ହାଇଦ୍ରାବାଦ: ଐଶ୍ୱର୍ଯ୍ୟା ରାୟ ବଚ୍ଚନ ଯେଉଁଆଡେ ଯାଆନ୍ତି, ଝିଅ ଆରାଧ୍ୟା ମଧ୍ୟ ତାଙ୍କ ସହିତ ଯାଆନ୍ତି । ଉଭୟ ପ୍ରାୟତଃ ଏକାଠି ନଜର ଆସିଥାନ୍ତି । ଐଶ୍ୱର୍ଯ୍ୟା ତାଙ୍କ ବୃତ୍ତିଗତ ଜୀବନ ସହିତ ବ୍ୟକ୍ତିଗତ ଜୀବନକୁ ମଧ୍ୟ ଖୁବ୍ ଭଲ ଭାବେ ବାଲାନ୍ସ କରନ୍ତି । ଶୁକ୍ରବାର ରାତିରେ ଝିଅ ଆରାଧ୍ୟାଙ୍କ ସହ ଐଶ୍ୱର୍ଯ୍ୟା ରାୟ ବଚ୍ଚନଙ୍କୁ ମୁମ୍ବାଇ ବିମାନବନ୍ଦରରେ ଦେଖିବାକୁ ମିଳିଛି । ଉଭୟଙ୍କ ଏୟାରପୋର୍ଟ ଲୁକ୍ ସୋସିଆଲ ମିଡିଆରେ ଭାଇରାଲ ହେଉଛି ।
ତେବେ ଐଶ୍ୱର୍ଯ୍ୟା ରାୟ ବଚ୍ଚନ ଏବଂ ଆରାଧ୍ୟା କେଉଁଠାକୁ ଯାଉଛନ୍ତି ତାହା ଏପର୍ଯ୍ୟନ୍ତ ଜଣାପଡିନାହିଁ । ବର୍ତ୍ତମାନ, ଐଶ୍ୱର୍ଯ୍ୟା ନିଜ ପରିବାର ସହିତ ଅଧିକ ସମୟ ବିତାଉଛନ୍ତି । ତେବେ ଐଶ୍ୱର୍ଯ୍ୟା ପ୍ରୋଜେକ୍ଟ ପାଇଁ ଯେକୌଣସି ସ୍ଥାନକୁ କଲେ ସାଙ୍ଗରେ ଝିଅ ଆରାଧ୍ୟାକୁ ନେଇ ଯାଆନ୍ତି । ଦେବଦାସ ଅଭିନେତ୍ରୀ ଐଶ୍ୱର୍ଯ୍ୟା ଏବଂ ତାଙ୍କ ଝିଅ ଏକାଠି ଷ୍ଟାଇଲିସ୍ ଦେଖାଯାଉଛନ୍ତି ।
ଐଶ୍ୱର୍ଯ୍ୟା ରାୟ ବ୍ଲାକ ଆଉଟଫିଟ୍ରେ ନଜର ଆସିଥିଲେ । ବ୍ଲାକ ଆଉଟଫିଟ୍ରେ ଗର୍ଜିଅସ ଲାଗୁଛନ୍ତି ଐଶ୍ୱର୍ଯ୍ୟା ରାୟ ବଚ୍ଚନ । ତେବେ ଐଶ୍ୱର୍ଯ୍ୟା ରାୟ ବଚ୍ଚନ ଏବଂ ତାଙ୍କ ଝିଅ ଆରାଧ୍ୟା ବଚ୍ଚନଙ୍କ ବିମାନବନ୍ଦର ଲୁକ୍ ଠାରୁ ଅଧିକ ଅଭିନେତ୍ରୀଙ୍କ କଥାବାର୍ତ୍ତା ସୋସିଆଲ ମିଡିଆରେ ଭାଇରାଲ ହେଉଛି । ତେବେ ଏହା ପ୍ରଥମ ଘଟଣା ନୁହେଁ ଯେ, ଐଶ୍ୱର୍ଯ୍ୟା ପ୍ରତିଥର ପରି ଏଥର ମଧ୍ୟ ତାଙ୍କ ମିଠା ମିଠା କଥାରେ ଲୋକଙ୍କ ହୃଦୟ ଜିତିନେଇଛନ୍ତି । ଏହି ଭାଇରାଲ୍ ଭିଡିଓରେ ଐଶ୍ୱର୍ଯ୍ୟା ରାୟ ଏବଂ ଆରାଧ୍ୟା ବଚ୍ଚନ ପାପାରାଜି ସାମ୍ନାରେ ଫଟୋ ପୋଜ୍ ଦେଉଥିବା ଦେଖିବାକୁ ମିଳିଛି ।