ମୁମ୍ବାଇ: ବଲିଉଡ ଅଭିନେତ୍ରୀ ପରିଣୀତି ଚୋପ୍ରା ଆମ୍ ଆଦମୀ ପାର୍ଟି ନେତା ତଥା ପଞ୍ଜାବ ରାଜ୍ୟସଭା ସାଂସଦ ରାଘବ ଚଢାଙ୍କୁ ବିବାହ କରିବାକୁ ଯାଉଛନ୍ତି । ଏହି କପଲ ପଞ୍ଜାବର ଅମୃତସର ସ୍ବର୍ଣ୍ଣ ମନ୍ଦିର ପରିଦର୍ଶନ କରି ଆର୍ଶୀବାଦ ନେଇଥିଲେ। ଏଥିସହ ମନ୍ଦିରର ସେବା ମଧ୍ୟ କରିଥିଲେ। ଯାହାର ଭିଡିଓ ସୋସିଆଲ ମିଡିଆରେ ବେଶ ଭାଇରାଲ ହୋଇଥିଲା । ତେବେ ବର୍ତ୍ତମାନ ଏହି ଯୋଡିଙ୍କୁ ପୁଣି ଏକାଠି ସ୍ପଟ୍ କରାଯାଇଛି । ଉଭୟ ସ୍ବର୍ଣ୍ଣ ମନ୍ଦିର ପରିଦର୍ଶନ ପରେ ପଞ୍ଜାବର ଆପ ପାର୍ଟି କାର୍ଯ୍ୟାଳୟରେ ନଜର ଆସିଛନ୍ତି । ଏଠାରେ ଉଭୟଙ୍କୁ ଭବ୍ୟ ସ୍ବାଗତ କରାଯାଇଛି ।
ଏହା ମଧ୍ୟ ପଢନ୍ତୁ: ସ୍ବର୍ଣ୍ଣ ମନ୍ଦିରରେ ସେବା କଲେ ପରିଣୀତି-ରାଘବ, ପ୍ରଶଂସା କଲେ ଫ୍ୟାନ୍ସ
ଜୁଲାଇ 1ରେ ପଞ୍ଜାବ ପରିଣୀତି ରାଘବଙ୍କ ସହ ସ୍ବର୍ଣ୍ଣ ମନ୍ଦିର ପରିଦର୍ଶନ କରିବା ପରେ ପଞ୍ଜାବ ଆପ୍ କାର୍ଯ୍ୟାଳୟରେ ପହଞ୍ଚିଛନ୍ତି । କାର୍ଯ୍ୟାଳୟରେ ପରିଣୀତି ଏବଂ ରାଘବଙ୍କୁ ଭବ୍ୟ ସ୍ୱାଗତ କରାଯାଇଛି । ଏହି ସମୟରେ ପରିଣୀତି ଚୋପ୍ରା ବହୁତ ଖୁସି ଥିବା ଦେଖିବାକୁ ମିଳିଛି । ପରିଣୀତି କ୍ରିମ୍ ରଙ୍ଗର ଆଉଟଫିଟରେ ନଜର ଆସିଥିବା ବେଳେ ରାଘବ ହ୍ୱାଇଟ କୁର୍ତ୍ତାରେ ଖୁବ ସୁନ୍ଦର ଲାଗୁଛନ୍ତି । ସୋସିଆଲ ମିଡିଆରେ ଏବି ଭିଡିଓ ବାଇରାଲ ପରେ ଫ୍ୟାନ୍ସ ଏହାକୁ ଲାଇକ କରିବା ସହ କମେଣ୍ଟ ବର୍ଷା କରିଛନ୍ତି। ଜଣେ ଲେଖିଛନ୍ତି, ପରଫେକ୍ଟ ଯୋଡି । ଆଉ ଜଣେ ଲେଖିଛନ୍ତି, ସୁନ୍ଦର କପଲ ।