ମୁମ୍ବାଇ: RRR ଏବଂ ଥର୍ ଫେମ୍ ଅଭିନେତା ଷ୍ଟିଭେନସନଙ୍କର ପରଲୋକ ହୋଇଛି । ଏହି ଖବର ଭାରତ ଏବଂ ବିଦେଶର ଚଳଚ୍ଚିତ୍ର ଜଗତ ପାଇଁ ଏକ ଆଶ୍ଚର୍ଯ୍ୟଜନକ ଘଟଣା ଅଟେ । ମେ' 21ରେ ଇଟାଲୀର ଆନ୍ନା ରିଜୋଲି ହସ୍ପିଟାଲରେ ତାଙ୍କ ମୃତ୍ୟୁ ଘଟିଛି । 59 ତମ ଜନ୍ମଦିନର 4 ଦିନ ପୂର୍ବରୁ ଶେଷ ନିଃଶ୍ବାସ ତ୍ୟାଗ କରିଛନ୍ତି ଷ୍ଟିଭେନସନ। ଏହି ଦୁଃଖଦ ଖବର ଶୁଣି ଅଭିନେତାଙ୍କ ପ୍ରଶଂସକ ଏବଂ ଚଳଚ୍ଚିତ୍ର ଇଣ୍ଡଷ୍ଟ୍ରୀରେ ଶୋକର ଛାୟା ଖେଳିଯାଇଛି । ଓସ୍କାର ବିଜେତା ଚଳଚ୍ଚିତ୍ର RRR ନିର୍ଦ୍ଦେଶକ ରାଜାମୌଲି ତାଙ୍କ ମୃତ୍ୟୁରେ ଶୋକ ପ୍ରକାଶ କରିଛନ୍ତି । ଏଥି ସହିତ ହଲିଉଡ ଚଳଚ୍ଚିତ୍ର ନିର୍ମାତା ତଥା ଅଭିନେତା ଜେମ୍ସ ଗୁନ୍ ମଧ୍ୟ ଅଭିନେତାଙ୍କ ମୃତ୍ୟୁକୁ ନେଇ ଦୁଃଖ ପ୍ରକାଶ କରିଛନ୍ତି ।
ରେ' ଷ୍ଟିଭେନସନଙ୍କ ସହ RRR ପରି ଏକ ସଫଳ ଫିଲ୍ମ ନିର୍ମାଣ କରିଥିବା ଲୋକପ୍ରିୟ ନିର୍ଦ୍ଦେଶକ ରାଜାମୌଲି ହଲିଉଡ ଅଭିନେତାରେ ଷ୍ଟିଭେନସନଙ୍କ ଦେହାନ୍ତରେ ଆଶ୍ଚର୍ଯ୍ୟ ହୋଇଛନ୍ତି । ରାଜାମୌଲି ରେ'ଙ୍କ ସହ ଟ୍ବିଟରରେ ନିଜର ଏକ ସୁନ୍ଦର ଫଟୋ ସେୟାର କରି ତାଙ୍କ ବିୟୋଗରେ ଶୋକ ପ୍ରକାଶ କରିଛନ୍ତି । ଷ୍ଟିଭେନସନଙ୍କୁ ଶ୍ରଦ୍ଧାଞ୍ଜଳି ଜଣାଇବା ସହ ପରିବାରକୁ ସମବେଦନା ଜଣାଇଛନ୍ତି । ରାଜାମୌଲି ଫଟୋ ସେୟାର କରି ଲେଖିଛନ୍ତି, "ଷ୍ଟିଭେନସନଙ୍କ ମୃତ୍ୟୁ ଖବରକୁ ମୁଁ ବିଶ୍ବାସ କରିପାରୁନାହିଁ । ସେଟ୍ରେ ତାଙ୍କ ଉପସ୍ଥିତି ଉତ୍ସାହରେ ପୂର୍ଣ୍ଣ ରହୁଥିଲା । ଏହା ପ୍ରକୃତରେ ଦୁଃଖଦାୟକ, ତାଙ୍କ ସହ କାମ କରିବା ଏକ ବଡ଼ ଅନୁଭୂତି ଥିଲା, ତାଙ୍କ ପରିବାର ପାଇଁ ମୋର ପ୍ରାର୍ଥନା, ତାଙ୍କ ଆତ୍ମାକୁ ଶାନ୍ତି ମିଳୁ ।"