ହାଇଦ୍ରାବାଦ: ବଲିଉଡ ଅଭିନେତା ଇଶାନ ଖଟ୍ଟର ଆଜି ତାଙ୍କ ୨୮ତମ ଜନ୍ମଦିନ ପାଳନ କରୁଛନ୍ତି । ଏହି ଅବସରରେ ଅଭିନେତାଙ୍କ ଫ୍ୟାନ୍ସଙ୍କ ଉପହାର ମିଳିଛି । ଇଶାନଙ୍କ ଜନ୍ମଦିନ ପରିପ୍ରେକ୍ଷୀରେ ନିର୍ମାତା ତାଙ୍କ ଫିଲ୍ମ 'ପିପ୍ପା'ର ଟ୍ରେଲର ରିଲିଜ କରିଛନ୍ତି । ଫିଲ୍ମର ରିଲିଜ ଡେଟ ମଧ୍ୟ ଘୋଷଣା କରିଛନ୍ତି । ଫିଲ୍ମଟି ଦୀପାବଳି ଅବସରରେ ନଭେମ୍ବର ୧୦ରେ ଓଟିଟିରେ ରିଲିଜ ହେବ ।
ସୋସିଆଲ ମିଡିଆରେ ଫିଲ୍ମର ଟ୍ରେଲର କରିଛନ୍ତି ନିର୍ମାତା । ଏଥିସହ ଇନଷ୍ଟାଗ୍ରାମରେ ମଧ୍ୟ ନିର୍ମାତା ଏହାର ଟ୍ରେଲର ରିଲିଜ କରି ଆମାଜନ ପ୍ରାଇମ ଭିଡିଓରେ ଦୀପାବଳି ଅବସରରେ ନଭେମ୍ବର ୧୦ରେ ରିଲିଜ ହେବ ବୋଲି ସୂଚନା ଦେଇଛନ୍ତି । ଫିଲ୍ମଟି ଏକ ଐତିହାସିକ ଘଟଣାକୁ ନେଇ ନିର୍ମିତ ହୋଇଛି । ୧୯୭୧ର ଭାରତ-ପାକିସ୍ତାନୀ ଯୁଦ୍ଧରେ ଗରିବପୁର ଯୁଦ୍ଧର କାହାଣୀକୁ ନେଇ ପର୍ଯ୍ୟବେଶିତ । ଯାହା ବାଂଲାଦେଶର ସ୍ୱାଧୀନତା ସଂଗ୍ରାମରେ ଏକ ପ୍ରମୁଖ ଭୂମିକା ଗ୍ରହଣ କରିଥିଲା ।
ଆରଏସଭିପି ଏବଂ ସିଦ୍ଧାର୍ଥ ରୟ କପୁରଙ୍କ ରୟ କପୁର ଫିଲ୍ମ ବ୍ୟାନରରେ ରୋନି ସ୍କ୍ରୁଭାଲା ଦ୍ୱାରା ନିର୍ମିତ ଏବଂ ରାଜ କୃଷ୍ଣ ମେନନଙ୍କ ନିର୍ଦ୍ଦେଶିତ ଇଶାନ ରିଅଲ ଲାଇଫ ୱାର ହିରୋ କ୍ୟାପଟେନ ବଳରାମ ସିଂ ମେହେତା ଭୂମିକାରେ ଅଭିନୟ କରିଛନ୍ତି । ଫିଲ୍ମରେ ଇଶାନଙ୍କ ସହ ମୃଣାଲ ଠାକୁର, ପ୍ରିୟଙ୍କା ପେନୁଲି ଏବଂ ସୋନି ରଜଦନ ମଧ୍ୟ ଏହି ଚଳଚ୍ଚିତ୍ରରେ ଗୁରୁତ୍ୱପୂର୍ଣ୍ଣ ଭୂମିକାରେ ନଜର ଆସିବେ ।