ହାଇଦ୍ରାବାଦ: ବିଭିନ୍ନ ସୋସିଆଲ ମିଡିଆ ପ୍ଲାଟଫର୍ମରୁ ହଟିଲା ନୟନତାରାଙ୍କ ଫିଲ୍ମ 'ଅନ୍ନପୁରାନୀ' । ନେଟଫ୍ଲିକ୍ସ ଏବଂ ଜିଓ ଷ୍ଟୁଡିଓରୁ ନୟନତାରାଙ୍କ ଫିଲ୍ମ 'ଅନ୍ନପୁରାନୀ' ହଟାଇ ଦିଆଯାଇଛି । ଗତ ଡିସେମ୍ବର ୧ରେ ରିଲିଜ ହୋଇଥିବା ନୟନତାରାଙ୍କ ଏହି ଫିଲ୍ମ ଧାର୍ମିକ ଭାବନାକୁ ଆଘାତ ଦେବା ସହ ଲଭ ଜିହାଦକୁ ପ୍ରତ୍ସୋହିତ ଦେଉଥିବା ଅଭିଯୋଗ ହୋଇଥିଲା । କେବଳ ଏତିକି ନୁହେଁ ଫିଲ୍ମର ନିର୍ମାତା ଏବଂ ସମସ୍ତ ଷ୍ଟାର କାଷ୍ଟଙ୍କ ବିରୁଦ୍ଧରେ ମଧ୍ୟ ମାମଲା ରୁଜୁ ହୋଇଥିଲା । ଗତ କିଛି ଦିନ ଏହି ଫିଲ୍ମ ବିବାଦ ଜୋର ଧରିଥିବା ବେଳେ ବର୍ତ୍ତମାନ ସମସ୍ତ ଓଟିଟି ପ୍ଲାଟଫର୍ମ ଫିଲ୍ମକୁ ନିଜ ସାଇଟରୁ ହଟାଇ ଦେଇଛନ୍ତି । ଜଣାଶୁଣା ଫିଲ୍ମ ନିର୍ମାତା ଖ୍ରୀଷ୍ଟୋଫର କନଗରାଜ ଏନେଇ ସୂଚନା ଦେଇଛନ୍ତି ।
ନେଟଫ୍ଲିକ୍ସ ଜାନୁଆରୀ ୧୦ରେ ଫିଲ୍ମ 'ଅନ୍ନପୁରାନୀ'କୁ ନିଜ ପ୍ଲାଟଫର୍ମରୁ ହଟାଇ ଦେଇଛନ୍ତି । ସେହିପରି ଜିଓ ଷ୍ଟୁଡିଓ ହିନ୍ଦୁ ପରିଷଦକୁ କ୍ଷମା ପ୍ରାର୍ଥନା କରିଛନ୍ତି ଏବଂ ଫିଲ୍ମକୁ ନିଜ ପ୍ଲାଟଫର୍ମରୁ ହଟାଇ ଦେଇଛି । ଜିଓ ଷ୍ଟୁଡିଓ କହିଛି ଯେ, 'ଆପତ୍ତିଜନକ କଣ୍ଟେଣ୍ଟ ଫିଲ୍ମରୁ ହଟାଇ ଏଡିଟ କରିବା ଯାଏଁ ଆମେ ଫିଲ୍ମକୁ ପ୍ଲାଟର୍ଫମରୁ ହଟାଇ ଦେଇଛୁ । ଫିଲ୍ମର କୋ-ନିର୍ମାତା ଭାବରେ ଆମେ ହିନ୍ଦୁମାନଙ୍କୁ ଏବଂ ବ୍ରାହ୍ମଣ ସମୁଦାୟଙ୍କ ଧାର୍ମିକ ଭାବନାକୁ ଆଘାତ ପହଞ୍ଚାଇବା ନେଇ ଆମର କୌଣସି ଉଦ୍ଦେଶ୍ୟ ନଥିଲା । ତଥାପି ସମସ୍ତଙ୍କୁ ଭାବନାକୁ କଷ୍ଟ ଦେଇଥିବା ପାଇଁ ଆମେ କ୍ଷମା ପ୍ରାର୍ଥନା କରୁଛୁ ।'
