ହାଇଦ୍ରାବାଦ: ମନୋରଞ୍ଜନ ଦୃଷ୍ଟିରୁ ଆଜିକାଲି ସିନେମା ଅପେକ୍ଷା ୱେବସିରିଜ ଦେଖିବାକୁ ବେଶ ଭଲପାଆନ୍ତି । ଏବଂ ଅଧିକାଂଶ ସିରିଜ ବେଶ ଲୋକପ୍ରିୟତା ସାଉଁଟୁଥିବା ବେଳେ 2023 ମାର୍ଚ୍ଚରେ 5 ଟି ନୂତନ ୱେବ୍ ସିରିଜ ଷ୍ଟ୍ରିମ୍ ହେବାକୁ ଯାଉଛି । ଯାହାକୁ ନେଇ ଦର୍ଶକଙ୍କ ମଧ୍ୟରେ ଉତ୍ସାହ ଦେଖିବାକୁ ମିଳିଛି ।
ତେବେ ଚଳିତ ମାସରେ ରିଲିଜ ହେଉଥିବା ସିରିଜ ମଧ୍ୟରେ ଡିଜନି ହଟଷ୍ଟାରରେ ଗୁଲମୋହର, ନେଟଫ୍ଲିକ୍ସରେ ଚୋର ନିକଲ କେ ଭାଗା , Sony liveରେ ରକେଟ ବୟଜ-2 , Zee5ରେ ତାଜ: ଡିଭାଇଡେଡ ବାଏ ବ୍ଲଡ ଏବଂ Netflixରେ ସାଉଥ ସିନେମା ରାଣା ନାଏଡୁରେ ଆସିବାକୁ ଯାଉଛି ।
ଗୁଲମୋହର: ରାହୁଲ ଭି.ଚିଟ୍ଟେଲାଙ୍କ ନିର୍ଦ୍ଦେଶିତ ୱେବସିରିଜ ଗୁଲମୋହର ମାର୍ଚ୍ଚ 3ରୁ OTT ପ୍ଲାଟଫର୍ମ ଡିଜନି ପ୍ଲସ୍ ହଟଷ୍ଟାରରେ ଷ୍ଟ୍ରିମିଂ ହେବାକୁ ଯାଉଛି । ପାରିବାରିକ ଡ୍ରାମା ଉପରେ ଆଧାରିତ ଏହି ସିରିଜ, ଯେଉଁଥିରେ ଗୋଟିଏ ଘରେ ସମସ୍ତେ ଏକାଠି ରହି ମଧ୍ୟ କିପରି ପରସ୍ପରକୁ ଜାଣିବାକୁ ଚାହାଁନ୍ତି ନାହିଁ । ସେ ଉପରେ କାହାଣୀ ଆଧାରିତ । ଏହି ସିରିଜରେ ଅଭିନେତା ମନୋଜ ବାଜପେୟୀ, ଶର୍ମିଲା ଟାଗୋର, ଆମୋଲ ପାଲେକର ଏବଂ ସୁରଜ ଶର୍ମା, କାଭେରୀ ସେଠ ଏବଂ ଉସ୍ତ୍ବବୀ ଝା ଅଭିନୟ କରିଛନ୍ତି । ତେବେ ଭେଟେରାନ ଅଭିନେତ୍ରୀ ଶର୍ମିଲା ଟାଗୋର 12 ବର୍ଷ ପରେ ଏହି ସିରିଜରେ ଅଭିନୟ କରିବାକୁ ଯାଉଛନ୍ତି ।
ଚୋର ନିକଲ କେ ଭାଗା: ଚୋର ନିକଲ କେ ଭାଗା' ୱେବ ସିରିଜର ନିର୍ଦ୍ଦେଶନା ଦେଇଛନ୍ତି ଅଜୟ ସିଂ । ବଲିଉଡ ଅଭିନେତ୍ରୀ ୟାମି ଗୌତମ ଏବଂ ସନ୍ନି କୌଶଲ ପ୍ରମୁଖ ଏଥିରେ ଅଭିନୟ କରିଛନ୍ତି । Netflixରେ ଏହି ଫିଲ୍ମ ମାର୍ଚ୍ଚ 24ରେ ରିଲିଜ ହେବାକୁ ଯାଉଛି । ଏହି ଚଳଚ୍ଚିତ୍ରଟି ଜଣେ ଏୟାର ହୋଷ୍ଟେସ୍ ଏବଂ ତାଙ୍କ ବ୍ୟବସାୟୀ ପ୍ରେମିକ ଉପରେ ଆଧାରିତ ଅଟେ । ଯେଉଁଥିରେ ନିଜ ଲୋନ ସୁଝିବା ନେଇ ଏକ ହୀରା ଚୋରି କରି ବିକିବାର ଯୋଜନା କରୁଛନ୍ତି ଏହି ହାଇପ୍ରୋଫାଇଲ୍ ଦମ୍ପତି । ହେଲେ ବିମାନରେ ହୀରା ଆଣୁଥିବା ବେଳେ ଉଭୟ ହାଇଜାକ ହୋଇଯାଉଥିବା ଦେଖିବାକୁ ମିଳୁଛି ।
ରକେଟ ବୟଜ-2: ପୂର୍ବରୁ`ରକେଟ ବୟଜ'ର ପ୍ରଥମ ଭାଗ ବେସ ଲୋକପ୍ରିୟତା ହାସଲ କରିଥିବା ବେଳେ ଏବେ ନିର୍ମାତା ଏହାର 2ୟ ଭାଗ ରିଲିଜ କରିବାକୁ ଯାଉଛନ୍ତି । ରକେଟ ବୟଜ-୨ର କାହାଣୀ ଭାରତୀୟ ବୈଜ୍ଞାନିକ ହୋମି ଜେ ଭବା ଏବଂ ବିକ୍ରମ ସାରଭାଇଙ୍କ ଜୀବନ ଏବଂ ଅନେକ ବୈଜ୍ଞାନିକ ଚରିତ୍ର ଉପରେ ଆଧାରିତ ରହିଛି ଏହି ଫିଲ୍ମ । ଏହି ଫିଲ୍ମର ଲେଖକ ଏବଂ ନିର୍ଦ୍ଦେଶକ ଅଭୟ ପନ୍ନୁ ଥିବା ବେଳେ ଏଥିରେ ଜିମ୍ ସରବ, ଇଶାକ୍ ସିଂ, ଅଞ୍ଜିନି କୁମାର ଖାନ୍ନା ଏବଂ ସଞ୍ଜୟ ଭାଟିଆ ନଜର ଆସିବେ ।
ତାଜ, ଡିଭାଇଡେଡ ବାଏ ବ୍ଲଡ:ରୋନ ସ୍କାଲପେଲୋଙ୍କ ୱେବ ସିରିଜ ‘ତାଜ: ଡିଭାଇଡେଡ ବାଏ ବ୍ଲଡ' ଏକ ସତ ଘଟଣା ଉପରେ ଆଧାରିତ ଫିଲ୍ମ ମାର୍ଚ୍ଚ 3 ରେ G5 ରେ ପ୍ରସାରିତ ହେବ । ଏଥିରେ ନସିରୁଦ୍ଦିନ ଶାହା 'ଆକବର', ଆଦିତ୍ୟ ରାଓ ହାଇଡାରୀ 'ଅନାକାଲି', ଆଶୀମ ଗୁଲାଟି 'ସଲିମ' ଏବଂ ଧର୍ମେନ୍ଦ୍ର 'ଶେଖ ସଲିମ ଚିସ୍ତି' ଭୂମିକାରେ ନଜର ଆସିବେ । ତେବେ ଏହି ଫିଲ୍ମରେ ମୋଗଲ ଶାସକ ଆକବର, ଯିଏକି ମୋଗଲ ଶକ୍ତି ପାଇଁ ତାଙ୍କ ପିଲାମାନଙ୍କ ଲଢେଇରେ ସମନ୍ବୟ ରଖୁଥିବା ଦେଖିବାକୁ ମିଳିବ ।
ରାଣା ନାଇଡୁ:କରଣ ଅନସୁମାନ ଏବଂ ସୁପର୍ନ ଭର୍ମାଙ୍କ ନିର୍ଦ୍ଦେଶିତ ୱେବ ସିରିଜ 'ରାଣା ନାଇଡୁ' ରିଲିଜ ହେବାକୁ ଯାଉଛି । ଏହି ଚଳଚ୍ଚିତ୍ରରେ ରାଣା ଏକ ଗୁରୁତ୍ବପୂର୍ଣ୍ଣ ଭୂମିକାରେ ନଜର ଆସିବେ । ଏହି ଚଳଚ୍ଚିତ୍ରଟି ହେଉଛି ଆମେରିକୀୟ ଡ୍ରାମା ଫିଲ୍ମ Ray Donvan ର ଭାରତୀୟ ଆଡାପ୍ଟେସନ୍ । ମାର୍ଚ୍ଚ 10 ରେ ଏହି ଫିଲ୍ମ ନେଟଫ୍ଲିକ୍ସରେ ଷ୍ଟ୍ରିମ୍ ହେବ।
