ମୁମ୍ବାଇ: ପୁଣି ବିବାଦରେ ଛନ୍ଦି ହେଲେ 'ଡ୍ରାମା କୁଇନ୍' ରାକ୍ଷୀ ସାୱନ୍ତ । ମିଠୁ ଅଭିଯୁକ୍ତ ସାଜିଦ ଖାନଙ୍କୁ ସମର୍ଥନ କରିବା ତାଙ୍କ ଉପରେ ପଡିଲା ଭାରି। ରାକ୍ଷୀ ସାୱନ୍ତ ଏବଂ ତାଙ୍କ ଓକିଲ ଫାଲଗୁନି ବ୍ରହ୍ମାଭଟ୍ଟଙ୍କ ବିରୋଧରେ ଏକ ଏଫ୍ଆଇଆର୍ ପଞ୍ଜିକୃତ ହୋଇଛି । ଉଭୟଙ୍କ ବିରୋଧରେ ଆଇପିସି ବିଭାଗ 354A, 500, 504, 509 ଏବଂ ଆଇଟି ଆକ୍ଟ 67A ଅଧୀନରେ ଏକ ଏଫଆଇଆର ଦାଖଲ କରାଯାଇଛି । କିଛି ଦିନ ପୂର୍ବରୁ ଗଣମାଧ୍ୟମରେ ଖବର ଆସିଥିଲା ଯେ, ରାକ୍ଷୀ ସାୱନ୍ତ ଶର୍ଲିନ୍ ଚୋପ୍ରାଙ୍କ ବିରୋଧରେ ମାନହାନି ମକଦ୍ଦମା ଦାୟର କରିଛନ୍ତି । ଏହି ପଦକ୍ଷେପ ରାକ୍ଷୀ ସେତେବେଳେ ନେଇଥିଲେ, ଯେତେବେଳେ ଶର୍ଲିନ୍ ଚୋପ୍ରା ତାଙ୍କ ବିରୁଦ୍ଧରେ ଭଲମନ୍ଦ କହିଥିଲେ, କାରଣ ଅଭିନେତ୍ରୀ ସାଜିଦ ଖାନଙ୍କୁ ସମର୍ଥନ କରିଥିଲେ ।
ଶର୍ଲିନ୍ ଚୋପ୍ରା କହିଛନ୍ତି ଯେ, ସାହିଦ ଖାନଙ୍କୁ ରାକ୍ଷୀ ଯେଉଁଭଳି ଭାବରେ ସମର୍ଥନ କରିଥିଲେ, ତାହା ଭୁଲ ଥିଲା । ଏହାପୂର୍ବରୁ ଶର୍ଲିନ୍ ଚୋପ୍ରା ରାକ୍ଷୀଙ୍କ ବିରୋଧରେ ଯୌନ ଶୋଷଣ ମାମଲା ରୁଜୁ କରିଥିଲେ । ରାକ୍ଷୀ ଶର୍ଲିନଙ୍କ ଉପରେ ବହୁତ ଖରାପ ବୟାନ ଦେଇଥିଲେ, ଯାହା ପରେ ଅଭିନେତ୍ରୀଙ୍କୁ ଏହି ପଦକ୍ଷେପ ନେବାକୁ ପଡିଲା ।
ମଙ୍ଗଳବାର ଦିନ ଆମ୍ବୋଲି ପୋଲିସ ଷ୍ଟେସନରେ ରାକ୍ଷୀ ସାୱନ୍ତ ଏବଂ ତାଙ୍କ ଓକିଲଙ୍କ ବିରୋଧରେ ଏଫ୍ଆଇଆର୍ ପଞ୍ଜିକୃତ ହୋଇଛି । ପୋଲିସ ଅଧିକାରୀଙ୍କ କହିବାନୁସାରେ, ବର୍ତ୍ତମାନ ପର୍ଯ୍ୟନ୍ତ ରାକ୍ଷୀ ଏବଂ ତାଙ୍କ ଓକିଲଙ୍କୁ ଏ ବାବଦରେ ପଚରାଉଚରା କରାଯାଇ ନାହିଁ । ସୂଚନାନୁସାରେ, ରାକ୍ଷୀ ସାୱନ୍ତ ଏବଂ ଶର୍ଲିନ୍ ଚୋପ୍ରାଙ୍କ ମଧ୍ୟରେ ସେତେବେଳେ ବିବାଦ ଦେଖାଦେଇଥିଲା ଯେତେବେଳେ 'ଡ୍ରାମା କୁଇନ୍' ମିଠୁ ଅଭିଯୁକ୍ତ ସାଜିଦ୍ ଖାନ୍ ଏବଂ ରାଜ କୁନ୍ଦ୍ରାଙ୍କୁ ସମର୍ଥନ କରିଥିଲେ। ରାକ୍ଷୀ ଉଭୟଙ୍କୁ ତାଙ୍କ ଭାଇ ବୋଲି କହିଥିଲେ। ପାପାରାଜିଙ୍କ ସାମ୍ନାରେ ଶର୍ଲିନ୍ ଚୋପ୍ରାଙ୍କୁ ମଧ୍ୟ ପରିହାସ କରିଥିଲେ । କେବଳ ଏତିକି ନୁହେଁ, ରାକ୍ଷୀ ସାୱନ୍ତ ଶର୍ଲିନ୍ ଚୋପ୍ରାଙ୍କ ଉପରେ ଅନେକ ବ୍ୟକ୍ତିଗତ ମନ୍ତବ୍ୟ ମଧ୍ୟ ଦେଇଛନ୍ତି।
ଏହା ବି ପଢନ୍ତୁ:ବିବାଦରେ ବିଗ୍ବସ୍ ! ସାଜିଦଙ୍କ ବିରୋଧରେ ଥାନାରେ ଏତଲା ଦେଲେ ଶର୍ଲିନ୍
ଶନିବାର ଦିନ ରାକ୍ଷୀ ସାୱନ୍ତ ଏବଂ ତାଙ୍କ ଓକିଲ ମୁମ୍ବାଇର ଓଶିୱାରା ପୋଲିସ ଷ୍ଟେସନରେ ଶର୍ଲିନ୍ ଚୋପ୍ରାଙ୍କ ବିରୋଧରେ ଅଭିଯୋଗ ଆଣିଥିଲେ ଯେଉଁଥିରେ ଗଣମାଧ୍ୟମ ସହ କଥାବାର୍ତ୍ତାବେଳେ, ରାକ୍ଷୀ କହିଥିଲେ ଯେ ଏହି ଘଟଣାରେ ତାଙ୍କ ବ୍ୟକ୍ତିଗତ ଜୀବନ ନଷ୍ଟ ହୋଇଯାଇଛି। ତାଙ୍କ ପ୍ରେମିକ ଆଦିଲ ତାଙ୍କୁ ପ୍ରଶ୍ନ କରିବା ଆରମ୍ଭ କରିଛନ୍ତି । ପ୍ରମାଣକୁ ଦୃଷ୍ଟିରେ ରଖି ରାକ୍ଷୀ ପାପାରାଜିଙ୍କୁ ଏକ ସାକ୍ଷାତକାର ଦେବାବେଳେ କହିଛନ୍ତି, "ମୁଁ ବହୁତ ଦୁଃଖିତ। ଶର୍ଲିନ୍ ମୋ ଉପରେ ଯେପରି ମନ୍ତବ୍ୟ ଦେଇଛନ୍ତି, ମୋ ଜୀବନ ନଷ୍ଟ ହୋଇଯାଉଛି । ତାଙ୍କ ଯୋଗୁଁ ମୋ ପ୍ରେମିକ ମୋତେ ପଚାରିଛନ୍ତି କ'ଣ ପ୍ରକୃତରେ ମୋର 10 ପ୍ରେମିକ ଅଛନ୍ତି ? ଶର୍ଲିନ୍ ଚୋପ୍ରା ଯାହା କହିଛନ୍ତି ତାହା ସତ ? ସେ ଆସିଲେ ଏବଂ ତାଙ୍କ ପାଟିରେ ଯାହା ଆସିଲା ସେ କହିଲେ। ମୋତେ ଏଥିପାଇଁ ଭୋଗିବାକୁ ପଡୁଛି ।'