ସୂଚନା ଥାଉ କି, ପୂର୍ବ ଶିବସେନା ନେତା ରମେଶ ସୋଲଙ୍କି ଏହି ଫିଲ୍ମକୁ ନେଇ ବିରୋଧ କରିବା ସହ ମୁମ୍ବାଇରେ ଧାର୍ମିକ ଭାବନାକୁ ଆଘାତ ଦେବା ସହ ଲଭ ଜିହାଦକୁ ପ୍ରୋତ୍ସାହିତ ଦେଉଥିବା ଅଭିଯୋଗ କରି ମାମଲା ରୁଜୁ କରିଥିଲେ । ଏହା ପରେ ସେଠାକାର ହିନ୍ଦୁ ଆଇଟି ସେଲ ଦ୍ବାରା ମଧ୍ୟ ମୁମ୍ବାଇ ପୋଲିସ ଷ୍ଟେସନରେ ମଧ୍ୟ ମାମଲା ରୁଜୁ କରାଯାଇଥିଲା । ମୁମ୍ବାଇ ପରେ ମଧ୍ୟପ୍ରଦେଶର ଜବଲପୁର ହିନ୍ଦୁ ସଙ୍ଗଠନ ଦ୍ବାରା ମଧ୍ୟ ନୟନତାରା ସମେତ 'ଅନ୍ନପୁରାନୀ'ଙ୍କୁ ବିରୋଧ କରି ଫିଲ୍ମର ପୁରା କାଷ୍ଟଙ୍କ ବିରୁଦ୍ଧରେ ମାମଲା ରୁଜୁ କରାଯାଇଥିଲା ।
ଏହା ମଧ୍ୟ ପଢନ୍ତୁ:ବଢୁଛି 'ଅନ୍ନପୁରାନୀ'ପାଇଁ ଅଡୁଆ, ମୁମ୍ବାଇ ପରେ ଜବଲପୁରରେ ମାମଲା ରୁଜୁ
କହିରଖୁଛୁ କି, ଏହି ଫିଲ୍ମର ଗୋଟିଏ ସିନରେ ଭଗବାନ ଶ୍ରୀ ରାମ ମାଂସ ଖାଉଥିଲେ କହି ଅଭିନେତ୍ରୀଙ୍କୁ ମାଂସ ଖାଇବାକୁ ଉସୁକାଯାଇଛି । ଏଥିସହ ଫିଲ୍ମରେ ଅଭିନେତ୍ରୀଙ୍କ ବାପା ବିଷ୍ଣୁ ପୂଜକ ଥିବା ବେଳେ ତାଙ୍କ ଝିଅ ମାଂସ ରାନ୍ଧିବା, ଜଣେ ମୁସଲିମ ବ୍ୟକ୍ତିକୁ ଭଲପାଇବା ଏବଂ ନମାଜ ପଢୁଥିବା ନଜର ଆସିଛନ୍ତି । ଯାହା ପରେ ଫିଲ୍ମ ବିବାଦ ଘେରରେ ଛନ୍ଦି ହୋଇଥିଲା । ତେବେ ଏହି ଫିଲ୍ମ ନୟନତାରାଙ୍କ ୭୫ତମ ଫିଲ୍ମ ରହିଥିଲା । ଏହି ଫିଲ୍ମର ନିର୍ଦ୍ଦେଶନା ନିର୍ଦ୍ଦେଶକ ନିଲେଶ କ୍ରିଷ୍ଣା ଦେଇଥିବା ବେଳେ ଏହି ଫିଲ୍ମଟି ଜଣେ ରୋଷେୟାଙ୍କ କାହାଣୀ ଉପରେ ଆଧାରିତ । ଏଥିରେ ମୁଖ୍ୟ ଅଭିନେତ୍ରୀ ଭାବେ ନୟନତାରା, ଜୟ, ସତ୍ୟରାଜ, କାର୍ତ୍ତିକ କୁମାର ଏବଂ ରେଣୁକା ଭଳି ତାରକା ଅଭିନୟ କରିଛନ୍ତି ।
