ହାଇଦ୍ରାବାଦ:ଭାରତୀୟ ସିନେମାର ପ୍ରସିଦ୍ଧ ଗାୟକ କୃଷ୍ଣକୁମାର କୁନ୍ନଥ (କେ.କେ) ମଙ୍ଗଳବାର ରାତିରେ କୋଲକାତାର ଏକ କନସର୍ଟରେ ଅସୁସ୍ଥ ହୋଇ ପ୍ରାଣ ହରାଇଛନ୍ତି । ସେ କେ.କେ ନାମରେ ଲୋକପ୍ରିୟ ଥିଲେ । 53 ବର୍ଷ ବୟସରେ ମଧ୍ୟ ସେ ପ୍ରଶଂସକଙ୍କ ମଧ୍ୟରେ ବେଶ୍ ଉତ୍ସାହର ସହିତ ଏକ ଗୀତ ଗାଉଥିଲେ । ହଠାତ୍ ଅସୁସ୍ଥ ଅନୁଭବ କରି ସେ ମଞ୍ଚରୁ ଦୌଡ଼ି ପଳାଇଥିଲେ । କେ.କେଙ୍କ ମୃତ୍ୟୁ ପୂର୍ବରୁ ସେହି ଭିଡିଓ ଦେଖିବା ଯେଉଁଥିରେ ଗାୟକଙ୍କ ଅବସ୍ଥା ସ୍ପଷ୍ଟ ଭାବେ ବାରି ହେଉଛି ।
ଭାଇରାଲ୍ ଭିଡିଓରେ ଦେଖିପାରିବେ ଗାୟକ କେ.କେ କନସର୍ଟରେ ଅସୁସ୍ଥ ଅନୁଭବ କରିଥିଲେ । କୋଲ୍କାତାର ‘ନଜ୍ରୁଲ୍ ମଞ୍ଚ ଅଡିଟରିୟମ୍’ରେ କନ୍ସର୍ଟ ଶେଷ ହେବା ପରେ ରାତ୍ରୀଯାପନ କରୁଥିବା ହୋଟେଲ୍ରେ ହିଁ ୫୩ ବର୍ଷିୟ କୃଷ୍ଣକୁମାର କୁନ୍ନଥ ଓରଫ କେକେ ପଡ଼ିଯାଇ ଚେତା ହରାଇଥିଲେ । ମୃତାବସ୍ଥାରେ ଗାୟକ କେକେଙ୍କୁ ଡାକ୍ତରଖାନା ଅଣାଯାଇଥିବା କଥା ସିଏମ୍ଆରଆଇ ହସ୍ପିଟାଲ୍ର ଡାକ୍ତର କହିଛନ୍ତି । ମୃତ୍ୟୁର ପ୍ରାୟ ୧୦ ଘଣ୍ଟା ପୂର୍ବରୁ କୋଲ୍କାତାରେ ଆୟୋଜିତ ‘ମ୍ୟୁଜିକାଲ୍ କନ୍ସର୍ଟ’ର ଭିଜୁଆଲ୍ ତାଙ୍କ ଅଫିସିଆଲ୍ ‘ଇନ୍ଷ୍ଟାଗ୍ରାମ୍ ପେଜ୍’ରେ ପୋଷ୍ଟ୍ କରାଯାଇଛି।
ଏହା ବି ପଢନ୍ତୁ: Singer KK Passes Away: ମୃତ୍ୟୁ ପୂର୍ବରୁ ଶେଷ କନସର୍ଟର କିଛି ଝଲକ