ହାଇଦ୍ରାବାଦ: ବଲିଉଡର ପ୍ରସିଦ୍ଧ ଗାୟକ କେକେଙ୍କ ସ୍ବର ସବୁଦିନ ପାଇଁ ନିରବି ଯାଇଛି । କିନ୍ତୁ ପ୍ରଶଂସକଙ୍କ ପାଇଁ ସେ ତାଙ୍କର ଯାଦୁଗରୀ କଣ୍ଠର ଗୀତ ସ୍ମୃତି ଭାବେ ଛାଡି ଯାଇଛନ୍ତି । ସେଥିମଧ୍ୟରୁ ତାଙ୍କର ଏମିତି କିଛି ଗୀତ ରହିଛି, ଯାହା କେକେଙ୍କୁ ଚିର ଅମର କରି ରଖିବ । ମେ 31 ତାରିଖରେ କୋଲକାତାରେ କେ.କେଙ୍କ ମୃତ୍ୟୁ ପରେ ତାଙ୍କର ଶେଷ ଗୀତ ଆଜି ମୁକ୍ତିଲାଭ କରିଛି । କେ.କେ ପ୍ରଶଂସକଙ୍କ ପାଇଁ କେବଳ ଏକ ଗୀତ ନୁହେଁ ବରଂ ଏକ ଅମୂଲ୍ୟ ଧନ ଥିଲେ, ଯାହାର କୌଣସି ତୁଳନା ନାହିଁ ।
କେ.କେଙ୍କର ଶେଷ ଗୀତ
କେ.କେଙ୍କର ଏହି ଶେଷ ଗୀତ ପଙ୍କଜ ତ୍ରିପାଠୀଙ୍କ ଚଳଚ୍ଚିତ୍ର 'ଶେରଦିଲ୍: ଦ ପିଲିଭିତ୍ ସାଗା'ରେ (Sherdil The Pilibhit Saga) ଅଛି । ଗୀତର ନାମ ହେଉଛି ଧୁପ ପାନି ବହନେ ଦେ (Dhoop Paani Bahne De) । ଗୁଲଜାର ଏହି ଗୀତ ଲେଖିଥିବାବେଳେ ଶାନ୍ତନୁ ମିତ୍ରଙ୍କ ଦ୍ୱାରା ରଚନା କରାଯାଇଛି । ଶେରଦିଲ୍ ଫିଲ୍ମ ଜୁନ୍ 24 ରେ ପ୍ରେକ୍ଷାଳୟରେ ମୁକ୍ତିଲାଭ କରିବ । ଏହି ସିନେମାରେ ମୁଖ୍ୟ ଭୂମିକାରେ ପଙ୍କଜ ତ୍ରିପାଠୀ, ନୀରଜ କାବି, ସାଇନି ଗୁପ୍ତା ଅଭିନୟ କରିଛନ୍ତି। ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି ଶ୍ରୀଜିତ ମୁଖାର୍ଜୀ ।