ମୁମ୍ବାଇ: ଫ୍ୟାନ୍ସଙ୍କ ଅପେକ୍ଷାର ହେଲା ଅନ୍ତ। ପ୍ରଭାସଙ୍କ ଅଭିନୀତ ବହୁ ପ୍ରତୀକ୍ଷିତ ଚଳଚ୍ଚିତ୍ର 'ପ୍ରୋଜେକ୍ଟ କେ'ରୁ ଦୀପିକା ପାଦୁକୋନଙ୍କ ପ୍ରଥମ ଲୁକ ରିଲିଜ ହୋଇଛି। ଗତକାଲି ଫିଲ୍ମର ପୋଷ୍ଟର ଟାଇମ ସ୍କ୍ବାୟାର ବିଲବୋର୍ଡରେ ପ୍ରଦର୍ଶିତ ହୋଇଥିବା ବେଳେ ଏବେ ଦୀପିକାଙ୍କ ଲୁକ ସାମ୍ନାକୁ ଆସିଛି। ଏବଂ ଫିଲ୍ମର ପ୍ରଥମ ଝଲକ ଜୁଲାଇ 20 ଏବଂ 21ରେ ରିଲିଜ ହେବ । ଏହି ଫିଲ୍ମରେ ପ୍ରଭାସ, ଦୀପିକାଙ୍କ ବ୍ୟତୀତ ସାଉଥ ଅଭିନେତା କମଲ ହାସନ, ବଲିଉଡ ବିଗ ବି ଅମିତାଭ ବଚ୍ଚନ, ବଲିଉଡ ଅଭିନେତ୍ରୀ ଦିଶା ପଟାନୀ ମୁଖ୍ୟ ଭୂମିକାରେ ନଜର ଆସିବେ ।
ବିଳମ୍ବିତ ରାତିରେ ନିର୍ମାତା ଫିଲ୍ମରୁ ଦୀପିକା ପାଦୁକୋନଙ୍କ ପ୍ରଥମ ଲୁକ୍ ରିଲିଜ କରିଛନ୍ତି । 'ପ୍ରୋଜେକ୍ଟ କେ'ରୁ ଦୀପିକା ପାଦୁକୋନଙ୍କ ପ୍ରଥମ ଲୁକ୍ ପୋଷ୍ଟର ବୈଜୟନ୍ତୀ ଚଳଚ୍ଚିତ୍ରର ଅଫିସିଆଲ୍ ଇନଷ୍ଟାଗ୍ରାମରେ ରିଲିଜ ହୋଇଛି । ପୋଷ୍ଟରରେ ଦୀପିକା ପାଦୁକୋନଙ୍କ ଭିନ୍ନ ଲୁକ୍ ଦେଖିବାକୁ ମିଳିଛି । ଏହା ସହିତ କ୍ୟାପସନରେ ଲେଖାଯାଇଛି, “କାଲିର ଦୁନିଆ ପାଇଁ ଏକ ନୂଆ ଆଶାର କିରଣ ସୃଷ୍ଟି ହୋଇଛି । ଏ ହେଉଛନ୍ତି ଦୀପିକା ପାଦୁକୋନ । ଫିଲ୍ମର ପ୍ରଥମ ଝଲକ ଜୁଲାଇ 20 (ଯୁକ୍ତରାଷ୍ଟ୍ର) ଏବଂ ଜୁଲାଇ 21 (ଭାରତ)କୁ ରିଲିଜ ହେବ ।” ଦୀପିକାଙ୍କ ଏହି ପୋଷ୍ଟରକୁ ପ୍ରଭାସ ମଧ୍ୟ ଟ୍ବିଟରରେ ସେୟାର କରିଛନ୍ତି । ତେବେ ଏହି ପୋଷ୍ଟର ସେୟାର ହେବା ମାତ୍ରେ ଫ୍ୟାନ୍ସ ଏହାକୁ ବେଶ ପସନ୍ଦ କରିଛନ୍ତି ।