ମୁମ୍ବାଇ:ବୃତ୍ତିଗତ ଅପେକ୍ଷା ଆଜିକାଲି ନିଜ ବ୍ୟକ୍ତିଗତ ଜୀବନକୁ ନେଇ ଶିରୋନାମାରେ ରୁହନ୍ତି ବଲିଉଡ ଦେଶୀ ଗାର୍ଲ ପ୍ରିୟଙ୍କା ଚୋପ୍ରା । ପ୍ରିୟଙ୍କା ବର୍ତ୍ତମାନ ଝିଅ ମାଲତୀଙ୍କ ସହ ଅଧିକ ସମୟ ବିତାଉଥିବାର ଦେଖିବାକୁ ମିଳୁଛି । ପ୍ରତି ରବିବାର ପ୍ରିୟଙ୍କା ସ୍ୱାମୀ ନିକ ଜୋନସ ଏବଂ ଝିଅ ମାଲତୀ ମେରି ଚୋପ୍ରା ଜୋନସଙ୍କ ସହ ଛୁଟିଦିନରେ କୌଣସି ସ୍ଥାନକୁ ମଧ୍ୟ ବୁଲିବାକୁ ଯାଇଥାନ୍ତି । ଏବେ ପ୍ରିୟଙ୍କା ଏହି ରବିବାର ତାଙ୍କ ଛୋଟ ପରିବାର ସହ ପିକନିକ କରିଛନ୍ତି । ତାଙ୍କ ପ୍ରଶଂସକଙ୍କ ପାଇଁ ଏହାର ଏକ ଫଟୋ ସେୟାର କରିଥିଲେ । ଏହି ଫଟୋରେ ପ୍ରିୟଙ୍କା ତାଙ୍କ ରାଜକୁମାରୀ ମାଲତୀ ଏବଂ ସ୍ୱାମୀ ନିକଙ୍କ ସହ ଲଣ୍ଡନର ଏକ ପାର୍କରେ ବସିଥିବାର ନଜର ଆସିଛନ୍ତି ।
ପ୍ରିୟଙ୍କା ଚୋପ୍ରା ନିଜ ପରିବାର ସହ ବିତାଇଥିବାର ଅନେକ ଫଟୋ ସେୟାର କରିଥାନ୍ତି । ଏହାରି ମଧ୍ୟରେ ବର୍ତ୍ତମାନ ଲଣ୍ଡନରୁ ତାଙ୍କ ପିକନିକର ଏକ ଫଟୋ ନିଜ ଇନଷ୍ଟାଗ୍ରାମରେ ସେୟାର କରିଛନ୍ତି ପ୍ରିୟଙ୍କା । କ୍ୟାପସନରେ ଲେଖିଛନ୍ତି, 'ରବିବାର କେବଳ ପିକନିକ୍ ପାଇଁ'। ଏହି ଫଟୋରେ ପ୍ରିୟଙ୍କା ତାଙ୍କ ପରିବାର ସହିତ ପାର୍କରେ ବସିଥିବାର ନଜର ଆସିଛନ୍ତି । ପ୍ରିୟଙ୍କା କ୍ୟାମେରା ଆଡକୁ ପିଠି କରି ବସିଛନ୍ତି ଏବଂ ସେ ଏକ ବ୍ଲୁ ଜିନ୍ସ ସାର୍ଟ ପିନ୍ଧିଛନ୍ତି । ପ୍ରିୟଙ୍କାର ବାମ ପାର୍ଶ୍ୱରେ, ତାଙ୍କ କୁନି ଝିଅ ମାଲତି ବସିଛନ୍ତି । ସେ ଏକ ଫ୍ରକ ସହ ମୁଣ୍ଡରେ ରାଜକୁମାରୀ ଟୋପି ପିନ୍ଧି ବହୁତ ସୁନ୍ଦର ଦେଖାଯାଉଥିବାବେଳେ ନିକ ଏକ ବ୍ରାଉନ ରଙ୍ଗର ଟି ସାର୍ଟ ସହ ଜିନ୍ସ ଏବଂ ମୁଣ୍ଡରେ କ୍ୟାପ୍ ପିନ୍ଧିଥିବା ନଜର ଆସିଛନ୍ତି ।