ମୁମ୍ବାଇ:ମଲାଇକା ଆରୋରା ଏବଂ ଅର୍ଜୁନ କପୁର ବଲିଉଡର ଚର୍ଚ୍ଚିତ ପ୍ରେମପକ୍ଷୀ ଭାବେ ଜଣାଶୁଣା । ସେମାନେ ତାଙ୍କର ଶାନଦାର ବଣ୍ଡିଂ ସହିତ ପ୍ରଶଂସକଙ୍କ ହୃଦୟରେ ଏକ ସ୍ବତନ୍ତ୍ର ସ୍ଥାନ ସୃଷ୍ଟି କରିଛନ୍ତି । ଉଭୟଙ୍କ ବୟସରେ 11 ବର୍ଷର ବ୍ୟବଧାନ ଅଛି, କିନ୍ତୁ ଦୁହିଁଙ୍କ ହୃଦୟରେ କେତେ ଭଲପାଇବା ଅଛି, ଆମେ 5 ବର୍ଷ ହେଲା ଦେଖୁଛୁ । କିନ୍ତୁ ଏହା ପରେ ମଧ୍ୟ କିଛି ସମୟ ପାଇଁ ମଲାଇକା ଆରୋରା ଏବଂ ଅର୍ଜୁନ କପୁରଙ୍କ ମଧ୍ୟରେ ବ୍ରେକଅପ୍ ଗୁଜବ ସାମ୍ନାକୁ ଆସିଥିଲା । ନିକଟରେ ମଲାଇକା ଆରୋରା ଅର୍ଜୁନ କପୁରଙ୍କ ଭଉଣୀ ଅନସୁଲା କପୁର, ଜାହ୍ନବୀ କପୁର ଏବଂ ଖୁସି କପୁରଙ୍କୁ ଇନଷ୍ଟାଗ୍ରାମରେ ଅନ୍ଫଲୋ କରିଥିଲେ । ଏସବୁ ମଧ୍ୟରେ ଏକ ନୂଆ ଭିଡିଓ ସାମ୍ନାକୁ ଆସିଛି ଯାହା ସମସ୍ତ ଗୁଜବ ଉପରେ ପ୍ରଶ୍ନ ଚିହ୍ନ ଲଗାଇଛି ।
ନିକଟରେ ବିରଲ ଭୟାନି ତାଙ୍କ ଇନଷ୍ଟାଗ୍ରାମରେ ଏକ ଭିଡିଓ ସେୟାର କରିଛନ୍ତି । ଏହି ଭିଡିଓରେ ମଲାଇକା ଆରୋରା ଏବଂ ଅର୍ଜୁନ କପୁରଙ୍କୁ ଏକାଠି ଦେଖିବାକୁ ମିଳିଛି । ବର୍ତ୍ତମାନ ଏହି ଭିଡିଓ ସମସ୍ତ ଗୁଜବ ଉପରେ ପୂର୍ଣ୍ଣଚ୍ଛେଦ ଲଗାଇଛି । ଭିଡିଓରେ ଉଭୟର ଶାନଦାର ଟ୍ୟୁନିଂ ମଧ୍ୟ ଦୃଶ୍ୟମାନ ହେଉଛି । ଏଥିରେ ମଲାଇକା ଏବଂ ଅର୍ଜୁନ କଳା ଚଷମା ପିନ୍ଧିଛନ୍ତି । ମଲାଇକା ଧଳା ପୋଷାକରେ ଥିବାବେଳେ ଅନ୍ୟ ପଟେ ଅର୍ଜୁନ କାଜୁଆଲ୍ ପୋଷାକରେ ନଜର ଆସିଛନ୍ତି । ମୁମ୍ବାଇର ବର୍ଷାରେ ମଲାଇକା ଏବଂ ଅର୍ଜୁନଙ୍କୁ ଏକାଠି ଦେଖି ଫ୍ୟାନ୍ସ ମଧ୍ୟ ଖୁସି ହୋଇଯାଇଛନ୍ତି ।