ମୁମ୍ବାଇ: ରାମଲାଲାଙ୍କ ପ୍ରାଣ ପ୍ରତିଷ୍ଠାକୁ ନେଇ ଉତ୍ସବମୁଖର ସାରା ଦେଶ। ଆସନ୍ତା 22ତାରିଖରେ ରାମ ମନ୍ଦିର ପ୍ରତିଷ୍ଠା ହେବ । ଏହି ସମାରୋହରେ ଅନେକ ବରିଷ୍ଠ ବ୍ୟକ୍ତି ବିଶେଷ, ନେତାଙ୍କ ଠାରୁ ଆରମ୍ଭ କରି ବୈଷୟିକ କ୍ଷେତ୍ରରେ ପ୍ରତିଷ୍ଠିତ ବ୍ୟକ୍ତି ଏବଂ ସେଲିବ୍ରିଟି ସାମିଲ ହେବେ । ଏଥିପାଇଁ ସମସ୍ତଙ୍କୁ ନିମନ୍ତ୍ରଣ କରାଯାଇଛି । ପୂର୍ବରୁ ଆଲିଆ ଏବଂ ରଣବୀରଙ୍କୁ ନିମନ୍ତ୍ରଣ କରାଯାଇଥିବା ବେଳେ ବର୍ତ୍ତମାନ ଏଥିରେ ସାମିଲ ହୋଇଛନ୍ତି ଆରଆରଆର ଅଭିନେତା ରାମଚରଣ ଏବଂ ପତ୍ନୀ ଉପାସନା । ଆରଏସଏସର ସୁନୀଲ ଅମ୍ବଦକର ହାଇଦ୍ରାବାଦ ସ୍ଥିତ ତାଙ୍କ ବାସଭବନକୁ ଯାଇ ରାମ ମନ୍ଦିର ପ୍ରତିଷ୍ଠାରେ ଯୋଗ ଦେବା ପାଇଁ ଉଭୟଙ୍କୁ ନିମନ୍ତ୍ରଣ କରିଛନ୍ତି । ତେବେ ନିମନ୍ତ୍ରଣ ଅନୁସାରେ ମନ୍ଦିର ପ୍ରତିଷ୍ଠାରେ ସେଲିବ୍ରିଟି, ଭକ୍ତ, ସାଧୁସନ୍ଥ, ରାଜନୈତିକ ନେତା, ଚଳଚ୍ଚିତ୍ର ତାରକା, କ୍ରୀଡା ବ୍ୟକ୍ତିତ୍ୱ ସହ ପ୍ରତିଷ୍ଠିତ ବ୍ୟବସାୟୀ ଯୋଗଦାନ କରିବେ ବୋଲି ଆଶା କରାଯାଉଛି ।
ରାମଚରଣଙ୍କ ଏକ ଫ୍ୟାନ ପେଜରେ ନିମନ୍ତ୍ରଣ ସମୟର ଫଟୋ ସେୟାର କରାଯାଇଛି । ପ୍ରଥମ ଫଟୋରେ ସାଉଥ ସୁପରଷ୍ଟାର ରାମଚରଣ, ତାଙ୍କ ସ୍ତ୍ରୀ ଉପାସନା ଏହଂ ଆରଏସଏସର ଅଖିଳ ଭାରତୀୟ ପ୍ରଚାର ମୁଖ୍ୟ ସୁନୀଲ ଆମ୍ବେକର ଏକଠି ନଜର ଆସିଥିବା ବେଳେ ଅନ୍ୟ ଅକ ଫଟୋରେ ସୁନୀଲ ଆମ୍ବେକର ଏବଂ ରାମଚରଣ ଏକାଠି ନଜର ଆସିଛନ୍ତି । ତେବେ ସୋସିଆଲ ମିଡିଆରେ ପୋଷ୍ଟ ହୋଇଥିବା ଫଟୋରେ ସୁପରଷ୍ଟାର ଏବଂ ତାଙ୍କ ମନ୍ତ୍ରୀ ହାତରେ ରାମ ମନ୍ଦିର ପ୍ରତିଷ୍ଠାର ନିୟନ୍ତ୍ରଣ ପତ୍ର ଧରିଥିବା ନଜର ଆସିଛନ୍ତି ।