ହାଇଦ୍ରାବାଦ:ବିପାଶା ବସୁ ପୁଣି ଥରେ ପ୍ରଶଂସକଙ୍କ ପାଇଁ ତାଙ୍କ ବେବି ବମ୍ପର ସୁନ୍ଦର ଫଟୋ ସେୟାର କରିଛନ୍ତି । ଆଜିକାଲି ବିପାଶା ତାଙ୍କ ଗର୍ଭଧାରଣକୁ ଏନ୍ଜୟ କରୁଥିବାବେଳେ ପ୍ରଶଂସକଙ୍କୁ ମଧ୍ୟ ତାଙ୍କ ପ୍ରତିଟି ମୁହୂର୍ତ୍ତର ଖବର ସେୟାର କରୁଛନ୍ତି । ଏବେ ବିପାଶା ପୁଣି ଥରେ ଏହି ଫଟୋ ସହିତ ସୋସିଆଲ ମିଡିଆରେ ଚର୍ଚ୍ଚା ସାଉଁଟିଛନ୍ତି ।
ବିପାଶା ତାଙ୍କର କିଛି ଫଟୋ ନିଜ ଇନଷ୍ଟାଗ୍ରାମରେ ସେୟାର କରିଛନ୍ତି । ଫଟୋଗୁଡ଼ିକରେ (Bipasha Basu shares New Pics ) ବିପାଶା ହଳଦିଆ ରଙ୍ଗର ପୋଷାକରେ ନଜର ଆସିଛନ୍ତି। ଯେଉଁଥିରେ ସେ ବହୁତ ସୁନ୍ଦର ଦେଖାଯାଉଛନ୍ତି । ଏହି ଫଟୋ ପୋଷ୍ଟ କରି ବିପାଶା କ୍ୟାପସନ୍ ଲେଖିଛନ୍ତି, ନିଜକୁ ଭଲ ପାଅ । ଏହା ମଧ୍ୟ କୁହାଯାଇଛି ଯେ, ଫଟୋଗୁଡ଼ିକ ତାଙ୍କ ସ୍ବାମୀ କରଣ ସିଂ ଗ୍ରୋଭରଙ୍କ ଦ୍ୱାରା କ୍ଲିକ୍ କରାଯାଇଛି । ତେବେ ଆଉ ଦୁଇ ମାସ ପରେ ବିପାଶା ବସୁ ଗୁଡ ନ୍ୟୁଜ୍ ଦେଇପାରନ୍ତି ।
ଉଲ୍ଲେଖନୀୟ ଯେ, ବଲିଉଡର ସବୁଠାରୁ ଲୋକପ୍ରିୟ ଦମ୍ପତି ବିପାଶା ବସୁ ଏବଂ କରଣ ସିଂ ଗ୍ରୋଭର ଶୀଘ୍ର ପିତାମାତା ହେବାକୁ ଯାଉଛନ୍ତି। ଦୁହେଁ ଏପ୍ରିଲ 2016 ରେ ବିବାହ କରିଥିଲେ ଏବଂ 2022 ରେ ବେବି ପ୍ଲାନ କରିଥିଲେ। ଯାହା ପରେ ଅଭିନେତ୍ରୀ ପ୍ରାୟତଃ ବେବି ବମ୍ପ ସହିତ ନଜର ଆସିଥାନ୍ତି । ପ୍ରତିଦିନ ସେ ନିଜ ଫଟୋକୁ ସୋସିଆଲ ମିଡିଆରେ ପୋଷ୍ଟ କରିଥାନ୍ତି ।
ବିପାଶାଙ୍କ ପ୍ରଶଂସକମାନେ ଏହି ଫଟୋ ଗୁଡ଼ିକୁ ମଧ୍ୟ ବହୁତ ପସନ୍ଦ କରିଛନ୍ତି । ତାଙ୍କର ଅନେକ ପ୍ରଶଂସକ ହାର୍ଟ ଇମୋଜି ସହିତ ତାଙ୍କର ଏହି ଫଟୋଗୁଡ଼ିକ ଉପରେ ମଧ୍ୟ କମେଣ୍ଟ ଦେଉଛନ୍ତି । ନିକଟରେ ବିପାଶା ଏବଂ କରଣ ମୁମ୍ବାଇର ହିନ୍ଦୁଜା ହସ୍ପିଟାଲ ବାହାରେ ନଜର ଆସିଥିଲେ। ବିପାଶା ବସୁ ଚଳିତ ବର୍ଷ ଅଗଷ୍ଟରେ ତାଙ୍କ ଇନଷ୍ଟାଗ୍ରାମ ହ୍ୟାଣ୍ଡେଲରେ ଏକ ଫଟୋ ସେୟାର କରି ତାଙ୍କ ପ୍ରଶଂସକଙ୍କ ସହ ତାଙ୍କ ଗର୍ଭଧାରଣର ଖବର ସେୟାର କରିଥିଲେ।
ବିପାଶା ବସୁ ଏବଂ କରଣ ସିଂ ଗ୍ରୋଭର 2015 ଭୟଙ୍କର ଚଳଚ୍ଚିତ୍ର 'ଏଲୋନ' ସେଟରେ ଭେଟିଥିଲେ। ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି ଭୂଷଣ ପଟେଲ। ପ୍ରାୟ ଏକ ବର୍ଷ ଡେଟିଂ କରିବା ପରେ ଏହି ଦମ୍ପତି ଏପ୍ରିଲ୍ 2016 ରେ ବିହାବ କରିଥିଲେ ।
