ଚେନ୍ନାଇ:ସାଉଥ ସୁପରଷ୍ଟାର ଥାଲାପତି ବିଜୟଙ୍କ ବହୁ ପ୍ରତିକ୍ଷୀତ ଫିଲ୍ମ 'ଲିଓ' ଶେଷରେ ଆଜି ପ୍ରେକ୍ଷାଳୟରେ ମୁକ୍ତିଲାଭ କରିଛି। ବିଜୟଙ୍କ ଚଳଚ୍ଚିତ୍ର ଥିଏଟରରେ ରିଲିଜ ହେବା ନେଇ ଫ୍ୟାନ୍ସ ଧୁମଧାମରେ ସେଲିବ୍ରେସନ କରିଛନ୍ତି । ଫ୍ୟାନ୍ସଙ୍କ ସେଲିବ୍ରେସନର ଅନେକ ଭିଡିଓ ଏବଂ ଫଟୋ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି, ଯେଉଁଥିରେ ଥାଲାପତି ବିଜୟଙ୍କ ଫ୍ୟାନ୍ସମାନେ ବାଜା ବଜାଇ ନାଚୁଥିବା ନଜର ଆସିଛନ୍ତି ।
ସାଉଥ୍ରେ ଥାଲାପତି ବିଜୟଙଙ୍କ ଫିଲ୍ମ ଲିଓକୁ ନେଇ ଭିନ୍ନ କ୍ରେଜ ଦେଖିବାକୁ ମିଳିଛି । ଥିରୁବନନ୍ତପୁରମରେ ଶ୍ରୀ ପଦ୍ମନାଭ ଥିଏଟରରୁ ଆସିଥିବା ଏକ ଭିଡିଓରେ ଥିଏଟର ବାହାରେ ଲିଓଙ୍କ ମୁକ୍ତିଲାଭ ଉତ୍ସବ ପାଳନ କରୁଥିବା ଦେଖିବାକୁ ମିଳିଛି । ଏଥିସହ ଫିଲ୍ମ ଦେଖିବା ପରେ ଅନେକ ଲୋକ ସୋସିଆଲ ମିଡିଆ ଏକ୍ସରେ ପୋଷ୍ଟ କରି ଫିଲ୍ମକୁ ଏକ 'ବ୍ଲକବଷ୍ଟର' ଫିଲ୍ମ ବୋଲି କହିଛନ୍ତି । ଜଣେ ଫ୍ୟାନ୍ସ ଲେଖିଛନ୍ତି, ବିଜୟଙ୍କ ଏହି ଫିଲ୍ମ ପୁରା ହାଉସଫୁଲ । ଦେଖନ୍ତୁ ଲିଓ ଫିଲ୍ମ ଫୁଲଅଫ୍ ଏଣ୍ଟରଟେନମେଣ୍ଟ । ଏହା ଏକ ସରପ୍ରାଇଜ ମୁଭି । ଗୀତ ସହ ଫିଲ୍ମଟି ବହୁତ ସୁନ୍ଦର ହୋଇଛି । ଅନ୍ୟ ଜଣେ ଲେଖିଛନ୍ତି, ଲିଓର ଗୀତ ବହୁତ ଦମଦାର ରହିଛି । ସମସ୍ତେ ଥିଏଟର ଯାଇ ପ୍ରେକ୍ଷାଳୟକୁ ଯାଆନ୍ତୁ । ଏହା ଗୋଟିଏ ମୁଭି ନୁହେଁ ବରଂ ଏକ ସେଲିବ୍ରେସନ ଭଳି ମାହୋଲ ସୃଷ୍ଟି ।
