ହାଇଦ୍ରାବାଦ:କନ୍ନଡ ସୁପରଷ୍ଟାର ତଥା କେଜିଏଫ ଷ୍ଟାରର ୟସ ତାଙ୍କ KGF ଫିଲ୍ମର ସଫଳତା ପରେ ବେଶ ଲୋକପ୍ରିୟତା ହାସଲ କରିଛନ୍ତି । କେଜିଏଫ୍ ଫିଲ୍ମରେ ତାଙ୍କ ଦମଦାର ଅଭିନୟ ପାଇଁ ସେ ଫ୍ୟାନ୍ସଙ୍କଠାରୁ ଆରମ୍ଭ କରି କ୍ରିଟିକ୍ସଙ୍କ ପର୍ଯ୍ୟନ୍ତ ସବୁଠି ପ୍ରଶଂସା ସାଉଁଟିଛନ୍ତି । କେବଳ ଦେଶ ନୁହେଁ ବିଦେଶରେ ମଧ୍ୟ ‘ରକି ଭାଇଙ୍କ’ ଦବଦବା ରହିଥିଲା । ତେବେ ଏହାରି ମଧ୍ୟରେ ୟସ ବଲିଉଡରେ ଡେବ୍ୟୁ କରିବା ନେଇ କଥା ସୋସିଆଲ ମିଡିଆରେ ଟ୍ରେଣ୍ତ୍ କରୁଛି । ୟସ୍ ଅଫିସିଆଲି ବଲିଉଡ୍ ନିର୍ଦ୍ଦେଶକ ନୀତିଶ ତିୱାରୀଙ୍କୁ ସାଇନ କରିଥିବା ଖବର ସାମ୍ନକୁ ଆସିଛି । ନୀତିଶ ତୱାରୀଙ୍କ ମୋଷ୍ଟ ଆୱେଟେଡ ଫିଲ୍ମ ରାମୟଣରେ ନଜର ଆସିବା ପାଇଁ KGF ଷ୍ଟାର ‘ରକି ଭାଇ’ 100 କୋଟି ଟଙ୍କା ଡିମାଣ୍ତ କରିଥିବା ସୂଚନା ମିଳିଛି ।
ଇଣ୍ତଷ୍ଟ୍ରି ବଜ୍ ରିପୋର୍ଟ ଅନୁଯାୟୀ, ନୀତିଶ ତିୱାରୀ ନିଜ ଫିଲ୍ମ ରାମୟଣରେ ଆଇକନିକ୍ କ୍ୟାରେକ୍ଟର ପ୍ରଭୁ ଶ୍ରୀରାମଙ୍କ ପାଇଁ ରଣବୀର କପୁରଙ୍କୁ ପସନ୍ଦ କରିଛନ୍ତି । ଏହାସହ ମାତା ସୀତାଙ୍କ ପାଇଁ ସାଇ ପଲ୍ଲବୀ, ତିୱାରୀଙ୍କ ପସନ୍ଦ ରହିଛନ୍ତି । ତେବେ ୟସ ରାମୟଣରେ ରାବଣର ରୋଲରେ ନଜର ଆସିବା ନେଇ କଳ୍ପନାଜଳ୍ପନା ଜାରି ରହିଛି । ଏହି ମୁଭି 2024 ଫେବୃଅରୀରେ ରିଲିଜ ହେବା ନେଇ ପ୍ଲାନ୍ କରିଛନ୍ତି ନିର୍ଦ୍ଦେଶକ ।