ହାଇଦ୍ରାବାଦ:ଆଜି ଅଗଷ୍ଟ 29 ତାରିଖ ସାଉଥରେ ଓନମ ପର୍ବକୁ ଧୁମଧାମରେ ପାଳନ କରାଯାଏ। ଏହି ପର୍ବକୁ ଦିପାବଳୀ ପର୍ବ ପରି ପାଳନ କରାଯାଇଥାଏ। ଏହି ପରିପ୍ରେକ୍ଷୀରେ ସାଉଥ କଳାକାରଙ୍କ ଠାରୁ ଆରମ୍ଭ କରି ବଲିଉଡ ତାରକା ଯାଏଁ ସମସ୍ତେ ଏହି ପର୍ବକୁ ପାଳନ କରିବା ସହ ଫ୍ୟାନ୍ସଙ୍କୁ ଶୁଭେଚ୍ଛା ଜଣାଇଛନ୍ତି। ସାଉଥ ସୁପରଷ୍ଟାର ଅଲ୍ଲୁ ଅର୍ଜୁନ, ସଲମାନ ଦୁଲେକର, ଅଭିନେତ୍ରୀ ତମନ୍ନା ଭାଟ୍ଟିଆ, ରଶ୍ମିକା ମନ୍ଦନା, ଏବଂ ବଲିଉଡ ଅଭିନେତ୍ରୀ ଶିଳ୍ପା ସେଟ୍ଟୀ, ମଲାଇକା ଅରୋରା, କାଜୋଲ, ଅଭିନେତା ଅଭିଷେକ ବଚ୍ଚନ ପ୍ରମୁଖ ସୋସିଆଲ ମିଡିଆରେ ଏକ ପୋଷ୍ଟ ସେୟାର କରି ଫ୍ୟାନ୍ସଙ୍କୁ ଏହି ପର୍ବର ଶୁଭେଚ୍ଛା ଜଣାଇଛନ୍ତି।
ଅଲ୍ଲୁ ଅର୍ଜୁନ ନିଜ ଇନଷ୍ଟାଗ୍ରାମ ଷ୍ଟୋରୀରେ ଏକ ପୋଷ୍ଟ ସେୟାର କରିଛନ୍ତି। ଯେଉଁଥିରେ ସେ ଫ୍ୟାନ୍ସଙ୍କୁ ଓନମର ଶୁଭେଚ୍ଛା ଜଣାଇଛନ୍ତି। ସେହିପରି ସାଉଥ ଅଭିନେତା ଦୁଲେକର ସଲମାନ, ମୋହନ ଲାଲ ସୋସିଆଲ ମିଡିଆରେ ପୋଷ୍ଟ ସେୟାର କରି ଫ୍ୟାନ୍ସଙ୍କୁ ଶୁଭକାମନା ଜଣାଇଛନ୍ତି। କେବଳ ଏତିକି ନୁହେଁ ସାଉଥ ଅଭିନେତ୍ରୀ ରଶ୍ମିକା ମନ୍ଦନା, ତମନ୍ନା ଭାଟ୍ଟିଆ ବି ଫ୍ୟାନ୍ସଙ୍କୁ ଶୁଭେଚ୍ଛା ଜଣାଇଛନ୍ତି।
ସେପଟେ ବଲିଉଡରୁ ମଧ୍ୟ ଛୁଟିଛି ଶୁଭେଚ୍ଛାର ସୁଅ। ଅଭିନେତ୍ରୀ ମଲାଇକା ଅରୋରା ନିଜ ଘରେ ପାଳନ କରିଥିବା ଓନମ ପର୍ବର ଫଟୋ ସେୟାର କରିଛନ୍ତି। ମଲାଇକାଙ୍କ ଏହି ପୋଷ୍ଟରେ ଫରହା ଖାନ , ଶ୍ବେତା ବଚ୍ଚନ ପ୍ରତିକ୍ରିୟାରେ ତାଙ୍କୁ ଶୁଭେଚ୍ଛା ଜଣାଇଛନ୍ତି। ସେହିପରି ଶିଲ୍ପା ସେଟ୍ଟୀ ଏବଂ କାଜୋଲ ମଧ୍ୟ ଏହି ଦିନରେ ଫ୍ୟାନ୍ସଙ୍କ ଶୁଭକାମନା ଜଣାଇଛନ୍ତି। ଅଭିନେତା ଅଭିଷେକ ବଚ୍ଚନ ମଧ୍ୟ ଏହି ପର୍ବର ଶୁଭେଚ୍ଛା ଜଣାଇଛନ୍ତି।