲ୍ମ ହେଲେ ବି ବଡ ଏବଂ ଭଲ ହେବା ଦରକାର ।