ହାଇଦ୍ରାବାଦ: ଓସ୍କାର ପୁରସ୍କାର ବିଜେତା ତଥା ସଙ୍ଗୀତକାର ଏ ଆର ରେହମାନ୍ ସଂଗୀତ ଜଗତରେ ଏକ ବଡ଼ ନାମ । ତାଙ୍କ କାର୍ଯ୍ୟକ୍ରମକୁ ଯିବାକୁ ପ୍ରଶଂସକଙ୍କ ମଧ୍ୟରେ ଏକ ଭିନ୍ନ କ୍ରେଜ୍ ଦେଖାଯାଏ । ରବିବାର(ସେପ୍ଟେମ୍ବର 10) ଚେନ୍ନାଇରେ ଏକ କାର୍ଯ୍ୟକ୍ରମ ଆୟୋଜିତ ହୋଇଥିଲା ଯେଉଁଥିରେ ବହୁ ପ୍ରଶଂସକଙ୍କ ଭିଡ଼ ଜମିଥିଲା । କିନ୍ତୁ, ସେଠାରେ ବ୍ୟବସ୍ଥା ଏତେ ଖରାପ ଥିଲା ଯେ ପ୍ରଶଂସକମାନେ ନିରାଶ ହୋଇଥିଲେ । ଏହି କାର୍ଯ୍ୟକ୍ରମରେ ବହୁତ ଝଗଡ଼ା ହୋଇଥିଲା ଏବଂ ବର୍ତ୍ତମାନ ଲୋକମାନେ ସୋସିଆଲ ମିଡିଆରେ ଆୟୋଜକଙ୍କୁ ସମାଲୋଚନା କରୁଛନ୍ତି । ଏତଦ୍ ବ୍ୟତୀତ ଏ ଆର ରେହମାନ୍ଙ୍କ ଉପରେ ମଧ୍ୟ ନାନା କଥା କହି ରାଗୁଛନ୍ତି ଫ୍ୟାନ୍ସ ।
ଉଲ୍ଲେଖନୀୟ ଯେ, ଗତ ରବିବାର ଦିନ ଚେନ୍ନାଇରେ ରହମାନଙ୍କ ଏକ ଲାଇଭ୍ ସୋ' ଥିଲା । ଯେଉଁଥି ପାଇଁ ପ୍ରଶଂସକମାନେ ବହୁ ସମୟ ଅପେକ୍ଷା କରିଥିଲେ । ତେବେ ଆୟୋଜକ ଏହି ସୋ'କୁ ସଠିକ ଢଙ୍ଗରେ ପରିଚାଳନା କରି ପାରିନଥିଲେ । ରେହମାନଙ୍କ ଝଲକ ପାଇବାକୁ ଫ୍ୟାନ୍ସ ଅକୁଣ୍ଠ ଚିତ୍ତରେ ଅନାଇ ବସିଥିଲେ । ତେବେ ଏହି ସମୟରେ ଭିଡ଼ ନିୟଣନ୍ତ୍ରଣ କରିବାରେ ବିଫଳ ରହିଥିଲେ ଆୟୋଜକ । ପ୍ରଶଂସକମାନଙ୍କୁ ଅନେକ ସମସ୍ୟାର ସମ୍ମୁଖୀନ ହେବାକୁ ପଡ଼ିଥିଲା । ଏହି କାର୍ଯ୍ୟକ୍ରମର ଅଂଶଗ୍ରହଣକାରୀମାନେ ସୋସିଆଲ ମିଡିଆରେ ଅନେକ ଭିଡିଓ ଏବଂ ଫଟୋ ସେୟାର କରି ଆୟୋଜକଙ୍କ ସୋ' ପରିଚାଳନା ପ୍ରତି କ୍ଷୋଭ ପ୍ରକାଶ କରିଛନ୍ତି । କାର୍ଯ୍ୟକ୍ରମରେ ଉପସ୍ଥିତ ଦର୍ଶକ କହିଛନ୍ତି ଯେ ସେମାନଙ୍କୁ ସେଠାରେ ଏକ ଭୟାବହ ସ୍ଥିତିର ସାମ୍ନା କରିବାକୁ ପଡିଲା ।
ଏହା ମଧ୍ୟ ପଢନ୍ତୁ: ବାପା ମହେଶ ଭଟ୍ଟଙ୍କ ସହ ଚର୍ଚ୍ଚିତ କିସ୍ ସିନକୁ ନେଇ ମୁହଁ ଖୋଲିଲେ ପୂଜା ଭଟ୍ଟ