ମୁମ୍ବାଇ:ଜନ୍ମବାର୍ଷିକୀରେ ବାପାଙ୍କୁ ଶ୍ରଦ୍ଧାଞ୍ଜଳି ଦେଇ ଟିଜର ରିଲିଜ କଲେ ସାଉଥ ସୁପରଷ୍ଟାର ମହେଶ ବାବୁ । ଆଗାମୀ ଚଳଚ୍ଚିତ୍ର 'ଗୁଣ୍ଟୁର କରମ'ର ଟିଜର ରିଲିଜ କରିଛନ୍ତି । ତାଙ୍କ ପିତା କୃଷ୍ଣଙ୍କ 80 ତମ ଜନ୍ମବାର୍ଷିକୀରେ ଏହାର ଟାଇଟେଲ ଏବଂ ଟିଜର ରିଲିଜ କରିଛନ୍ତି । ମହେଶ ବାବୁ ତାଙ୍କ ଟ୍ୱିଟର ହ୍ୟାଣ୍ଡେଲରେ ଏକ ପୋଷ୍ଟର ସେୟାର କରି ଏହାର କ୍ୟାପସନରେ ଲେଖିଛନ୍ତି, 'ଆଜି ଆହୁରି ସ୍ୱତନ୍ତ୍ର ଦିନ ଅଟେ! ଏହା ତୁମ ପାଇଁ ନାନ୍ନା । ଟିଜର ସେୟାର କରି ସେ ଲେଖିଛନ୍ତି, 'ଅତ୍ୟଧିକ ଜ୍ୱଳନ୍ତଶୀଳ #Gunturkaaram
ଏକ ବାଡି ଧରି ନଜର ଆସିଲେ ମହେଶ ବାବୁ: ଚଳଚ୍ଚିତ୍ର ନିର୍ମାତାଙ୍କର ଏହି ପ୍ରୋଜେକ୍ଟକୁ ଏକ ସ୍ୱତନ୍ତ୍ର ନାମ SSMB29 ଦିଆଯାଇଥିଲା । ତେବେ ଏହାରି ଭିତରେ ଦର୍ଶକଙ୍କ ପାଇଁ ଏହି ଚଳଚ୍ଚିତ୍ରର ଟାଇଟଲ୍ ମଧ୍ୟ ରିଲିଜ୍ ହୋଇଛି । ଏହି ଚଳଚ୍ଚିତ୍ରଟି ଜାନୁଆରୀ 13, 2024ରେ ପ୍ରେକ୍ଷାଳୟକୁ ଆସିବ । ଟିଜରରେ ମହେଶ ବାବୁଙ୍କ ହାତରେ ବାଡ଼ି ଧରି କାର୍ଯ୍ୟ କରୁଥିବା ନଜର ଆସିଛନ୍ତି । ଟିଜର ଦର୍ଶକଙ୍କୁ ବେଶ ପସନ୍ଦ ଆସିଛି ।
ଟିଜର ଶେଷରେ କିମ୍ବଦନ୍ତୀ ଅଭିନେତା କ୍ରିଷ୍ଣାଙ୍କୁ ଶ୍ରଦ୍ଧାଞ୍ଜଳି: ଘାଟମେନେ କ୍ରିଷ୍ଣା ଜଣେ ଭେଟେରାନ ଅଭିନେତା ଥିଲେ । ଯିଏକି ଶିବ ରାମ କୃଷ୍ଣମୂର୍ତ୍ତି ଭାବରେ ଜଣାଶୁଣା ଥିଲେ। ସେ ତାଙ୍କ କ୍ୟାରିୟରରେ ପ୍ରାୟ 350 ଚଳଚ୍ଚିତ୍ର କରିଛନ୍ତି, ଜଣେ ଅଭିନେତା ବ୍ୟତୀତ ସେ ଜଣେ ଫିଲ୍ମ ନିର୍ମାତା ଏବଂ ନିର୍ଦ୍ଦେଶକ ମଧ୍ୟ ଥିଲେ । 2009ରେ ତାଙ୍କୁ ଭାରତ ସରକାର ପଦ୍ମ ଭୂଷଣ ପୁରସ୍କାର ପ୍ରଦାନ କରିଥିଲେ । ତେବେ ସ୍ୱାସ୍ଥ୍ୟ ସମସ୍ୟା ହେତୁ ସେ 15 ନଭେମ୍ବର 2022ରେ ହାଇଦ୍ରାବାଦରେ ଶେଷ ନିଶ୍ବାସ ତ୍ୟାଗ କରିଥିଲେ।