ମୁମ୍ବାଇ: ଦୀର୍ଘ ଦିନ ପରେ ଟିଭି ପରଦାରେ ନଜର ଆସିବେ ବଲିଉଡ ଅଭିନେତ୍ରୀ ରିୟା ଚକ୍ରବର୍ତ୍ତୀ । ସୁଶାନ୍ତ ସିଂ ରାଜପୁତଙ୍କ ମୃତ୍ୟୁକୁ ନେଇ ବିବାଦରେ ଛନ୍ଦି ହୋଇଥିବା ରିୟା ଚକ୍ରବର୍ତ୍ତୀଙ୍କୁ ଏକ ନୂଆ ପ୍ରୋଜେକ୍ଟରେ ଦେଖିବାକୁ ମିଳିବ । MTV ଇଣ୍ଡିଆରେ VJ ଭାବରେ ଅଭିନେତ୍ରୀ ରିୟା ନଜର ଆସିବେ । ଯୁବଗୋଷ୍ଠୀଙ୍କ ପ୍ରିୟ ରିଆଲିଟି ସୋ MTV ରୋଡିଜ୍ର 19ତମ ସିଜିନରେ ପ୍ରିନ୍ସ ନରୁଲା ଏବଂ ଗୌତମ ଗୁଲାଟିଙ୍କ ସହ ଗ୍ୟାଙ୍ଗ ଲିଡର ଭାବେ ରିୟାଙ୍କୁ ଦେଖିବାକୁ ମିଳିବ । ଏହି ଶୋ’ ସହ ଯୋଡ଼ି ହୋଇ ରିୟା ଖୁସି ଜାହିର କରିଥିବା ବେଳେ ଏହି ନୂଆ ପ୍ରୋଜେକ୍ଟର ଫ୍ୟାନ୍ସ ତାଙ୍କୁ ସପୋର୍ଟ କରିବା ସହ ଭଲ ପାଇବା ଦେବେ ବୋଲି ଆଶା ରଖିଛନ୍ତି ।
MTV ରୋଡିଜ୍ ସହ ଯୋଡ଼ି ହେବା ପରେ ପ୍ରତିକ୍ରିୟା ଦେଇ ରିୟା କହିଛନ୍ତି, "MTV ରୋଡିଜ୍ରେ କାମ କରିବାକୁ ନେଇ ଖୁସି ଓ ଉତ୍ସାହିତ ଅଛି । ମୁଁ ସୋନୁ ସୁଦ୍ ଏବଂ ମୋର ସାଥୀ ଗ୍ୟାଙ୍ଗ ଲିଡରଙ୍କ ସହ କାମ କରିବାକୁ ଅପେକ୍ଷା କରିଛି । ଏହି ଥ୍ରୀଲିଂ ଶୋ'ରେ ମୋର ଏକ ନିର୍ଭିକ ବ୍ୟକ୍ତିତ୍ବ ଫ୍ୟାନ୍ସଙ୍କୁ ଦେଖିବାକୁ ମିଳିବ । ଏହି ନୂଆ ଯାତ୍ରା ପାଇଁ ପ୍ରଶଂସକଙ୍କଠାରୁ ଭଲପାଇବା ଏବଂ ସମର୍ଥନ ଆଶା କରୁଥିବା କଥା କହିଛନ୍ତି ରିୟା ।