ମୁମ୍ବାଇ: ଅକ୍ଷୟ କୁମାରଙ୍କ ଫିଲ୍ମ 'ଓଏମଜି ୨' ସନି ଦେଓଲଙ୍କ 'ଗଦର ୨' ସହିତ ମୁକ୍ତିଲାଭ କରିଥିଲା । ଚଳଚ୍ଚିତ୍ରଟି ସମାଲୋଚକ ଏବଂ ଦର୍ଶକଙ୍କ ଠାରୁ ସକରାତ୍ମକ ପ୍ରତିକ୍ରିୟା ପାଇଥିଲା କିନ୍ତୁ ଏହା ବକ୍ସ ଅଫିସରେ ଭଲ ପ୍ରଦର୍ଶନ କରିନଥିଲା । ଏମିତି କି ଫିଲ୍ମଟି 6 ଦିନ ମଧ୍ୟରେ 100 କୋଟି କଲେକ୍ସନ ମଧ୍ୟ ପାର୍ କରିପାରିନାହିଁ । ଯେତେବେଳେ କି ଏହା ଏକ ଧମାକାଦାର ପ୍ରମୋସନ୍ ହୋଇଥିଲା । କିନ୍ତୁ, ଏହାର ପ୍ରଭାବ ବକ୍ସ ଅଫିସ୍ କଲେକ୍ସନରେ ଦେଖାଗଲା ନାହିଁ । ବକ୍ସ ଅଫିସରେ ଏହାର ଗତି ଧୀର ହୋଇଥିଲେ ମଧ୍ୟ ଚଳଚ୍ଚିତ୍ରଟି 'ଗଦର ୨' ଏବଂ 'ଜେଲର' ମଧ୍ୟରେ ସ୍ଥାନ ପାଇଛି । ତେବେ ଆଶା କରାଯାଉଛି ଯେ ଫିଲ୍ମ ଓଏମଜି ୨ ରିଲିଜ୍ ହେବାର 7 ଦିନ ମଧ୍ୟରେ 100 କୋଟି ଛୁଇଁପାରେ । ତେବେ ଷଷ୍ଠ ଦିନରେ ଚଳଚ୍ଚିତ୍ରର ବିଶ୍ବ ବକ୍ସ ଅଫିସ୍ କଲେକ୍ସନରେ ପ୍ରାୟ 20 ପ୍ରତିଶତ ହ୍ରାସ ଘଟିଛି ।
ବକ୍ସ ଅଫିସ୍ ରିପୋର୍ଟ ଅନୁଯାୟୀ, ମଙ୍ଗଳବାର ଦିନ (ଅଗଷ୍ଟ15) ଛୁଟିଦିନ ଯୋଗୁଁ ଫିଲ୍ମର କଲେକ୍ସନ ବହୁତ ଭଲ ରହିଥିଲା । ରିଲିଜ ହେବାର ଦ୍ୱିତୀୟ ଦିନରେ ମଧ୍ୟ ଫିଲ୍ମଟି ଠିକ୍ଠାକ୍ ଥିଲା । ପ୍ରଥମ ଶନିବାର ଦିନ ଫିଲ୍ମର ରୋଜଗାରରେ 50 ପ୍ରତିଶତ ବୃଦ୍ଧି ଘଟିଥିଲା। ଦ୍ୱିତୀୟ ଦିନରେ ଫିଲ୍ମ 15.30 କୋଟି କଲେକ୍ସନ କରିଥିଲା । ଏହା ପରେ ରବିବାର ଦିନ ଫିଲ୍ମର ଆୟ 14 ପ୍ରତିଶତ ବୃଦ୍ଧି ପାଇ 17.55 କୋଟି କଲେକ୍ସନ କରିଛି । ଚଳଚ୍ଚିତ୍ରଟି ସପ୍ତାହ ଶେଷରେ 43.11 କୋଟି ନିଟ୍ କଲେକ୍ସନ କରିଛି, ଯାହା ଏକ ଭଲ ଫଳାଫଳ ଥିଲା ।
ଏହା ମଧ୍ୟ ପଢନ୍ତୁ: କନସର୍ଟ ବେଳେ ମଞ୍ଚରେ ପଡିଗଲେ ନିକ ଜୋନାସ, ଭାଇରାଲ ହେଲା ଭିଡିଓ