କିନ୍ତୁ ସେପଟେ ଟ୍ରେଡ୍ ଆନାଲିଷ୍ଟ ମନୋବାଲା ବିଜୟବାଲାନ୍ ଲିଓକୁ ନେଇ ୨ ଷ୍ଟାର ଦେଇ ପ୍ରତିକ୍ରିୟାରେ କହିଛନ୍ତି, "ଲିଓ ଆଜି ପର୍ଯ୍ୟନ୍ତର ବିଜୟଙ୍କ 'ଦୁର୍ବଳ ଚଳଚ୍ଚିତ୍ର'। ସେ ସିଂହ ହେବାକୁ ଚେଷ୍ଟା କରିଥିଲେ ମଧ୍ୟ ବିଲେଇ ଭାବରେ ଶେଷ କରିଛନ୍ତି । ଜୋସେଫ୍ ବିଜୟ ଏବଂ କାଷ୍ଟଙ୍କ ଦ୍ବାରା ପ୍ରୟାସ ସତ୍ତ୍ବେ ଫିଲ୍ମର ଫଳାଫଳ ନିରାଶଜନକ ଅଟେ୍ । ଚଳଚ୍ଚିତ୍ରଟି ଆଜି ପର୍ଯ୍ୟନ୍ତ ଲୋକେଶଙ୍କର ସବୁଠାରୁ ଦୁର୍ବଳ ସ୍କ୍ରିପ୍ଟ ଏବଂ ବିକ୍ରମ କିମ୍ବା କୈଥୀ ସହ କୌଣସି ତୁଳନାତ୍ମକ ନୁହେଁ । ସେପଟେ ଟ୍ରେଡ୍ ଆନାଲିଷ୍ଟ ତରଣ ଆଦର୍ଶ ଫିଲ୍ମକୁ 'ବ୍ଲକବଷ୍ଟର' କହିଛନ୍ତି ।
ଏହା ମଧ୍ୟ ପଢନ୍ତୁ:'ଲିଓ' ରିଲିଜ ପୂର୍ବରୁ ରାମେଶ୍ବରମଙ୍କ ଶରଣରେ ଲୋକେଶ କନଗରାଜ
ଲିଓ ସେଭେନ୍ ସ୍କ୍ରିନ୍ ଷ୍ଟୁଡିଓର ଏସ୍ ଲଲିତ କୁମାର ଏବଂ ଜଗଦୀଶ ପଲାନିସ୍ୱାମୀଙ୍କ ଦ୍ୱାରା ନିର୍ମିତ । ଲୋକେଶ କାନଗରାଜ ଫିଲ୍ମର ନିର୍ଦ୍ଦେଶନା ଦେଇଥିବା ବେଳେ ମାଷ୍ଟର ପରେ ଲିଓ ବିଜୟଙ୍କ ସହ ଲୋକେଶଙ୍କ ଏହା ଦ୍ୱିତୀୟ ଚଳଚ୍ଚିତ୍ର । ଏହି ଚଳଚ୍ଚିତ୍ରର ସଙ୍ଗୀତ ନିର୍ଦ୍ଦେଶକ ହେଉଛନ୍ତି ଅନିରୁଦ୍ଧ ରବିଚାନ୍ଦ । ଥାଲାପତି ବିଜୟଙ୍କ ସହ ଏହି ଚଳଚ୍ଚିତ୍ରରେ ତ୍ରିଶା କୃଷ୍ଣନ୍, ସଞ୍ଜୟ ଦତ୍ତ, ଅର୍ଜୁନ ସରଜା, ଗୌତମ ଭାସୁଦେବ ମେନନ୍, ମିସ୍କିନ୍, ମାଥ୍ୟୁ ଥୋମାସ୍, ପ୍ରିୟା ଆନନ୍ଦ ଏବଂ ଅନ୍ୟାନ୍ୟ କଳାକାର ନଜର ଆସିବେ । 15 ବର୍ଷ ପରେ ପରଦାରେ ବିଜୟ ଏବଂ ତ୍ରିଶାଙ୍କୁ ଏକାଠି ଦେଖିବାକୁ ମିଳିଛି ।
