ହାଇଦ୍ରାବାଦ: ମହାଦେବ ବେଟିଂ ଆପ୍ ମାମଲାରେ ଜଣେ ପରେ ଜଣେ ସେଲିବ୍ରିଟିଙ୍କୁ ସମନ୍ କରୁଛି ପ୍ରବର୍ତ୍ତନ ନିର୍ଦ୍ଦେଶାଳୟ ବା ଇଡି । ବର୍ତ୍ତମାନ ଏହି ମାମଲାରେ ଆଉ କିଛି ତାରକାଙ୍କ ନାମ ସାମ୍ନାକୁ ଆସିଛି । ପ୍ରଥମେ ଇଡି ବଲିଉଡ୍ ଅଭିନେତା ରଣବୀର କପୁରଙ୍କ ସମନ୍ ଜାରି କରିଥିଲା । ବର୍ତ୍ତମାନ କପିଲ ଶର୍ମା, ହୁମା କୁରେସୀ ଓ ହିନା ଖାନ୍, ଶ୍ରଦ୍ଧା କପୁରଙ୍କୁ ବି ଇଡିରେ ହାଜର ହେବାକୁ ସମନ କରାଯାଇଥିବା ସୂଚନା ମିଳିଛି ।
ଅକ୍ଟୋବର 4ରେ ରଣବୀର କପୁରଙ୍କୁ ସମନ୍ ଜାରି କରାଯାଇଥିବା ଖବର ପ୍ରକାଶ ପାଇଥିଲା । ବର୍ତ୍ତମାନ ସୂଚନା ମିଳିଛି ଯେ ଇଡି କପିଲ ଶର୍ମା, ହୁମା କୁରେସୀ, ଶ୍ରଦ୍ଧା କପୁର ଏବଂ ହିନା ଖାନଙ୍କୁ ଡକାଇଛନ୍ତି । ଏହା ପୂର୍ବରୁ ସନ୍ନି ଲିଓନୀ, କୃଷ୍ଣା ଅଭିଷେକ, ପୁଲକିତ ସମ୍ରାଟଙ୍କ ସମେତ 14 ତାରକା ଇଡି ସ୍କାନରରେ ରହିଛନ୍ତି । ଏହି ସମସ୍ତ ତାରକା ମହାଦେବ ବେଟିଂ ଆପ୍ ମାମଲାରେ ଅଭିଯୁକ୍ତ ସୌରଭ ଚନ୍ଦ୍ରକରଙ୍କ ବିବାହରେ ଯୋଗ ଦେଇଥିଲେ । ତେବେ କପିଲ, ହୁମା, ଶ୍ରଦ୍ଧା ଏବଂ ହିନାଙ୍କ ନାମ ସେହି 14 ତାରକାଙ୍କ ମଧ୍ୟରେ ନଥିଲା । କିନ୍ତୁ ବର୍ତ୍ତମାନ ଏହି ଚାରିଜଣଙ୍କୁ ମଧ୍ୟ ଡକାଇଛି ପ୍ରବର୍ତ୍ତନ ନିର୍ଦ୍ଦେଶାଳୟ ।
ଦୁଇ ସପ୍ତାହ ସମୟ ମାଗିଛନ୍ତି ରଣବୀର