ହାଇଦ୍ରାବାଦ: ରଣବୀର କପୁର ଏବଂ ଆଲିଆ ଭଟ୍ଟ ତାଙ୍କର ଆଗାମୀ ଚଳଚ୍ଚିତ୍ର 'ବ୍ରହ୍ମାସ୍ତ୍ର'ର ପ୍ରମୋସନରେ ବ୍ୟସ୍ତ ଅଛନ୍ତି । ଏହି ଚଳଚ୍ଚିତ୍ରରୁ ପ୍ରଥମ ଥର ପାଇଁ ରଣବୀର ଏବଂ ଆଲିଆଙ୍କୁ ବଡ଼ ପରଦାରେ ଦେଖିବାକୁ ମିଳିବ । ଏହି ଫିଲ୍ମ ପାଇଁ ଦମ୍ପତି ଦିନରାତି ଫିଲ୍ମର ପ୍ରମୋସନ କରୁଛନ୍ତି। ଏହି ଚଳଚ୍ଚିତ୍ର ଆସନ୍ତାକାଲି ଅର୍ଥାତ୍ 9 ସେପ୍ଟେମ୍ବରରେ ସାରା ବିଶ୍ୱରେ ମୁକ୍ତିଲାଭ କରିବାକୁ ଯାଉଛି । ନିକଟରେ ରଣବୀର କପୁରଙ୍କ ଫିଲ୍ମ 'ଶମ୍ଶେରା' ରିଲିଜ ହୋଇଥିଲା, ଯାହା ବକ୍ସ ଅଫିସରେ ଫ୍ଲପ୍ ବୋଲି ପ୍ରମାଣିତ ହୋଇଥିଲା । 'ବ୍ରହ୍ମାସ୍ତ୍ର'ର ପ୍ରମୋସନ ସମୟରେ ରଣବୀର କପୁର ଶମଶେରାର ଫ୍ଲପ୍ ହେବାର କାରଣ କହିଛନ୍ତି ।
କାହିଁକି ଫ୍ଲପ୍ ହେଲା 'ଶମଶେରା'
'ଫିଲ୍ମର ଦୁର୍ବଳ ବିଷୟବସ୍ତୁ ବା କଣ୍ଟେଣ୍ଟ' ଶମଶେରା ଫ୍ଲପ୍ ହେବାର ସବୁଠାରୁ ଗୁରୁତ୍ୱପୂର୍ଣ୍ଣ କାରଣ ବୋଲି ରଣବୀର କପୁର ଦର୍ଶାଇଛନ୍ତି । ଦିଲ୍ଲୀରେ ପ୍ରମୋସନ ସମୟରେ ରଣବୀର କହିଛନ୍ତି ଯେ, ଯଦି ଆମେ ଚଳଚ୍ଚିତ୍ରରେ ରିଚ୍ କଣ୍ଟେଣ୍ଟ ଦେବା ତେବେ ଦର୍ଶକ ଏହାକୁ ପସନ୍ଦ କରିବେ । ଚଳଚ୍ଚିତ୍ରରେ ଭାବନା, ହସିବା, କାନ୍ଦିବା ଦର୍ଶକଙ୍କ ପାଇଁ ଗୁରୁତ୍ୱପୂର୍ଣ୍ଣ, ଯଦି କଣ୍ଟେଣ୍ଟରେ ଏସବୁ ନାହିଁ ତେବେ ଫିଲ୍ମ ଚାଲିବା ମୁସ୍କିଲ ।