ହାଇଦ୍ରାବାଦ:ବଲିଉଡ ତଥା ଦକ୍ଷିଣ ଭାରତର ଅଭିନେତା ଆର୍ ମାଧବନ ତାଙ୍କର ଦମଦାର ଅଭିନୟ ପାଇଁ ପ୍ରଶଂସକଙ୍କ ପାଖରେ ବେଶ୍ ପରିଚିତ । ବାପା ଆର୍ ମାଧବନଙ୍କ ପରି ପୁଅ ବେଦାନ୍ତ ମଧ୍ୟ କୌଣସି କ୍ଷେତ୍ରରେ କମ୍ ନୁହଁନ୍ତି। ବେଦାନ୍ତ ମାଧବନ ଡାନିସ୍ ଓପନ (Dainsh Open 2022) ରେ ରୌପ୍ୟ ପଦକ ଜିତିବା ପରେ ସ୍ୱର୍ଣ୍ଣ ପଦକ ଜିତି ଦେଶ ପାଇଁ ଏବେ ଗୌରବ ଆଣିଛନ୍ତି। ଫ୍ରି' ଷ୍ଟାଇଲ୍ ସନ୍ତରଣ 800 ମିଟର ଇଭେଣ୍ଟରେ ଜିତିଛନ୍ତି ବେଦାନ୍ତ । ଏହି ସ୍ବର୍ଣ୍ଣିମ ପ୍ରଦର୍ଶନ ପାଇଁ ସୁଇମିଂ ଫେଡେରେସନ୍ ଅଫ୍ ଇଣ୍ଡିଆ ବେଦାନ୍ତଙ୍କୁ ଟ୍ବିଟ୍ କରି ଶୁଭେଚ୍ଛା ଜଣାଇଛି । ଆର ମାଧବନ୍ ମଧ୍ୟ ଟୁଇଟ୍ କରି ପୁଅର ସଫଳତାରେ ଖୁସିବ୍ୟକ୍ତ କରିବା ସହ ଶୁଭେଚ୍ଛା ଜଣାଇଛନ୍ତି ।
ଆର ମାଧବନ୍ ଟ୍ବିଟ୍ରେ ଇଶ୍ବରଙ୍କୁ ଧନ୍ୟବାଦ ଜଣାଇବା ସହ ସମସ୍ତଙ୍କ ଆଶୀର୍ବାଦ ପାଇଁ ଏହା ସମ୍ଭବ ହୋଇଥିବା କହିଛନ୍ତି । ଏହି ପୋଷ୍ଟରେ ସେ ବେଦାନ୍ତଙ୍କ କୋଚ୍, ସୁଇମିଂ ଫେଡେରେସନ୍ ଏବଂ ସମଗ୍ର ଟିମକୁ ଧନ୍ୟବାଦ ଜଣାଇଛନ୍ତି ।