ମୁମ୍ବାଇ:ବଲିଉଡ ଅଭିନେତା କାର୍ତ୍ତିକ ଆର୍ଯ୍ୟନଙ୍କ ଫିଲ୍ମ ଭୁଲ୍ ଭୁଲେୟାଁ 2 ଗତ ମାସରେ ମେ 20ରେ ପ୍ରେକ୍ଷାଳୟରେ ରିଲିଜ ହୋଇଥିଲା । ଗୋଟିଏ ମାସ ପରେ ମଧ୍ୟ ଫିଲ୍ମଟି ବକ୍ସ ଅଫିସରେ କମାଲ ଦେଖାଇ ଚାଲିଛି । ଇତି ମଧ୍ୟରେ କାର୍ତ୍ତିକ ଆର୍ଯ୍ୟନ୍ ଫିଲ୍ମର ଓ୍ବାର୍ଲ୍ଡ ଓ୍ବାଇଡ୍ କଲେକ୍ସନକୁ ନେଇ ସୂଚନା ସେୟାର କରିଛନ୍ତି ।
କାର୍ତ୍ତିକ ଆର୍ଯ୍ୟନ୍ ସୋସିଆଲ ମିଡିଆ ମାଧ୍ୟମରେ ଫିଲ୍ମର ଓ୍ବାର୍ଲ୍ଡ ଓ୍ବାଇଡ୍ କଲେକ୍ସନ ସହ ଜଡିତ ଏକ ପୋଷ୍ଟର ସେୟାର କରିଛନ୍ତି । ଏହି ଅନୁଯାୟୀ, ଫିଲ୍ମଟି ବର୍ତ୍ତମାନ ସୁଦ୍ଧା 230.75 କୋଟି ଟଙ୍କା ରୋଜଗାର କରିଛି । ଏହି ପୋଷ୍ଟର ସେୟାର କରି ଅଭିନେତା ତାଙ୍କ ପ୍ରଶଂସକଙ୍କୁ କୃତଜ୍ଞତା ଜଣାଇଛନ୍ତି ଏବଂ ଲେଖିଛନ୍ତି- "ଭୁଲ୍ ଭୁଲେୟାଁ 2 ଏବେ ବି ଆପଣଙ୍କ ନିକଟସ୍ଥ ପ୍ରେକ୍ଷାଳୟରେ ଲାଗିଛି, ଏବଂ ଯଦି ଦୂରରେ ବି ଅଛି, ତାହାଲେ ବି ନିଶ୍ଚୟ ଯାଆନ୍ତୁ ।"