ହାଇଦ୍ରାବାଦ: ବିପାଶାଙ୍କ ଘରକୁ ଆସିବ କୁନି ଅତିଥି । ମା’ ହେବାକୁ ଯାଉଥିବା ବିପାଶା ଏବେ ନିଜ ଗର୍ଭଧାରଣ ବିଷୟରେ ଫ୍ୟାନ୍ସଙ୍କୁ ଅପଟେଡ ଦେଉଛନ୍ତି । ସୋସିଆଲ ମିଡିଆରେ ଫଟୋ ଭିଡିଓ ସେୟାର କରୁଛନ୍ତି । ନିକଟରେ ବିପାଶା ବସୁଙ୍କ ବେବି ସାୱାରର ଏକ କାର୍ଯ୍ୟକ୍ରମ ହୋଇଥିଲା, ଯେଉଁଥିରୁ ଅଭିନେତ୍ରୀ ଅନେକ ସୁନ୍ଦର ଫଟୋ ସେୟାର କରିଥିଲେ । ଏହି ସମୟରେ ବିପାଶା ତାଙ୍କ ବେବି ସାୱାରରୁ ଆଉ ଏକ ଫଟୋ ସେୟାର କରିଛନ୍ତି, ଯେଉଁଥିରେ ସେ ତାଙ୍କ ସାଙ୍ଗଙ୍କ ସହ ନଜର ଆସିଛନ୍ତି ।
ବିପାଶା ଏହି ଫଟୋକୁ ସୋସିଆଲ ମିଡିଆରେ ସେୟାର କରି ଲେଖିଛନ୍ତି, 'ବମ୍ପ ଟୁ ବମ୍ପ, ତୁମେମାନେ ବହୁତ ଭାଗ୍ୟବାନ, କାରଣ ତୁମର ସବୁଠାରୁ ଭଲ ପତ୍ନୀ ଅଛନ୍ତି ଏବଂ ଖୁବ୍ ଶୀଘ୍ର ତୁମକୁ ସୁନ୍ଦର ପିଲା ମଧ୍ୟ ମିଳିଯିବେ, ଆମ ପରିବାର ବଢୁଛି' ।
ଏହାପୂର୍ବରୁ ବିପାଶା ଜିଲାପି ଖାଇବାକୁ ଏତେ ପ୍ରଲୋଭିତ ହୋଇଥିଲେ ଯେ ସେ ଜିଲାପି ଖାଇବା ସମୟରେ ସୋସିଆଲ ମିଡିଆରେ ଏକ ଭିଡିଓ ସେୟାର କରିଥିଲେ, ଯାହାକୁ ପ୍ରଶଂସକମାନେ ବହୁତ ପସନ୍ଦ କରିଥିଲେ । ବିପାଶା ଏହି ଭିଡିଓକୁ ତାଙ୍କ ଇନଷ୍ଟାଷ୍ଟୋରୀରେ ସେୟାର କରିଛନ୍ତି । ଏହି ଭିଡିଓରେ ବିପାଶା ଜିଲାପିର ସ୍ୱାଦକୁ ବହୁତ ଆନନ୍ଦରେ ଉପଭୋଗ କରୁଛନ୍ତି ।