ମୁମ୍ବାଇ: ହୋଟେଲ ରୁମ୍ରୁ ମିଳିଲା ମଡେଲଙ୍କ ମୃତଦେହ । ମୁମ୍ବାଇର ଅନ୍ଧେରୀ ଅଞ୍ଚଳରୁ ଜଣେ ମଡେଲଙ୍କ ଆତ୍ମହତ୍ୟା ଖବର ସାମ୍ନାକୁ ଆସିଛି । ଘଟଣାସ୍ଥଳରୁ ଏକ ସୁସାଇଡ୍ ନୋଟ ମଧ୍ୟ ଜବତ କରାଯାଇଛି । ପୋଲିସର ସୂଚନାନୁସାରେ, ମଡେଲଙ୍କ ମୃତଦେହ ହୋଟେଲ ରୁମର ଫ୍ୟାନରେ ଝୁଲୁଥିବା ଦେଖିବାକୁ ମିଳିଥିଲା । ପୋଲିସ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛି ।
ପୋଲିସ ସୂଚନା ଅନୁଯାୟୀ, 40 ବର୍ଷୀୟା ମଡେଲ ରାତି 8ଟା ସମୟରେ ହୋଟେଲରେ ଚେକ୍ ଇନ୍ କରିଥିଲେ । ଏହା ପରେ ସେ ଖାଦ୍ୟ ମଧ୍ୟ ଅର୍ଡର କଲେ । ହାଉସ୍କିପିଂ ଷ୍ଟାପ୍ ଖାଇବା ନେଇ ମଡେଲଙ୍କ ରୁମ୍ରେ ପହଞ୍ଚିବା ପରେ ଦେଖିଲେ କବାଟ ବନ୍ଦ ଥିଲା। ହାଉସ୍କିପିଂ ଷ୍ଟାପ୍ ବାରମ୍ବାର ଡାକିବା ସତ୍ତ୍ବେ କବାଟ ଖୋଲି ନଥିଲା ଏବଂ ଭିତରୁ କୌଣସି ଶବ୍ଦ ମଧ୍ୟ ଶୁଣିବାକୁ ମିଶୁନଥିଲା, ଏହା ପରେ ସେ ହୋଟେଲ ମ୍ୟାନେଜରଙ୍କୁ ଜଣାଇଥିଲେ। ହୋଟେଲ ମ୍ୟାନେଜର ସଙ୍ଗେ ସଙ୍ଗେ ପୋଲିସକୁ ସୂଚନା ଦେଇଥିଲେ, ଏହା ପରେ ପୋଲିସ ଘଟଣାସ୍ଥଳରେ ପହଞ୍ଚି କବାଟ ଖୋଲିବାକୁ ଚେଷ୍ଟା କରିଥିଲା।
ମାଷ୍ଟର ଚାବି ସହିତ କବାଟ ଖୋଲାଯାଇଥିଲା