ହାଇଦ୍ରାବାଦ:ଚର୍ଚ୍ଚାରେ ବଲିଉଡ୍ର ଚକୋଲେଟ୍ ବୟ କାର୍ତ୍ତିକ ଆର୍ଯ୍ୟନ୍ । ରିଲ୍ ନୁହେଁ, ରିୟଲ ଲାଇଫ୍ରେ ଫ୍ୟାନ୍ସଙ୍କ ମନ ଜିଣିଛନ୍ତି ଏହି ହ୍ୟାଣ୍ଡସମ୍ ହଙ୍କ୍। ସେ 9 କୋଟି ଟଙ୍କାର ପାନ ମସଲା ବିଜ୍ଞାପନକୁ ପ୍ରତ୍ୟାଖ୍ୟାନ କରିଛନ୍ତି । ଅନେକ ଅଭିନେତାଙ୍କ ପରେ କାର୍ତ୍ତିକ ଆର୍ଯ୍ୟନ୍ ମଧ୍ୟ ଶରୀର ପାଇଁ କ୍ଷତିକାରକ ଥିବା ଏହି ବିଜ୍ଞାପନ ନ କରିବାକୁ ନିଷ୍ପତ୍ତି ନେଇଛନ୍ତି । ଏଭଳି ନିଷ୍ପତ୍ତି ନେଇଥିବାରୁ ତାଙ୍କୁ ବିଭିନ୍ନ ମହଲରୁ ପ୍ରଶଂସା କରାଯାଉଛି।
ପାନ ମସଲା ବିଜ୍ଞାପନ କରୁଥିବା ଅଭିନେତାଙ୍କୁ ସମାଲୋଚନା କରିଛନ୍ତି ଫ୍ୟାନ୍ସ । ସୋସିଆଲ ମିଡ଼ିଆରେ ଏହାକୁ ନେଇ ବିଶେଷ ଚର୍ଚ୍ଚା ହେଉଛି । ଏହି ସମସ୍ତ ଦିଗକୁ ନଜରରେ ରଖି କାର୍ତ୍ତିକ ଆର୍ଯ୍ୟନ୍ ଏହି ନିଷ୍ପତ୍ତି ନେଇଛନ୍ତି । ଏପରି କରି ଖାଲି ରିଲ୍ ଲାଇଫରେ ନୁହେଁ ରିଅଲ ଲାଇଫରେ ମଧ୍ୟ ସେ ହିରୋ ବୋଲି ପ୍ରମାଣିତ କରିଛନ୍ତି । ଏକ ପ୍ରତିଷ୍ଠିତ କମ୍ପାନୀ ଦ୍ବାରା କାର୍ତ୍ତିକଙ୍କୁ ଏହି ଅଫର ଆସିଥିଲା । ଏହି ବିଜ୍ଞାପନ ପାଇଁ କାର୍ତ୍ତିକଙ୍କୁ କୋଟି କୋଟି ଟଙ୍କା ଦେବାକୁ ପ୍ରସ୍ତୁତ ଥିଲା ବ୍ରାଣ୍ଡ । ହେଲେ କାର୍ତ୍ତିକ ଏହି ବିଜ୍ଞାପନକୁ ପ୍ରତ୍ୟାଖ୍ୟାନ କରିଛନ୍ତି ।
ଚଳଚ୍ଚିତ୍ର ବ୍ୟତୀତ ବଲିଉଡ ଅଭିନେତାମାନେ ବିଜ୍ଞାପନରୁ ମଧ୍ୟ ବହୁତ ଟଙ୍କା ରୋଜଗାର କରନ୍ତି । ବ୍ରାଣ୍ଡେଡ୍ ପୋଷାକଠାରୁ ଆରମ୍ଭ କରି ଜୋତା ପର୍ଯ୍ୟନ୍ତ ବିଜ୍ଞାପନ ମାଧ୍ୟମରେ ଅଭିନେତାମାନେ କୋଟି କୋଟି ଟଙ୍କା ରୋଜଗାର କରୁଛନ୍ତି । ଏଥି ସହିତ, ତାରକାମାନେ ପାନ୍ ମସାଲା ବିଜ୍ଞାପନ ମାଧ୍ୟମରେ ନିଜ ପକେଟ୍ ଫୁଲ୍ ମଧ୍ୟ କରୁଛନ୍ତି । କିନ୍ତୁ ନିକଟରେ ଅକ୍ଷୟ କୁମାରଙ୍କ ଠାରୁ ନେଇ ଅଜୟ ଦେବଗନ, ସଲମାନ ଖାନ ଶାହାରୁଖ ଖାନ ପର୍ଯ୍ୟନ୍ତ ପାନ ମସଲା ପାଇଁ ମୋଟା ଅଙ୍କର ବ୍ୟବସାୟ କରୁଥିବା ଅଭିଯୋଗ ହୋଇଥିଲା । ବର୍ତ୍ତମାନ ଭୁଲ୍ ଭୁଲେୟାଁ ଷ୍ଟାର କାର୍ତ୍ତିକ ଆର୍ଯ୍ୟନ ଏହି ବିଜ୍ଞାପନକୁ ନେଇ ମୁହଁ ଏଡାଇଦେଇଛନ୍ତି ।
ଜଣେ ବିଜ୍ଞାପନ ଗୁରୁ କହିଛନ୍ତି ଯେ, ହଁ ଏହା ସତ, କାର୍ତ୍ତିକ ଏହି ବିଜ୍ଞାପନ କରିବାକୁ ମନା କରି ଦେଇଛନ୍ତି। ଏଥିପାଇଁ ତାଙ୍କୁ 8 ରୁ 9 କୋଟି ଟଙ୍କା ଦିଆଯାଉଥିଲା। ଏଥି ସହିତ ପୂର୍ବତନ ସେନ୍ସର ବୋର୍ଡର ଅଧ୍ୟକ୍ଷ ପହଲାଜ ନିହଲାନି କାର୍ତ୍ତିକ ଆର୍ଯ୍ୟନଙ୍କ ଏହି ନିଷ୍ପତ୍ତିକୁ ପ୍ରଶଂସା କରିିଛନ୍ତି। ଅନ୍ୟପକ୍ଷରେ ଅମିତାଭ ବଚ୍ଚନ, ରଣଭୀର ସିଂ, ସଲମାନ ଖାନ, ଶାହାରୁଖ ଖାନ, ଅକ୍ଷୟ କୁମାର ଏବଂ ଅଜୟ ଦେବଗନ ପାନ ମସାଲା ବିଜ୍ଞାପନ ଦେଇ ଅସୁବିଧାର ସମ୍ମୁଖୀନ ହୋଇଥିଲେ ଏବଂ ଏହି ତାରକାମାନେ ସୋସିଆଲ ମିଡିଆରେ ତୀବ୍ର ସମାଲୋଚନାର ଶିକାର ହୋଇଥିଲେ।
ସୂଚନାଯୋଗ୍ୟ ଯେ ଦକ୍ଷିଣ ଚଳଚ୍ଚିତ୍ର ଇଣ୍ଡଷ୍ଟ୍ରିର ସୁପରଷ୍ଟାର ଆଲୁ ଅର୍ଜୁନଙ୍କୁ କୋଟି କୋଟି ଟଙ୍କାର ପାନ ମସାଲା ବିଜ୍ଞାପନ ଦିଆଯାଇଥିଲା, କିନ୍ତୁ ଅଭିନେତା ଏହା କରିବାକୁ ମନା କରିଦେଇଥିଲେ।
