ମୁମ୍ବାଇ: ବଲିଉଡର ପାୱରଫୁଲ୍ କପଲ ରଣବୀର କପୁର ଏବଂ ଆଲିଆ ଭଟ୍ଟ ବର୍ତ୍ତମାନ ସେମାନଙ୍କ ଜୀବନର ନୂଆ ପର୍ଯ୍ୟାୟ ଉପଭୋଗ କରୁଛନ୍ତି । ନଭେମ୍ବର ଆରମ୍ଭରେ ଏହି ଦମ୍ପତି ନିଜ ଝିଅ 'ରାହା' (Raha)କୁ ଏହି ଦୁନିଆରେ ସ୍ବାଗତ କରିଛନ୍ତି ଏବଂ ଆଜିକାଲି ସେମାନେ ନିଜ ଝିଅର ଯତ୍ନ ନେବାରେ ବ୍ୟସ୍ତ ଅଛନ୍ତି । ଝିଅର ଯତ୍ନ କେମିତି ନେବେ ଏବଂ ତାଙ୍କ ସହ ଜଡିତ କର୍ତ୍ତବ୍ୟ କିପରି ବାଣ୍ଟିବେ ସେନେଇ ଆଲିଆ-ରଣବୀର ବିଶେଷ ଧ୍ୟାନ ଦେଉଛନ୍ତି ।
ନିକଟରେ ରଣବୀର ଅନ୍ତର୍ଜାତୀୟ ଫିଲ୍ମ ଫେଷ୍ଟିଭାଲ ପାର୍ଟିରେ ଯୋଗ ଦେଇଥିଲେ । ଏହି ସମୟରେ ସେ ଫିଲ୍ମ, ପିତାମାତା ଏବଂ ଅନ୍ୟାନ୍ୟ ବିଷୟରେ କହିଥିଲେ । ଯେତେବେଳେ ରଣବୀରଙ୍କୁ ପଚରାଯାଇଥିଲା ପିତା ହେବା ପରେ ତାଙ୍କ ଜୀବନରେ କ'ଣ ପରିବର୍ତ୍ତନ ହୋଇଛି ସେ କହିଥିଲେ କି, 'ସେ ଅଧିକ କାମ କରନ୍ତି ନାହିଁ' ଏମିତିରେ ଆଲିଆ ସୁଟିଂରୁ ଦୂରରେ ଥିବାବେଳେ ସେ ଝିଅର ଯତ୍ନ ନେବା ପାଇଁ ବିରତି ନେଇପାରନ୍ତି । ଅର୍ଥାତ, ଯେତେବେଳେ ଆଲିଆ ସୁଟିଂରେ ଥିବେ, ରଣବୀର କପୁର ତାଙ୍କ ଝିଅର ଯତ୍ନ ନେବେ, ଯେଉଁଥିପାଇଁ ସେ ନିଜ କାମରୁ ବିରତି ନେଇପାରନ୍ତି ।
ରଣବୀର ଆହୁରି କହିଛନ୍ତି- 'ମୁଁ ଅଧିକ କାମ କରେ ନାହିଁ । ମୁଁ ଗୋଟିଏ ବର୍ଷରେ ମାତ୍ର 180 ରୁ 200 ଦିନ କାମ କରେ । ସେ ମୋ ଠାରୁ ଅଧିକ କାମ କରନ୍ତି ଏବଂ ମୋ ଅପେକ୍ଷା ଅଧିକ ବ୍ୟସ୍ତ ରୁହନ୍ତି । କିନ୍ତୁ, ଆମେ ଏହାକୁ ବାଲାନ୍ସ କରିବୁ। ବୋଧହୁଏ, ସେ କାମ କରୁଥିବାବେଳେ ମୁଁ ବିରତି ନେଇପାରେ । କିମ୍ବା ମୁଁ କାର୍ଯ୍ୟରେ ଥିବାବେଳେ ସେ ବିରତି ନେଇପାରନ୍ତି ।