ହାଇଦ୍ରାବାଦ: ପରିଣୀତି ଚୋପ୍ରା ଏବଂ ରାଘବ ଚଢାଙ୍କ ବିବାହକୁ ପ୍ରଶଂସକମାନେ ଉତ୍ସାହର ସହିତ ଅପେକ୍ଷା କରିଛନ୍ତି । ଖୁବ୍ ଶୀଘ୍ର ଦୁହେଁ ବିବାହ ବନ୍ଧନରେ ଆବଦ୍ଧ ହେବାକୁ ଯାଉଛନ୍ତି । ଏଥିପାଇଁ ଦିଲ୍ଲୀରେ ବିବାହ କାର୍ଯ୍ୟକ୍ରମ ଆରମ୍ଭ ହୋଇଛି । ପରିଣୀତି-ରାଘବଙ୍କ ମେହେନ୍ଦୀ ସମାରୋହ 19 ସେପ୍ଟେମ୍ବରରେ ହୋଇଯାଇଛି । ଯାହାର ଏକ ଫଟୋ ସୋସିଆଲ ମିଡିଆରେ ଭାଇରାଲ ହେଉଛି । ଏହା ଗୁରୁଦ୍ୱାରର ଏକ ଫଟୋ, ଯେଉଁଥିରେ ପରିଣୀତି ତାଙ୍କ ହାତରେ ରାଘବଙ୍କ ନାଁର ମେହେନ୍ଦୀ ପିନ୍ଧିଥିବାର ନଜର ଆସିଛନ୍ତି ।
ଦିଲ୍ଲୀରେ ରାଘବ ଏବଂ ପରିଣୀତିଙ୍କ ମେହେନ୍ଦୀ କାର୍ଯ୍ୟକ୍ରମ ଅନୁଷ୍ଠିତ ହୋଇଛି । ରାଘବଙ୍କ ଘର ବାହାରେ କଡା ସୁରକ୍ଷା ରହିଛି । କେଉଁ କାରଣରୁ ଫଙ୍କସନ୍ର ଫଟୋ ଏବଂ ଭିଡିଓ ଉପଲବ୍ଧ ନାହିଁ । ଏହି କାର୍ଯ୍ୟକ୍ରମର ଫଟୋ ପରିଣୀତିଙ୍କ ଫ୍ୟାନ୍ ପେଜ୍ ଦ୍ୱାରା ସେୟାର କରାଯାଇଛି ।
ଏହିପରି ଥିଲା ପରିଣୀତିଙ୍କ ଲୁକ୍:
ଫଟୋରେ ଉଭୟ ରାଘବ ଏବଂ ପରିଣୀତି ପେଷ୍ଟେଲ ପିଙ୍କ୍ ରଙ୍ଗର ପୋଷାକରେ ନଜର ଆସିଛନ୍ତି । ପରିଣୀତି ଦୁଇ ହାତକୁ ଯୋଡି ବସିଛନ୍ତି ଏବଂ ତାଙ୍କ ହାତରେ ମେହେନ୍ଦି ଲାଗିଛି । ଏହି ଫଟୋ ସୋସିଆଲ ମିଡିଆରେ ବହୁତ ଭାଇରାଲ ହେବାରେ ଲାଗିଛି ।
ଉଦୟପୁରରେ ହେବ ବିବାହ
ପରିଣୀତି ଚୋପ୍ରା ଏବଂ ରାଘବ ଚଢାଙ୍କ ବିବାହ ଉଦୟପୁରରେ ହେବାକୁ ଯାଉଛି । ବିବାହ କାର୍ଯ୍ୟକ୍ରମ 23 ସେପ୍ଟେମ୍ବରରୁ ଆରମ୍ଭ ହେବାକୁ ଯାଉଛି । 23ରେ ପରିଣୀତି ଚୋପ୍ରାଙ୍କ ଚୁଡା ସେରିମନି ହେବାକୁ ଯାଉଛି । ଏହା ପରେ 24 ସେପ୍ଟେମ୍ବରରେ ବିବାହ ଏବଂ ରିସେପ୍ସନ୍ ହେବ । ପରିଣୀତି ଚୋପ୍ରା-ରାଘବଙ୍କ ବିବାହ 24 ସେପ୍ଟେମ୍ବରରେ ଅପରାହ୍ନରେ ହେବାକୁ ଯାଉଛି। ଏହା ପରେ ସନ୍ଧ୍ୟାରେ ଏକ ରିସେପ୍ସନ୍ ଆୟୋଜନ କରାଯାଇଛି । ଯେଉଁଥିରେ ପରିବାର ଏବଂ କିଛି ବିଶେଷ ବନ୍ଧୁ ଅନ୍ତର୍ଭୁକ୍ତ ହେବେ ।