ହାଇଦ୍ରାବାଦ: ହାଇଦ୍ରାବାଦର ମନୋରଞ୍ଜନ ହବ୍ - ପ୍ରସିଦ୍ଧ ରାମୋଜୀ ଫିଲ୍ମ ସିଟି (ଆରଏଫସି)ରେ ୱିଣ୍ଟର ଭ୍ୟାକେସନ ଉପଲକ୍ଷେ ପର୍ଯ୍ୟଟକଙ୍କ ପାଇଁ ରହିଛି ସ୍ପେଶାଲ ଅଫର । 'ୱିଣ୍ଟର ଫେଷ୍ଟ ଏବଂ ୧୧୦ ବର୍ଷର ଭାରତୀୟ ସିନେମା ଉତ୍ସବର ଏକ ଅଂଶ ଭାବରେ ରାମୋଜୀ ଫିଲ୍ମ ସିଟିରେ ପର୍ଯ୍ୟଟକ ଏବଂ ଫିଲ୍ମ ପ୍ରେମୀଙ୍କ ପାଇଁ ଶୀତକାଳୀନ ଉତ୍ସବ ଆରମ୍ଭ ହୋଇଛି । ଏହି କାର୍ଯ୍ୟକ୍ରମ ଡିସେମ୍ବର ୧୫ରୁ ଆରମ୍ଭ ହୋଇଥିବା ବେଳେ ଜାନୁଆରୀ ୨୮ ପର୍ଯ୍ୟନ୍ତ ଚାଲିବ ।
ସୂଚନା ଅନୁସାରେ, ରାମୋଜୀ ଶୀତକାଳୀନ ଫେଷ୍ଟିଭାଲରେ ଅଂଶଗ୍ରହଣ କରିପାରିବେ ଯାହା ଜାନୁଆରୀ 28 ପର୍ଯ୍ୟନ୍ତ ମାଧ୍ୟମରେ ଜାରି ରହିବ । ଉତ୍ସବ ସମୟରେ ଯେଉଁମାନେ ଫିଲ୍ମ ସିଟି ହୋଟେଲରେ ରହିବାକୁ ଏବଂ ଉତ୍ସବକୁ ଉପଭୋଗ କରିବାକୁ ଚାହୁଁଛନ୍ତି ସେମାନଙ୍କ ପାଇଁ ସ୍ୱତନ୍ତ୍ର ରହଣି ପ୍ୟାକେଜ୍ ଉପଲବ୍ଧ ରହିଛି । ଯେଉଁମାନେ ଶୀତଦିନିଆ ଫେଷ୍ଟରେ ଭାଗ ନେବାକୁ ଚାହୁଁଛନ୍ତି ସେମାନଙ୍କ ପାଇଁ ବିଭିନ୍ନ ସ୍ୱତନ୍ତ୍ର ପ୍ୟାକେଜ୍ ଉପଲବ୍ଧ ରହିଛି । ନିଜ ଇଚ୍ଛା ଅନୁଯାୟୀ ପରିବାର ସାଙ୍ଗସାଥୀଙ୍କ ସହ ଏଥିରେ ସାମିଲ ହୋଇ ଶୀତଦିନିଆ ଉତ୍ସବକୁ ଦ୍ବିଗୁଣିତ କରିପାରିବେ ।
ଡିସେମ୍ବର ୧୫ ଅର୍ଥାତ୍ ଶୁକ୍ରବାର ଦିନ ରାମୋଜୀ ଫିଲ୍ମ ସିଟିରି ଏହି ଶୀତକାଳୀନ ସମାରୋହ ଉତ୍ସବ ଆରମ୍ଭ ହୋଇଛି । ସକାଳ ୯ ଟାରୁ ରାତି ୯ଟା ପର୍ଯ୍ୟନ୍ତ ଚାଲୁଥିବା ସ୍ୱତନ୍ତ୍ର ମନୋରଞ୍ଜନ ଉପଭୋଗ କରୁଛନ୍ତି ଦର୍ଶକ । ଏହି ସମୟରେ ଶନିବାର ୱିକେଣ୍ଟ ହୋଇଥିବାରୁ ଫିଲ୍ମ ସିଟିରେ ବହୁ ସଂଖ୍ୟାରେ ପରିଦର୍ଶକ ଏବଂ ପର୍ଯ୍ୟଟକଙ୍କ ଭିଡ ପରିଲକ୍ଷିତ ହୋଇଥିଲା । ଏବଂ ଏହି କାର୍ଯ୍ୟକ୍ରମଗୁଡିକ ଦର୍ଶକମାନଙ୍କୁ ବେଶ ଆକର୍ଷିତ କରିଥିବା ବେଳେ ଆଗକୁ ମଧ୍ୟ ଏଠାରେ ବହୁ ସଂଖ୍ୟକ ଲୋକଙ୍କ ସାମିଲ ହେବେ ବୋଲି ଆଶା କରାଯାଉଛି ।
ଏହା ମଧ୍ୟ ପଢନ୍ତୁ:ମୁଖ୍ୟ ଆକର୍ଷଣ ସାଜିଲା ରାମୋଜୀ ଫିଲ୍ମସିଟି, ଷ୍ଟଲ ପରିଦର୍ଶନ କରୁଛନ୍ତି ବହୁ ପର୍ଯ୍ୟଟକ
ଏହି ଶୀତକାଳୀନ ସମାରୋହରେ ଦର୍ଶକ ଇଲେକ୍ଟ୍ରିକ୍ ଲ୍ୟାମ୍ପ୍ ଆଲୋକରେ ଫିଲ୍ମ ସିଟିର ସୌନ୍ଦର୍ଯ୍ୟ, କାର୍ନିଭାଲ୍ ପ୍ୟାରେଡ୍ ଏବଂ ସନ୍ଧ୍ୟାରେ ବିଭିନ୍ନ ଆନୁସାଙ୍ଗିକ କାର୍ଯ୍ୟକ୍ରମର ମଜା ନେଇପାରିବେ ଦର୍ଶକ । ଭାରତୀୟ ସିନେମାର ୧୧୦ତମ ବାର୍ଷିକୀ ଥିମ୍ ଉପରେ ସୃଷ୍ଟି ହୋଇଥିବା ସ୍ୱତନ୍ତ୍ର ନୃତ୍ୟ ପ୍ରଦର୍ଶନ ବେଶ ଚମତ୍କାର ଅଟେ । ଶାନ୍ତ ଉଦ୍ୟାନ, ଫିଲ୍ମି ପରିବେଶ, ଚଳଚ୍ଚିତ୍ର-ସେଟିଂ, ଶିଶୁଙ୍କ ପାଇଁ ଦୋଳି, ୟୁରେକା ସପିଂ, ଷ୍ଟଣ୍ଟ ଶୋ' ମଧ୍ୟ ଉପଭୋଗ କରିବେ ଦର୍ଶକ । ସନ୍ଧ୍ୟାରେ କାର୍ନିଭାଲ ପ୍ୟାରେଡ୍ ସହ କଳାକାରମାନଙ୍କ ଚମତ୍କାର ପ୍ରଦର୍ଶନ, ମୋବାଇଲ୍ ଡିଜେ ପ୍ରଦର୍ଶନ ସମେତ ସାନଦାର ଭୋଜିର ମଧ୍ୟ ମଜା ନେଇପାରିବେ ।
