ହାଇଦ୍ରାବାଦ:2023ର ବହୁ ପ୍ରତୀକ୍ଷିତ ଚଳଚ୍ଚିତ୍ର ମଧ୍ୟରୁ ଶାହାରୁଖ ଖାନଙ୍କ ଅଭିନୀତ 'ଯବାନ' ଅନ୍ୟତମ। ନିକଟରେ ଫିଲ୍ମର ପ୍ରିଭ୍ୟୁ ରିଲିଜ ହୋଇଥିଲା, ଯାହାକୁ ପ୍ରଶଂସକମାନେ ବେଶ ପସନ୍ଦ କରିଥିଲେ। ଏହା ପରେ ଫିଲ୍ମକୁ ନେଇ ଫ୍ୟାନ୍ସଙ୍କ ଉତ୍ସାହ ମଧ୍ୟ ବଢିଯାଇଛି । 'ଯବାନ'ରେ କିଙ୍ଗ୍ ଖାନ ପ୍ରଥମ ଥର ପାଇଁ ସାଉଥ ଅଭିନେତ୍ରୀ ନୟନତାରାଙ୍କ ସହ ସ୍କ୍ରିନ୍ ସେୟାର କରୁଛନ୍ତି । ବର୍ତ୍ତମାନ ସୋସିଆଲ ମିଡିଆରେ ଫିଲ୍ମର ଏକ ନୂଆ ପୋଷ୍ଟର ରିଲିଜ କରି ଶାହାରୁଖ ଫିଲ୍ମରୁ ଅଭିନେତ୍ରୀଙ୍କ ଲୁକ୍କୁ ରିଲିଜ କରିଛନ୍ତି ।
ଶାହାରୁଖ ଖାନ ଟ୍ବିଟରରେ 'ଯବାନ'ର ଏକ ନୂଆ ପୋଷ୍ଟର ରିଲିଜ କରିଛନ୍ତି । ଏହି ନୂଆ ପୋଷ୍ଟରରେ ଅଭିନେତ୍ରୀ ନୟନତାରାଙ୍କ ଦମଦାର ଲୁକ୍ ଦେଖିବାକୁ ମିଳିଛି । ହାତରେ ବନ୍ଧୁକ ଧରି ନୟନତାରା ଆକ୍ସନ୍ ଅବତାରରେ ନଜର ଆସିଛନ୍ତି । ଏହି ପୋଷ୍ଟର ସେୟାର କରି ଶାହାରୁଖ ଖାନ ଲେଖିଛନ୍ତି, ନୟନତାରା "ସେ ବଜ୍ରପାତ, ଯାହା ଝଡ ଆସିବା ପୂର୍ବର ସଙ୍କେତ ଦେଇଥାଏ। ଯବାନ 7 ସେପ୍ଟେମ୍ବର 2023 ରେ ହିନ୍ଦୀ, ତାମିଲ ଏବଂ ତେଲୁଗୁ ଭାଷାରେ ରିଲିଜ କରିବ। ତେବେ ପୋଷ୍ଟରର ନୟନ୍ତରାଙ୍କ ସମାନ ଲୁକ, ଫିଲ୍ମର ପ୍ରିଭ୍ୟୁରେ ମଧ୍ୟ ଦେଖିବାକୁ ମିଳିଥିଲା।
ଏହା ମଧ୍ୟ ପଢନ୍ତୁ: ଟ୍ବିଟରରେ ହଙ୍ଗାମା, ଫିଲ୍ମ ପ୍ରିଭ୍ୟୁ ଉପରେ ଏମିତି କହିଲେ ଫ୍ୟାନ୍ସ
'ଯବାନ'ରେ ନୟନତାରା ଏବଂ ଶାହାରୁଖ ଖାନଙ୍କ ବ୍ୟତୀତ ଦୀପିକା ପାଦୁକୋନ, ସାନିଆ ମଲହୋତ୍ରା, ପ୍ରିୟମାନୀ, ବିଜୟ ସେଥୁପଥୀ, ଯୋଗୀ ବାବୁ ଏବଂ ରିଦ୍ଧି ଡୋଗ୍ରା ପ୍ରମୁଖ ମୁଖ୍ୟ ଭୂମିକାରେ ନଜର ଆସିବେ। ଏବଂ ଏହି ଫିଲ୍ମରେ ଶାହାରୁଖ ଖାନଙ୍କୁ ଏକ ଭିନ୍ନ ଲୁକରେ ଦେଖିବାକୁ ମିଳିବ। ଦୀପିକା ପାଦୁକୋନ ଏହି ଫିଲ୍ମରେ ଏକ କୋମିଓ ନଜର ଆସିବେ। ସେହିପରି ଅଭିନେତ୍ରୀ କିଆରା ଆଡଭାନୀ ମଧ୍ୟ ଏହି ଫିଲ୍ମରେ ଏକ କେମିଓ ରୋଲରେ ନଜର ଆସିବେ ବୋଲି କୁହାଯାଉଛି। ହେଲେ ଏନେଇ ନିର୍ମାତା କୌଣସି ସୂଚନା ଦେଇନାହାନ୍ତି।
ଯବାନ' ଶାହାରୁଖଙ୍କ ପ୍ରଡକ୍ସନ୍ କମ୍ପାନୀ ରେଡ୍ ଚିଲିସ୍ ଏଣ୍ଟରଟେନମେଣ୍ଟ ଦ୍ୱାରା ନିର୍ମିତ ହୋଇଥିବା ବେଳେ ନିର୍ଦ୍ଦେଶକ ଅଟଲି ଅହି ଫିଲ୍ମର ନିର୍ଦ୍ଦେଶନା ଦେଇଛନ୍ତି । ଏହି ଫିଲ୍ମ ସହ ଅଟଲି, ନୟନତାରା ଏବଂ ବିଜୟ ସେଥୁପଥୀଙ୍କ ସହ ପ୍ରଥମ ଥର ପାଇଁ କାମ କରିଛନ୍ତି ଶାହାରୁଖ । 'ଯବାନ' ଫିଲ୍ମ ହିନ୍ଦୀ, ତାମିଲ ଏବଂ ତେଲୁଗୁ ଭାଷାରେ ନିର୍ମିତ ହେଉଥିବା ବେଳେ ଚଳିତ ବର୍ଷ ସେପ୍ଟେମ୍ବର 7ରେ ରିଲିଜ ହେବ । ଫିଲ୍ମ ଦେଖିବାକୁ ଫ୍ୟାନ୍ସ ଉତ୍ସାହର ସହ ଅପେକ୍ଷା କରିଛନ୍ତି ।
