ହାଇଦ୍ରାବାଦ: ହିନ୍ଦୀ ସିନେମାର ଜଣେ ସଫଳ ନିର୍ଦ୍ଦେଶକ କରଣ ଜୋହରଙ୍କୁ ବଲିଉଡର 'ଜ୍ୟାକ୍ ଅଫ୍ ଅଲ୍' ମଧ୍ୟ କୁହାଯାଏ । କରଣ କେବଳ ତାଙ୍କ ଚଳଚ୍ଚିତ୍ର ପାଇଁ ବଲିଉଡରେ ପ୍ରସିଦ୍ଧ ନୁହଁନ୍ତି ବରଂ ତାଙ୍କ ଡ୍ରେସିଂ ଷ୍ଟାଇଲ, ଆଙ୍କରିଂ ଏବଂ କମନ ସେନ୍ସ ପାଇଁ ମଧ୍ୟ ପ୍ରସିଦ୍ଧ । ବଡ ତାରକା ବି କରଣଙ୍କ କଥା କହିବା ପୂର୍ବରୁ ଭାବନ୍ତି । ଏଥିସହିତ କରଣ ଜୋହର ତାଙ୍କ ସେଲିବ୍ରେଟ ଟକ ସୋ 'କଫି ଓ୍ବିଥ୍ କରଣ'ରେ ଅନେକ ସେଲିବ୍ରିଟିଙ୍କୁ ନାକେଦମ କରିସାରିଛନ୍ତି । ଏବେ କରଣର ଏହି ଲୋକପ୍ରିୟ ସୋ ବିଷୟରେ ଏକ ଖବର ସାମ୍ନାକୁ ଆସୁଛି । କରଣ ଜୋହର ସୋସିଆଲ ମିଡିଆ ପୋଷ୍ଟ ମାଧ୍ୟମରେ ତାଙ୍କ ପ୍ରଶଂସକଙ୍କୁ ନିରାଶ କରାଇଛନ୍ତି ।
କରଣ ଜୋହର ସୋସିଆଲ ମିଡିଆରେ ଖୋଲାଖୋଲି ଭାବେ ଘୋଷଣା କରିଛନ୍ତି ଯେ ଏହି ସୋ’ର ପରବର୍ତ୍ତୀ ସିଜନ ଏବେ ଆଉ ଆସିବ ନାହିଁ। ଏହା ପୂର୍ବରୁ ଏକ ଖବର ଥିଲା ଯେ ସୋ’ର ସପ୍ତମ ସିଜନ୍ ଖୁବ୍ ଶୀଘ୍ର ଦର୍ଶକମାନେ ଦେଖିବେ । ନିଜ ଇନଷ୍ଟାଗ୍ରାମ ଆକାଉଣ୍ଟରେ ଏକ ବୟାନ ଜାରି କରି କରଣ ଜୋହର ଲେଖିଛନ୍ତି, 'ହେଲୋ, କଫି ଓ୍ବିଥଂ କରଣ ଗତ 6ଟି ସିଜନରୁ ଆପଣଙ୍କର ଏବଂ ମୋ ଜୀବନର ଏକ ଅଂଶ ଅଟେ । ମୋତେ ଲାଗୁଛି ଯେ ମୁଁ ପପ୍ ସଂସ୍କୃତି ଇତିହାସରେ ନିଜ ପାଇଁ ଏକ ଛୋଟ ସ୍ଥାନ ଖୋଦେଇ କରିଛି । ମୁଁ ଆପଣଙ୍କୁ ହୃଦୟରେ କହୁଛି ଯେ, ବର୍ତ୍ତମାନ କଫି ୱିଥ୍ କରଣର ନୂଆ ସିଜନ ଆସୁନାହିଁ ।