ହାଇଦ୍ରାବାଦ: ବଲିଉଡ ଅଭିନେତ୍ରୀ ପରିଣୀତି ଚୋପ୍ରା ଏବଂ ରାଜନେତା ରାଘବ ଚଢା ବିବାହ ବନ୍ଧନରେ ଆବଦ୍ଧ ହେବାକୁ ଯାଉଛନ୍ତି। ଚଳିତ ମାସ ଦମ୍ପତି ଉଦୟପୁରରେ ବିବାହ କରିବାକୁ ଯାଉଛନ୍ତି, ଯେଉଁଥିପାଇଁ ପ୍ରସ୍ତୁତି ଜୋରସୋରରେ ଚାଲିଛି । ପରିଣୀତି ଚୋପ୍ରାଙ୍କ ମୁମ୍ବାଇ ଘରକୁ ସମ୍ପୂର୍ଣ୍ଣ ଆଲୋକ ମାଳାରେ ସଜାଯାଇଛି। ଅଭିନେତ୍ରୀଙ୍କ ଘରର ଦୃଶ୍ୟ ଇଣ୍ଟରନେଟରେ ଭାଇରାଲ ହେବାରେ ଲାଗିଛି।
ପାପାରାଜୀ ତାଙ୍କ ସୋସିଆଲ ମିଡିଆ ହ୍ୟାଣ୍ଡେଲରେ ଅଭିନେତ୍ରୀଙ୍କ ଘରର ଭିଡିଓ ସେୟାର କରିଛନ୍ତି । ଯଦି ରିପୋର୍ଟକୁ ବିଶ୍ୱାସ କରାଯାଏ ତେବେ ପରିଣୀତି ଏବଂ ରାଘବ ସେପ୍ଟେମ୍ବର 24 ରେ ଉଦୟପୁରରେ ବିବାହ କରୁଛନ୍ତି। ତେବେ ଉଭୟଙ୍କ ପରିବାର ପକ୍ଷରୁ କୌଣସି କୌଣସି ଅଫିସିଆଲ୍ ଘୋଷଣା ହୋଇନାହିଁ। କିନ୍ତୁ ଦମ୍ପତିଙ୍କ ରିସେପ୍ସନର ନିମନ୍ତ୍ରଣ କାର୍ଡ ଇଣ୍ଟରନେଟରେ ଭାଇରାଲ ହୋଇଛି। ଏହି ଅନୁଯାୟୀ ସେପ୍ଟେମ୍ବର 30 ରେ ଚଣ୍ଡିଗଡ଼ର ତାଜ ପ୍ୟାଲେସରେ ସେମାନଙ୍କ ବିବାହ ରିସେପ୍ସନ୍ ଅନୁଷ୍ଠିତ ହେବ।
ଏହା ମଧ୍ୟ ପଢନ୍ତୁ: ‘ଆଦିଲ ଫେମସ୍ ହେବା ପାଇଁ ମୋତେ ବ୍ୟବହାର କରିଥିଲା...’ ବିବାହ ପ୍ରମାଣ ପତ୍ର ଉପସ୍ଥାପନ କଲେ ରାକ୍ଷୀ ସାୱନ୍ତ
ମିଳିଥିବା ସୂଚନା ଅନୁଯାୟୀ ପରିଣୀତି ଏବଂ ରାଘବଙ୍କ ବିବାହ ଉଦୟପୁରର ଲୀଲା ପ୍ୟାଲେସରେ ହେବ। ଯାହା ପରେ ଏହି ଦମ୍ପତି ବଲିଉଡ ଥିମ୍ ପାର୍ଟି ଦେବେ। ବିବାହର ଗୋଟିଏ ଦିନ ପୂର୍ବରୁ ସମସ୍ତ ଅତିଥିଙ୍କୁ ମଧ୍ୟାହ୍ନ ଭୋଜନ ସହିତ ସ୍ୱାଗତ କରାଯିବ । ଖବର ଅନୁଯାୟୀ, ପ୍ରାୟ 200 ଲୋକ ଏହି ବିବାହ ଉତ୍ସବରେ ଯୋଗଦେବାକୁ ଯାଉଛନ୍ତି । ଏଥିସହିତ ପ୍ରିୟଙ୍କା ଚୋପ୍ରା ତାଙ୍କ ଶାଶୁ, ସ୍ୱାମୀ ନିକ୍ ଜୋନାସ ଏବଂ ଝିଅ ମାଲତି ମେରି ଚୋପ୍ରା ଜୋନାସଙ୍କ ସହ ଆମେରିକାରୁ ଭାରତ ଆସିବେ । କୁହାଯାଉଛି ଯେ ଏହି ବିବାହ କଡ଼ା ସୁରକ୍ଷା ମଧ୍ୟରେ ହେବ ଏବଂ ବିବାହ ଉତ୍ସବକୁ ମୋବାଇଲ୍ ଫୋନ୍ ନେବାକୁ ଅନୁମତି ଦିଆଯିବ ନାହିଁ ।
ଏହା ମଧ୍ୟ ପଢନ୍ତୁ: Ragneeti Wedding: ପରିଣୀତି ରାଘବଙ୍କ ବିବାହ କାର୍ଡ ଭାଇରାଲ, ଏହି ଦିନ ହେବ ୱେଡିଂ ରିସେପ୍ସନ
ସୂଚନାଯଓଗ୍ୟ ଯେ, କିଛି ଦିନ ପୂର୍ବରୁ ପରିଣୀତି ଚୋପ୍ରା ଏବଂ ରାଘବ ଚଢାଙ୍କ ବିବାହ କାର୍ଡ ସୋସିଆଲ ମିଡିଆରେ ଭାଇରାଲ ହୋଇଥିଲା । ଏହି କାର୍ଡରେ ଲେଖା ଲେଖାଥିଲା- 'ଆଶୀର୍ବାଦ ସହ ଶ୍ରୀ ପି.ଏନ୍ ଚଢା ଏବଂ ବିମଲା ଚଢା, ଶ୍ରୀମତୀ ଉଷା ଏବଂ ଶ୍ରୀ ସଚ୍ଚଦେବ, ଅଲକା ଏବଂ ସୁନୀଲ ଚଢା ପୁଅ ରାଘବ ଏବଂ ପରିଣୀତିଙ୍କ ରିସେପ୍ସନ୍ ମଧ୍ୟାହ୍ନ ଭୋଜନ ପାଇଁ ଆମନ୍ତ୍ରଣ କରୁଛୁ।' ରିସେପ୍ସନ୍ ତାରିଖ କାର୍ଡରେ 30 ସେପ୍ଟେମ୍ବର ଲେଖାଯାଇଥିବା ବେଳେ ସ୍ଥାନଟି ତାଜ୍ ଚଣ୍ଡିଗଡ଼ ବୋଲି ଲେଖାଯାଇଛି ।
