ନୂଆଦିଲ୍ଲୀ:ସାଉଥ୍ ଅଭିନେତ୍ରୀ ନୟନତାରା ଏବଂ ଚଳଚ୍ଚିତ୍ର ନିର୍ମାତା ବିଗ୍ନେଶ ଶିବନ (Nayanthara & Vignesh) ବିବାହର 4 ମାସ ପରେ ସେମାନଙ୍କ ପ୍ରଶଂସକଙ୍କୁ ଖୁସି ଖବର ଦେଇଛନ୍ତି । ସୋସିଆଲ ମିଡିଆ ହ୍ୟାଣ୍ଡେଲରେ ଏକ ପୋଷ୍ଟ ମାଧ୍ୟମରେ ନୟନତାରା ଏବଂ ବିଗ୍ନେଶ ଶିବନ ପିତାମାତା ହେବା ବିଷୟରେ ସୂଚନା ଦେଇଛନ୍ତି । ଚଳିତ ବର୍ଷ ଜୁନ ମାସରେ ନୟନତାରା, ବିଗ୍ନେଶଙ୍କୁ ବିବାହ କରିଥିଲେ । ଏବେ ବିବାହର ଚାରି ମାସ ପରେ ନୟନତାରା ଯମଜ ପୁତ୍ରଙ୍କୁ ଜନ୍ମ ଦେଇଛନ୍ତି ।
ଇନ୍ଷ୍ଟାଗ୍ରାମରେ ଫଟୋ ସେୟାର କରିଛନ୍ତି ବିଗ୍ନେଶ
ବିଗ୍ନେଶ ଅକ୍ଟୋବର 9ରେ ସୋସିଆଲ ମିଡିଆରେ ଏକ ପୋଷ୍ଟ ସେୟାର କରି କହିଛନ୍ତି ଯେ, ନୟନତାରା ଏବଂ ସେ ଯାଆଁଳା ସନ୍ତାନର ପିତାମାତା ହୋଇଛନ୍ତି । କେବଳ ଏତିକି ନୁହେଁ, ବିଗ୍ନେଶ ଇନଷ୍ଟାଗ୍ରାମରେ ନୟନତାରା ଏବଂ ତାଙ୍କ ଯାଆଁଳା ସନ୍ତାନର ପାଦର ଫଟୋ ସେୟାର କରିଛନ୍ତି । ପିତାମାତା ଦୁଇ ସନ୍ତାନଙ୍କର ପାଦରେ ଖୁସିର ଚୁମ୍ବନ ଦେଉଥିବା ଦେଖାଯାଉଛି । ଫଟୋ ସହିତ ବିଗ୍ନେଶ କ୍ୟାପସନରେ ଲେଖିଛନ୍ତି - 'ନୟନତାରା ଏବଂ ମୁଁ ଆମ୍ମା ଏବଂ ଆପା ହୋଇଗଲୁ । ଆମକୁ ଯମଜ ପୁତ୍ର ସନ୍ତାନ ମିଳିଛି । ଆମର ଅନେକ ପ୍ରାର୍ଥନା ଓ ଆମର ପୂର୍ବଜଙ୍କ ଆଶୀର୍ବାଦ ରୂପରେ ଆମକୁ ଦୁଇଟି ସନ୍ତାନ ମିଳିଛି । ଆପଣମାନେ ଈଶ୍ୱରଙ୍କର ଏହି ଉପହାରକୁ ଆଶୀର୍ବାଦ କରନ୍ତୁ ।