ହାଇଦ୍ରାବାଦ: ହଲିଉଡ ଫିଲ୍ମ 'ମିଶନ୍ ଇମ୍ପସିବଲ୍', 'ଓପେନହାଇମର୍' ଏବଂ 'ବାର୍ବୀ' ବକ୍ସ ଅଫିସ୍ରେ ତାବଡତୋଡ କଲେକ୍ସନ ମଧ୍ୟରେ ବଲିଉଡର ପ୍ରସିଦ୍ଧ ଚଳଚ୍ଚିତ୍ର ନିର୍ମାତା କରଣ ଜୋହରଙ୍କ 2023 ବର୍ଷର ବହୁ ପ୍ରତୀକ୍ଷିତ ଚଳଚ୍ଚିତ୍ର ରକି ଔର ରାନୀ କି ପ୍ରେମ କାହାନୀ ଶୁକ୍ରବାର ପ୍ରେକ୍ଷାଳୟରେ ମୁକ୍ତିଲାଭ କରିଥିଲା । ଆଲିଆ ଭଟ୍ଟ ଏବଂ ରଣଭୀର ସିଂଙ୍କ ଯୋଡି ପୁଣିଥରେ ଫିଲ୍ମରେ ନଜର ଆସିଛି । ଏହାପୂର୍ବରୁ ଦୁହେଁ 'ଗଲି ବୟ'ରେ ମଧ୍ୟ ନଜର ଆସିଥିଲେ । ଫିଲ୍ମର ଓପନିଂ ଭଲ ହୋଇଛି । ତେବେ ରିଲିଜ୍ ହେବାର ପ୍ରଥମ ଦିନରେ 'ରକି ଔର ରାନୀ କି ପ୍ରେମ କାହାନୀ' କେତେ କୋଟି ରୋଜଗାର କରିଛି ଆସନ୍ତୁ ଜାଣିବା ?
ପ୍ରଥମ ଦିନରେ 'ରକି ଔର ରାନୀ କି ପ୍ରେମ କାହାନୀ' ରୋଜଗାର କେତେ
ସାତ ବର୍ଷ ପରେ 'ରକି ଔର ରାନୀ କି ପ୍ରେମ କାହାନୀ' ସହିତ କରଣ ଜୋହର ପୁଣି ପ୍ରତ୍ୟାବର୍ତ୍ତନ କରିଛନ୍ତି । ଏହି କାରଣରୁ ଏହି ଚଳଚ୍ଚିତ୍ରରୁ ଆଶା ବହୁତ ଅଧିକ ରହିଛି । ତେବେ ଏହି ଚଳଚ୍ଚିତ୍ରକୁ ନେଇ ପୂର୍ବରୁ ଅନେକ ଗୁଜବ ସୃଷ୍ଟି ହୋଇଥିଲା । ବର୍ତ୍ତମାନ 'ରକି ଔର ରାନୀ କି ପ୍ରେମ କାହାନୀ' ଶେଷରେ ପ୍ରେକ୍ଷାଳୟରେ ପହଞ୍ଚି ସାରିଛି, ପ୍ରଥମ ଦିନରେ ଏହାକୁ ଦେଖିବା ପାଇଁ ଦର୍ଶକ ଭିଡ଼ ଜମିଥିଲା । ଏହା ସହିତ ଫିଲ୍ମ ଭଲ ଆରମ୍ଭ ହୋଇଛି । ଏଥି ସହିତ ଫିଲ୍ମ ରିଲିଜ ହେବାର ପ୍ରଥମ ଦିନର ରୋଜଗାର ସଂଖ୍ୟା ମଧ୍ୟ ସାମ୍ନାକୁ ଆସିଛି।
ଏହା ବି ପଢନ୍ତୁ:RRKPK Twitter Review: ରିଲିଜ ହେଲା ଫିଲ୍ମ, ରଣଭୀର-ଆଲିଆଙ୍କ ଲଭ କେମେଷ୍ଟ୍ରି ଜିତିଲା ଦର୍ଶକଙ୍କ ମନ
ଟ୍ରେଡ୍ ଆନାଲିଷ୍ଟ ତରଣ ଆଦର୍ଶ ଚଳଚ୍ଚିତ୍ର ରକି ଔର ରାନୀ କି ପ୍ରେମ କାହାନୀର ରୋଜଗାରର ପ୍ରଥମ ଦିନର ଆକଳନ ସେୟାର କରିଛନ୍ତି । ଏହି ଅନୁଯାୟୀ, ରଣଭୀର ଏବଂ ଆଲିଆଙ୍କ ଫିଲ୍ମ ପ୍ରଥମ ଦିନରେ ଦୁଇ ଅଙ୍କରେ ପହଞ୍ଚିଛି । ଏହା ସହିତ ଫିଲ୍ମ ଉଦଘାଟନୀ ଦିନରେ 11.50 କୋଟି ବ୍ୟବସାୟ କରିଛି ।