ମୁମ୍ବାଇ: ବୁଧବାର ଦିନ ନୂଆଦିଲ୍ଲୀରେ 106 ଜଣଙ୍କୁ ଚତୁର୍ଥ ସର୍ବୋଚ୍ଚ ନାଗରିକ ପୁରସ୍କାର ପଦ୍ମଶ୍ରୀ ସମ୍ମାନରେ ସମ୍ମାନିତ କରାଯାଇଛି । ଏଥିମଧ୍ୟରେ 4ଜଣ ମନୋରଞ୍ଜନ ଦୁନିଆ ସହ ଜଡିତ ଥିଲେ । ରାଷ୍ଟ୍ରପତି ଦ୍ରୌପଦୀ ମୁର୍ମୁ ସମସ୍ତଙ୍କୁ ସମ୍ମାନିତ କରିଥିଲେ । ଏହି ଅବସରେ ବଲିଉଡ ଅଭିନେତ୍ରୀ ରବିନା ଟଣ୍ଡନଙ୍କୁ ମଧ୍ୟ 'ପଦ୍ମଶ୍ରୀ' ସମ୍ମାନରେ ସମ୍ମାନିତ ହୋଇଛନ୍ତି । ଫିଲ୍ମ ଇଣ୍ଡଷ୍ଟ୍ରିରେ ନିଜର ଅବଦାନ ପାଇଁ ରବିନା ଟଣ୍ଡନଙ୍କୁ 'ପଦ୍ମଶ୍ରୀ' ସମ୍ମାନରେ ସମ୍ମାନିତ କରାଯାଇଛି । ଏହି ସମୟରେ ଓସ୍କାର ବିଜେତା ସଂଗୀତ ରଚନା ଏମ ଏମ କିରାବନୀ, ଖେଳାଳି ଜାକିର ହୁସେନ ଏବଂ ଗାୟକ ଭାନି ଜୟରାମଙ୍କୁ ମଧ୍ୟ ସମ୍ମାନିତ କରାଯାଇଛି ।
ରବିନା ସୋସିଆଲ ମିଡିଆରେ ଏହି ବିଶେଷ ମୁହୂର୍ତ୍ତକୁ ସେୟାର କରି ଫ୍ୟାନ୍ସଙ୍କୁ ଜଣାଇଛନ୍ତି । ଏହି ଫଟୋ ସେୟାର କରି ରବିନା କ୍ୟାପସନରେ 'ପଦ୍ମଶ୍ରୀ 23, ପ୍ରେମ ଏବଂ ଉତ୍ସବର ଦିନ' ବୋଲି ଲେଖିଛନ୍ତି । ଫଟୋ ଗୁଡିକ ସେୟାର ହେବା ପରେ ଫ୍ୟାନ୍ସ ଲାଇକ କରିବା ସହ ଶୁଭେଚ୍ଛା ଜଣାଇଛନ୍ତି ।
ତେବେ ରବିନା ଟଣ୍ଡନ ସମ୍ମାନିତ ହେବା ପରେ କହିଛନ୍ତି କି,“ପ୍ରେମ ଏବଂ ସମ୍ମାନ ପାଇଁ ସମସ୍ତଙ୍କୁ ଧନ୍ୟବାଦ ଜଣାଇଥିଲେ ରବୀନା । ମୋର ଅବଦାନ, ମୋ ଜୀବନ, ମୋର ଆବେଗ ଏବଂ ଉଦ୍ଦେଶ୍ୟକୁ ସ୍ବୀକାର କରିଥିବାରୁ ଭାରତ ସରକାର ଆପଣଙ୍କୁ ବହୁତ ଧନ୍ୟବାଦ । ସିନେମା ଏବଂ କଳା, ଯାହା ମୋତେ କେବଳ ଫିଲ୍ମ ଇଣ୍ଡଷ୍ଟ୍ରିରେ ନୁହେଁ, ବରଂ ବାହାରେ ମଧ୍ୟ ଯୋଗଦାନ କରିବାକୁ ଅନୁମତି ଦେଲା । ମୁଁ ସମସ୍ତଙ୍କୁ ଧନ୍ୟବାଦ ଦେଉଛି ଯେଉଁମାନେ ମୋତେ ସିନେ ଜଗତର ଏହି ଯାତ୍ରା ମାଧ୍ୟମରେ ମାର୍ଗଦର୍ଶନ କରିଛନ୍ତି । ଯେଉଁମାନେ ମୋର ହାତ ଧରିଥିଲେ, ଏବଂ ସମସ୍ତଙ୍କୁ ମୁଁ ଧନ୍ୟବାଦ ଦେଉଛି । ଏଥିସହ ନିଜ ବାପା, ମା'ଙ୍କ ଆଶୀର୍ବାଦରୁ ଏହା ଗ୍ରହଣ କରିଥିବା ନେଇ ସେମାନଙ୍କୁ ମଧ୍ୟ ଧନ୍ୟବାଦ ଜଣାଇଛନ୍ତି ଅଭିନେତ୍ରୀ ।