ମୁମ୍ବାଇ: ବି ଟାଉନର ଚର୍ଚ୍ଚିତ ଦମ୍ପତି କ୍ୟାଟ୍ରିନା କୈଫ ଏବଂ ଭିକି କୌଶଲ ଡିସେମ୍ବର 2021ରେ ବିବାହ ବନ୍ଧନରେ ଆବଦ୍ଧ ହୋଇଥିଲେ । ଉଭୟ ନିଜ ବିବାହକୁ ଅତ୍ୟନ୍ତ ବ୍ୟକ୍ତିଗତ ରଖିଥିଲେ ଏବଂ କେବଳ ଘନିଷ୍ଠ ବ୍ୟକ୍ତିମାନେ ଏଥିରେ ଯୋଗ ଦେଇଥିଲେ । ବିବାହ ପରେ ଉଭୟେ ପ୍ରାୟତଃ ଏକାଠି ନଜର ଆସନ୍ତି । ବର୍ତ୍ତମାନ ଉଭୟ ପ୍ରଥମ ଥର ପାଇଁ ଏକାଠି ସ୍କ୍ରିନ୍ ସେୟାର କରୁଥିବା ଦେଖିବାକୁ ମିଳିଛି, ଯାହାର ଫଟୋ ସୋସିଆଲ ମିଡିଆରେ ଭାଇରାଲ ହେଉଛି ।
ପ୍ରଥମ ଥର ଏକାଠି ସ୍କ୍ରିନ୍ ସେୟାର କରିବେ ଭିକି-କ୍ୟାଟ
କ୍ୟାଟ୍ରିନା କୈଫ ଏବଂ ଭିକି କୌଶଲ ପ୍ରଥମ ଥର ପାଇଁ ଏକାଠି ସ୍କ୍ରିନ୍ ସେୟାର କରୁଥିବା ଦେଖିବାକୁ ମିଳିଛି, ଯାହାର ଫଟୋ ସୋସିଆଲ ମିଡିଆରେ ଭାଇରାଲ ହେଉଛି । ଅଧିକ ପଢନ୍ତୁ
ପ୍ରଥମ ଥର ଏକାଠି ସ୍କ୍ରିନ୍ ସେୟାର କରିବେ କ୍ୟାଟ୍ରିନା-ବିକି, ଫଟୋ ଭାଇରାଲ
କ୍ୟାଟ୍ରିନା କୈଫ ଏବଂ ଭିକି କୌଶଲଙ୍କ ବିବାହ ପର ଠାରୁ ପ୍ରଶଂସକମାନେ ସେମାନଙ୍କୁ ପରଦାରେ ଏକାଠି ଦେଖିବାକୁ ଚାହୁଁଥିଲେ । ବର୍ତ୍ତମାନ ଦୁହେଁ ଏକ ପ୍ରୋଜେକ୍ଟ ପାଇଁ ଏକାଠି ହୋଇଛନ୍ତି, ଯାହାକୁ ଦେଖି ପ୍ରଶଂସକମାନେ ବହୁତ ଉତ୍ସାହିତ ହୋଇଯାଇଛନ୍ତି । ଯଦିଓ ଏହା ଏକ ଚଳଚ୍ଚିତ୍ର ପାଇଁ ନୁହେଁ । କ୍ୟାଟ୍ରିନା ଏବଂ ବିକି ଏକ ବିଜ୍ଞାପନରେ ଏକାଠି ନଜର ଆସିବେ । ଉଭୟଙ୍କ ଫଟୋସୁଟରୁ ଫଟୋ ସୋସିଆଲ ମିଡିଆରେ ଭାଇରାଲ ହୋଇଛି, ଯେଉଁଥିରେ ସେମାନେ ବିଭିନ୍ନ ଅନ୍ଦାଜରେ ପୋଜ୍ ଦେଇଥିବା ଦେଖାଯାଇଛି ।
ନିକଟରେ କ୍ୟାଟ୍ରିନା କୈଫ ଏବଂ ଭିକି କୌଶଲ କରଣ ଜୋହରଙ୍କ ସୋ' କଫି ୱିଥ୍ କରଣ 7ରେ ଅଲଗା ଅଲଗା ଏପିସୋଡରେ ପହଞ୍ଚିଥିଲେ । ସୋ’ରେ ଉଭୟ ନିଜ ସମ୍ପର୍କ ବିଷୟରେ ମଧ୍ୟ ଆଲୋଚନା କରିଥିଲେ । ଅନ୍ୟପକ୍ଷରେ, ଯଦି ଆମେ କ୍ୟାଟ୍ରିନା କୈଫଙ୍କ କାମ ବିଷୟରେ କହିବା ତ, ତେବେ ତାଙ୍କ ଫିଲ୍ମ 'ଫୋନ୍ ଭୁତ୍' ଖୁବ୍ ଶୀଘ୍ର ରିଲିଜ୍ ହେବାକୁ ଯାଉଛି । ଏହି ଚଳଚ୍ଚିତ୍ରରେ ସିଦ୍ଧାର୍ଥ ଚାତୁର୍ବେଦୀ ଏବଂ ଇଶାନ ଖଟ୍ଟରଙ୍କ ସହ କ୍ୟାଟ୍ରିନାଙ୍କୁ ଦେଖିବାକୁ ମିଳିବ । ଏହି ସମୟରେ ବିକି କୌଶଲଙ୍କୁ କିଆରା ଆଡଭାନୀ ଏବଂ ଭୂମି ପେଡନେକରଙ୍କ ସହ ଶଶାଙ୍କ ଖୈତାନଙ୍କ 'ଗୋବିନ୍ଦା ମେରା ନାମ'ରେ ଦେଖିବାକୁ ମିଳିବ।