NTR30ର ନୂଆ ପୋଷ୍ଟର ରିଲିଜ୍‌, ଜନ୍ମଦିନ ପୂର୍ବରୁ ରିଲିଜ ହେବ ଅଭିନେତାଙ୍କ ପ୍ରଥମ ଲୁକ୍

RRR ଲୋକପ୍ରିୟ ଅଭିନେତା ଜୁନିଆର NTRଙ୍କ ପ୍ରଶଂସକଙ୍କ ପାଇଁ ଖୁସି ଖବର । ଅଭିନେତାଙ୍କ ଜନ୍ମଦିନ ପୂର୍ବରୁ ତାଙ୍କ ଆଗାମୀ ଫିଲ୍ମ NTR 30ର ପ୍ରଥମ ଲୁକ ରିଲିଜ ନେଇ ଘୋଷଣା କରିଛନ୍ତି ନିର୍ମାତା । ଏହି ଖବର ଶୁଣି ପ୍ରଶଂସକ ଉତ୍ସାହର ସହ ଅପେକ୍ଷା କରି ରହିଛନ୍ତି । ଅଧିକ ପଢନ୍ତୁ

ହାଇଦ୍ରାବାଦ: ଚଳିତ ବର୍ଷ ଜୁନିଅର NTRଙ୍କ ଜନ୍ମଦିନ ତାଙ୍କ ପ୍ରଶଂସକଙ୍କ ପାଇଁ ଅଧିକ ବିଶେଷ ହେବ । କାରଣ ନିର୍ମାତାମାନେ ଏହି ଅବସରରେ ଜୁନିଅର NTRଙ୍କ ଆଗାମୀ ଫିଲ୍ମର ପ୍ରଥମ ଲୁକ୍ ରିଲିଜ କରିବାକୁ ଘୋଷଣା କରିଛନ୍ତି । ଆଜି ସନ୍ଧ୍ୟା 7ଟାରେ ଫିଲ୍ମ ପ୍ରଥମ ଲୁକ୍‌ ରିଲିଜ ହେବ । ତେବେ NTR 30ର ନିର୍ମାତାମାନେ ଫିଲ୍ମର ଏକ ନୂତନ ପୋଷ୍ଟର ସେୟାର କରି ସୋସିଆଲ ମିଡିଆରେ ଏହି ସୂଚନା ଦେଇଛନ୍ତି ।

ଇନଷ୍ଟାଗ୍ରାମରେ ଫିଲ୍ମର ନୂଆ ପୋଷ୍ଟର ସେୟାର କରିଛନ୍ତି । ଏହି ପୋଷ୍ଟରରେ ଛୁରୀ ଏବଂ କୁରାଢି ଦେଖିବାକୁ ମିଳିଛି । ଏହି ପୋଷ୍ଟର ସହ ନିର୍ମାତାମାନେ ଲେଖିଛନ୍ତି, "MASS NTR30 ଦେଖିବା ପାଇଁ ପ୍ରସ୍ତୁତ ରୁହନ୍ତୁ । NTR30ରୁ ଅଭିନେତାଙ୍କ ପ୍ରଥମ ଲୁକ 7:02 PMରେ ଦେଖନ୍ତୁ । ଜୁନିଅର ଏନଟିଆରଙ୍କ ପ୍ରଥମ ଲୁକ୍‌ ଆଜି ରିଲିଜ ହେବ । ଫିଲ୍ମକୁ ନେଇ ଫ୍ୟାନ୍ସ ଉତ୍ସାହିତ ଥିବା ବେଳେ ଏବେ ଏହି ଖବର ସୋମାନଙ୍କ ଉତ୍ସାହକୁ ଦ୍ବିଗୁଣିତ କରିଛି। ଏନେଇ ଫ୍ୟାନ୍ସ ଲାଇକ କରିବା ସହ କମେଣ୍ଟ ବର୍ଷା କରିଛନ୍ତି। ପ୍ରତିକ୍ରିୟାରେ ହାର୍ଟ ଏବଂ ଫାୟାର ଇମୋଜି ସେୟାର କରିଛନ୍ତି । ଏଥିସହ ଅନେକ ଫ୍ୟାନ୍ସ ତାଙ୍କୁ ଟିଜର ରିଲିଜ୍ କରିବାକୁ ମଧ୍ୟ ଅନୁରୋଧ କରିଛନ୍ତି । ଏହି ପୋଷ୍ଟ ଉପରେ ପ୍ରତିକ୍ରିୟା ଦେଇ ଜଣେ ପ୍ରଶଂସକ ଲେଖିଛନ୍ତି, ଏହା ପ୍ୟାନ୍ ଇଣ୍ଡିଆ ନୁହେଁ ଏହା ପ୍ୟାନ୍ ୱାର୍ଲ୍ଡ ଫିଲ୍ମ । ଅନେକ ଜଣ ଲେଖିଛନ୍ତି, ଅପେକ୍ଷା କରିଛୁ।

ସେପଟେ ଏକ ବର୍ଷ ପୂର୍ବେ ନିର୍ମାତାମାନେ ଫିଲ୍ମର ଅଫିସିଆଲ୍ ମୋସନ୍ ପୋଷ୍ଟର ରିଲିଜ କରିଥିଲେ । ଯେଉଁଥିରେ Jr NTRଙ୍କୁ ଏକ ନୂଆ ଅବତାରରେ ଦେଖିବାକୁ ମିଳିଥିଲା ଯେଉଁଥିରେ ଏକ ଛୁରୀ ଏବଂ କୁରାଢି ରହିଥିଲା । NTR30 ଫିଲ୍ମଟି ବର୍ତ୍ତମାନ ହାଇଦ୍ରାବାଦରେ ସୁଟିଂ କରାଯାଉଛି । ଏହି ଫିଲ୍ମରେ ବଲିଉଡ ଅଭିନେତ୍ରୀ ଜାହ୍ନବୀ କପୁର ଏବଂ ଅଭିନେତା ସୈଫ ଅଲି ଖାନ ନଜର ଆସିବେ । ଉଭୟ ଟଲିଉଡରେ ଏହି ଫିଲ୍ମ ସହ ଡେବ୍ୟୁ କରିବାକୁ ଯାଉଛନ୍ତି । ନିର୍ଦ୍ଦେଶକ କୋର୍ଟଲା ସିଭାଙ୍କ ନିର୍ଦ୍ଦେଶିତ ଏହି ଫିଲ୍ମ 2024 ଏପ୍ରିଲ୍ 5ରେ ରିଲିଜ ହେବ । RRRର ବିଶ୍ବସ୍ତରୀୟ ସଫଳତା ପରେ ପ୍ରଶଂସକମାନେ ଜୁନିଆର ଏନଟିଆରଙ୍କ ପରବର୍ତ୍ତୀ ଫିଲ୍ମ NTR30କୁ ବେଶ ଉତ୍ସାହର ସହ ଅପେକ୍ଷା କରିଛନ୍ତି । ଏହି ଫିଲ୍ମ ମଧ୍ୟ RRR ଭଳି ସଫଳତା ହାସଲ କରିବା ସହ ହିଟ୍‌ ହୋବ ବୋଲି ଆଶା କରାଯାଉଛି ।