ହାଇଦ୍ରାବାଦ: ସୁରସାମ୍ରାଜ୍ଞୀ ଭାରତରତ୍ନ ଲତା ମଙ୍ଗେସକର ଦେହାନ୍ତକୁ ଇତିମଧ୍ୟରେ ଦେଢ ବର୍ଷରୁ ଅଧିକ ସମୟ ବିତିଗଲାଣି । ତାଙ୍କୁ ହରାଇ ଆଜି ଗୁମୁରି ଗୁମୁରି କାନ୍ଦୁଛି ସାରା ଦେଶ । ସେ ଛାଡି ଯାଇଥିବା ଶୂନ୍ୟସ୍ଥାନ କେବେବି ପୂରଣ ହୋଇପାରିବ ନାହିଁ । ସେ ଦେହତ୍ୟାଗ କରିଛନ୍ତି ସତ, କିନ୍ତୁ ତାଙ୍କ ସଙ୍ଗୀତ ମାଧ୍ୟମରେ ପ୍ରତିଟି ବ୍ୟକ୍ତି ହୃଦୟରେ ସେ ସବୁଦିନ ପାଇଁ ବଞ୍ଚି ରହିବେ । ପ୍ରତିଟି ଗୀତିକାରଙ୍କ ପାଇଁ ପ୍ରେରଣାଦାୟୀ ହୋଇ ରହିବେ । ଆଜି ସେଇ ପ୍ରେରଣାଦାୟୀ କୋକିଳକଣ୍ଠୀ ଲତା ମଙ୍ଗେସକରଙ୍କର 94 ତମ ଜନ୍ମ ବାର୍ଷିକୀ । ଆଜିର ଦିନରେ ଜନ୍ମଗ୍ରହଣ କରିଥିଲେ ସୁର ସାମ୍ରାଜ୍ଞୀ ଲତା ମଙ୍ଗେସକର ।
ଲତା ଜୀଙ୍କ ଜନ୍ମ ବାର୍ଷିକୀରେ ସୋସିଆଲ ମିଡିଆରେ ତାଙ୍କୁ ସ୍ମରଣ କରାଯାଉଛି । ଏହି ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ଗୃହମନ୍ତ୍ରୀ ଅମିତ ଶାହ ତାଙ୍କୁ ସ୍ମରଣ କରି ତାଙ୍କ ନାମରେ ଶ୍ରଦ୍ଧାଞ୍ଜଳି ପୋଷ୍ଟ ସୋସିଆଲ ମିଡିଆରେ ସେୟାର କରିଛନ୍ତି । ପ୍ରଧାନମନ୍ତ୍ରୀ ମୋଦି ପୋଷ୍ଟରେ ଲେଖିଛନ୍ତି, ‘‘ଲତା ଦିଦିଙ୍କୁ ତାଙ୍କ ଜନ୍ମ ବାର୍ଷିକୀରେ ସ୍ମରଣ କରୁଛି, ଭାରତୀୟ ସଂଗୀତରେ ତାଙ୍କର ଅବଦାନ ଏକ ଅବିସ୍ମରଣୀୟ ଚିହ୍ନ ଛାଡିଛି । ଆମ ସଂସ୍କୃତିରେ ସର୍ବଦା ତାଙ୍କର ଏକ ସ୍ୱତନ୍ତ୍ର ସ୍ଥାନ ବଜାୟ ରହିବ।’’
ଅମିତ ଶାହଙ୍କ ପୋଷ୍ଟ:
94 ତମ ଜନ୍ମ ବାର୍ଷିକୀରେ ଲତା ମଙ୍ଗେଶକରଙ୍କୁ ସ୍ମରଣ କରି ଗୃହମନ୍ତ୍ରୀ ଅମିତ ଶାହା ତାଙ୍କ X (ପ୍ରଥମ ଟ୍ୱିଟର) ପୋଷ୍ଟରେ ଲେଖିଛନ୍ତି, 'ଲତା ଦିଦି ତାଙ୍କର ସାରା ଜୀବନ ଭାରତୀୟ ସଙ୍ଗୀତ ପରମ୍ପରାକୁ ସମୃଦ୍ଧ କରି ନୂଆ ଶିଖରରେ ପହଞ୍ଚାଇବାକୁ ନିଜକୁ ଉତ୍ସର୍ଗ କରିଥିଲେ । ସଙ୍ଗୀତର ଶିଖରରେ ପହଞ୍ଚିବା ପରେ ମଧ୍ୟ ସେ ଯେଉଁଭଳି ଭାରତୀୟତା ସହ ଯୋଡି ହୋଇ ରହିଲେ ତାହା ଦେଶବାସୀଙ୍କ ଏକ ବିଶିଷ୍ଟ ଉଦାହରଣ । ଭାରତ ରତ୍ନ ଲତା ଦିଦିଙ୍କୁ ତାଙ୍କ ଜନ୍ମ ବାର୍ଷିକୀରେ ନମସ୍କାର ।