ହାଇଦ୍ରାବାଦ: ନାନା ପାଟେକର ଫ୍ୟାନ୍ସଙ୍କୁ ଚାପୁଡା ମାରିବା ଘଟଣା । ଏନେଇ ସ୍ପଷ୍ଟୀକରଣ ଦେବା ସହ କ୍ଷମା ମାଗିଛନ୍ତି ଅଭିନେତା । ସୂଚନା ଅନୁସାରେ, ବାରାଣାସୀରେ ତାଙ୍କର ଆଗାମୀ ଚଳଚ୍ଚିତ୍ର ଜର୍ଣ୍ଣି(Journey) ପାଇଁ ସୁଟିଂ କରୁଛନ୍ତି । ଏହି ଫିଲ୍ମର ସୁଟିଂ ସମୟରେ ଜଣେ ପ୍ରଶଂସକ ତାଙ୍କ ସହ ସେଲ୍ଫି ନେବାକୁ ଚେଷ୍ଟା କରିଥିଲେ ଏବଂ ତାଙ୍କୁ ନାନା ପାଟେକର ଚାପୁଡ଼ା ମାରିଥିଲେ । ଏହାର ଭିଡିଓ ସୋସିଆଲ ମିଡିଆରେ ଭାଇରାଲ ପରେ ଲୋକେ ଅଭିନେତାଙ୍କ ଏପରି ଆଚରଣକୁ ତୀବ୍ର ନିନ୍ଦା କରିଥିଲେ । ତେବେ ବର୍ତ୍ତମାନ ଘଟଣା ନେଇ ମୁହଁ ଖୋଲିଛନ୍ତି ଅଭିନେତା । ଘଟଣା ଉପରେ ପ୍ରତିକ୍ରିୟା ଦେଇ ନାନା ପାଟେକର କହିଛନ୍ତି ଯେ, ଭୁଲ୍ରେ ହୋଇଯାଇଛି କ୍ଷମା କରିଦିଅ ।'
ନାନା ପାଟେକର କହିଛନ୍ତି ଯେ ଏହି ଘଟଣା ତାଙ୍କ ଚଳଚ୍ଚିତ୍ର ଜର୍ଣ୍ଣି (Journey)ର ଏକ ସିନ୍ର ଅଂଶ ଯେଉଁଠାରେ ସେହି ବ୍ୟକ୍ତି ତାଙ୍କୁ ପଚାରନ୍ତି, 'ଆରେ ବୃଢ଼ା, ତୁମେ କଣ ଟୋପି ବିକ୍ରି କରୁଛ ନା କଣ ?' ଏବଂ ତା’ପରେ ନାନା ଟୋପି ପିନ୍ଧି ତାଙ୍କୁ ପିଟି ତଡ଼ି ଦେଉଛନ୍ତି । ଯେତେବେଳେ ଏହି ଘଟଣା ଘଟିଲା, ସେହି ସିନ୍ର ରିହର୍ସଲ ଚାଲିଥିଲା ଏବଂ ତା’ପରେ ଜଣେ ଅଜ୍ଞାତ ଯୁବକ ହଠାତ୍ ତାଙ୍କ ନିକଟକୁ ଆସିଥିଲେ, ଯାହାକୁ ନାନା ସୁଟିଂରେ ସମ୍ପୃକ୍ତ ବ୍ୟକ୍ତି ବୋଲି ଭାବିଥିଲେ, ତାଙ୍କୁ ମାରି ତଡ଼ି ଦେଇଥିଲେ ।
ଏହା ଭୁଲ୍ ବଶତଃ ହୋଇଯାଇଛି । କିନ୍ତୁ କେହି ଜଣେ ଏହି ଘଟଣାର ଏକ ଭିଡିଓ ପ୍ରସ୍ତୁତ କରି ଏହାକୁ ସେୟାର କରାଯାଇଛି । କେହି ଏହାକୁ ଭାଇରାଲ କରିଛନ୍ତି । ନାନା ସ୍ପଷ୍ଟ କରିଛନ୍ତି ଯେ ସେ ନିଜ ଭୁଲକୁ ଅନୁଭବ କରିବା ମାତ୍ରେ ସେ ଏବଂ ସୁଟିଂ କ୍ରୁ ସେହି ବ୍ୟକ୍ତିଙ୍କୁ ଖୋଜିବା ଆରମ୍ଭ କରିଥିଲେ । କିନ୍ତୁ ସେତେବେଳକୁ ଯୁବକ ଜଣକ ସେଠାରୁ ଚାଲିଯାଇଥିଲେ । ସେ କଦାପି ଏହିପରି ଆଚରଣ କରନ୍ତି ନାହିଁ, କାହା ଉପରେ ହାତ ଉଠାନ୍ତି ନାହିଁ ଏବଂ ଲୋକଙ୍କୁ ବହୁତ ଭଲ ପାଆନ୍ତି ।
ଏହା ମଧ୍ୟ ପଢନ୍ତୁ:ଫ୍ୟାନ୍ସଙ୍କୁ ଚାପୁଡା ମାରିଲେ ନାନା ପାଟେକର, ଭିଡ଼ିଓ ଭାଇରାଲ
ନାନା ପାଟେକରଙ୍କ ୱାର୍କଫ୍ରଣ୍ଟ୍ ବିଷୟରେ କହିବାକୁ ଗଲେ, ଦି ଭ୍ୟାକ୍ସିନ ୱାର୍ରେ ନାନା ପାଟେକରଙ୍କୁ ଶେଷଥର ପାଇଁ ଦେଖିବାକୁ ମିଳିଥିଲା । ଏହାପରେ ତାଙ୍କ ଆଗାମୀ ଫିଲ୍ମ ଜର୍ଣ୍ଣି(Journey)ରେ ଦେଖିବାକୁ ମିଳିବ । ଏହି ଫିଲ୍ମରେ ଅନୀଲ ଶର୍ମାଙ୍କ ପୁଅ ଉତ୍କଳ ଶର୍ମା ମଧ୍ୟ ନାନା ପାଟେକରଙ୍କ ସହ ନଜର ଆସିବେ । ଏହି ଚଳଚ୍ଚିତ୍ରର ସୁଟିଂ ବାରାଣାସୀରୁ ଆରମ୍ଭ ହୋଇଛି । ଅଞ୍ଚଳର ସସି ଘାଟ, ତୁଲସୀ ଘାଟ, ଦଶାଶ୍ୱାମେଧ ଘାଟରେ ମଧ୍ୟ କିଛି ସିନ୍ ସୁଟିଂ କରାଯାଇଛି । ସୂଚନା ଅନୁଯାୟୀ, ବାରାଣାସୀରେ ଦେବ ଦିୱାଲୀ ପର୍ଯ୍ୟନ୍ତ ଏହି ଚଳଚ୍ଚିତ୍ରର ସୁଟିଂ ଜାରି ରହିବ । ଫିଲ୍ମ 'ଜର୍ଣ୍ଣି'ର କିଛି ସିନ୍ କେବଳ ବାରାଣାସୀରେ ସୁଟିଂ କରାଯିବ । ଏହା ସହିତ ଅନେକ ଘାଟରେ ସୁଟିଂ କରାଯିବ, ଯେଉଁଥିରେ ସଂସ୍କୃତି ପ୍ରଦର୍ଶିତ ହେବ ।
