ପାନମସଲା ବିଜ୍ଞାପନକୁ ପ୍ରତ୍ୟାଖାନ କରି ହୃଦୟ ଜିଣିଲେ ପୁଷ୍ପା ଫେମ ଅଲ୍ଲୁ ଅର୍ଜୁନ

ପୁଷ୍ପା ଦ ରାଇଜ(Pushpa The Rise)ରେ ଜବରଦସ୍ତ ଅଭିନୟ ସାଙ୍ଗକୁ ଷ୍ଟାଇଲିସ ଅନ୍ଦାଜରେ କୋଟି କୋଟି ଫ୍ୟାନ୍ସଙ୍କ ମନରେ ରାଜ୍ କରିଥିବା ସାଉଥ ସୁପରଷ୍ଟାର ଅଲ୍ଲୁ ଅର୍ଜୁନ ଏବେ ପୁଣି ଚର୍ଚ୍ଚାରେ । ଅଧିକ ପଢନ୍ତୁ

ହାଇଦ୍ରାବାଦ: ପୁଷ୍ପା ଦ ରାଇଜ(Pushpa The Rise)ରେ ଜବରଦସ୍ତ ଅଭିନୟ ସାଙ୍ଗକୁ ଷ୍ଟାଇଲିସ ଅନ୍ଦାଜରେ କୋଟି କୋଟି ଫ୍ୟାନ୍ସଙ୍କ ମନରେ ରାଜ୍ କରିଥିବା ସାଉଥ ସୁପରଷ୍ଟାର ଅଲ୍ଲୁ ଅର୍ଜୁନ ଏବେ ପୁଣି ଚର୍ଚ୍ଚାରେ । ଏଥର କୌଣସି ନୂଆ ପ୍ରୋଜେକ୍ଟ କି ଫିଲ୍ମ ପାଇଁ ନୁହଁ ବରଂ ଏକ ଅଫର୍‌କୁ ହାତଛଡା କରି ଫ୍ୟାନ୍ସଙ୍କ ମନ ଜିତିବା ସହ ଖବରର ମୁଖ୍ୟାଂଶରେ ରହିଛନ୍ତି ଅଲ୍ଲୁ ।

ସୂଚନା ଅନୁଯାୟୀ, ଏକ ନାମିଦାମୀ ପାନ ମସଲା କମ୍ପାନୀ ତରଫରୁ ବିଜ୍ଞାପନ ପାଇଁ ଅଲ୍ଲୁଙ୍କୁ ବଡ ଅଫର୍ ଦିଆଯାଇଥିଲା । ମାତ୍ର ଅଲ୍ଲୁ ଏହାକୁ ପ୍ରତ୍ୟାଖାନ କରିଛନ୍ତି । ତାଙ୍କ ଫ୍ୟାନ୍ସ ଏପରି ବିଜ୍ଞାପନ ଦେଖନ୍ତୁ କିମ୍ବା ଏହି ପାନ ମସଲାକୁ ଗ୍ରହଣ କରନ୍ତୁ ବୋଲି ସେ ଚାହାନ୍ତିନି ତେଣୁ ଏହି ଅଫରକୁ ପ୍ରତ୍ୟାଖାନ କରିଥିବା କହିଛନ୍ତି ଅଲ୍ଲୁ । ସୂତ୍ରରୁ ପ୍ରକାଶ ଯେ, ଅଲ୍ଲୁ ବ୍ୟକ୍ତିଗତ ଜୀବନରେ ମଧ୍ୟ ପାନ ମସଲା ଖାଆନ୍ତି ନାହିଁ, ତେଣୁ ତାଙ୍କ ଫ୍ୟାନ୍ସ ମଧ୍ୟ ଏପରି ନିଶା ସାମଗ୍ରୀରୁ ଦୂରେଇ ରହନ୍ତୁ ବୋଲି ସେ ଚାହାନ୍ତି । ସ୍କ୍ରିନରେ ଧୂମପାନ କିମ୍ବା କୌଣସି ନିଶାଦ୍ରବ୍ୟ ଗ୍ରହଣ କରିବା ଅଭିନୟ ଏବଂ ସେହି ଚରିତ୍ର ପାଇଁ ଉଦ୍ଦିଷ୍ଟ ଥାଏ । ତେଣୁ ଏହା ତାଙ୍କ ନିୟନ୍ତ୍ରଣର ବାହାରେ ।

କିନ୍ତୁ ବ୍ୟକ୍ତିଗତ ଜୀବନରେ ଯେତେବେଳେ ବି ସମ୍ଭବ ତମାଖୁ ବିରୋଧରେ ସଚେତନ କରାଇଛନ୍ତି ଅଲ୍ଲୁ । ଏପରିକି ସେ ତାଙ୍କ ପ୍ରଶଂସକମାନଙ୍କୁ ମଧ୍ୟ ଧୂମପାନଠୁ ଦୂରେଇ ରହିବାକୁ ଅନୁରୋଧ କରିଛନ୍ତି । ତେବେ ବଲିଉଡର ବହୁ ନାମିଦାମୀ କଳାକାର ଶାହାରୁଖ ଖାନ, ଅଜୟ ଦେବଗନ ଏବଂ ଅକ୍ଷୟ କୁମାରଙ୍କ ଭଳି ଷ୍ଟାର ପାନମସଲାରେ ବିଜ୍ଞାପନ କରୁ ଥିବାବେଳେ ଅଲ୍ଲୁ ଅର୍ଜୁନଙ୍କ ଏହି ପ୍ରତ୍ୟାଖାନ ଫ୍ୟାନ୍ସଙ୍କ ମନ କିଣିନେଇଛି ।