ହାଇଦ୍ରାବାଦ: 'ଭୁଲ ଭୁଲେୟାଁ ୨'ର ସଫଳତା ପରଠୁ କାର୍ତ୍ତିକ ଆର୍ଯ୍ୟନ ଚର୍ଚ୍ଚାରେ ଅଛନ୍ତି । ଏହି ଫିଲ୍ମ ବକ୍ସ ଅଫିସରେ ହିଟ୍ ପ୍ରମାଣିତ ହୋଇଥିଲା । ସେବେଠାରୁ କାର୍ତ୍ତିକ ଆର୍ଯ୍ୟନଙ୍କ ହାତରେ ଅନେକ ଫିଲ୍ମ ଅଛି । ନିକଟରେ ଅଭିନେତା ତାଙ୍କ ଚଳଚ୍ଚିତ୍ର 'ସତ୍ୟ ପ୍ରେମ କି କଥା'ର ସୁଟିଂ ଆରମ୍ଭ କରିଥିଲେ। ଏଥିସହିତ ବର୍ତ୍ତମାନ ଖବର ଆସୁଛି ଯେ, କାର୍ତ୍ତିକ ନିର୍ଦ୍ଦେଶକ ଅନୁରାଗ ବସୁଙ୍କ ଫିଲ୍ମ 'ଆଶିକି 3' (Aashiqui 3)ରେ ମୁଖ୍ୟ ଭୂମିକାରେ ନଜର ଆସିବେ । ଅଭିନେତା ନିଜେ ସୋସିଆଲ ମିଡିଆ ହ୍ୟାଣ୍ଡେଲରେ ଏହି ସୂଚନା ଦେଇଛନ୍ତି ।
ମିଡିଆ ରିପୋର୍ଟ ଅନୁଯାୟୀ ଅନୁରାଗ ବସୁ କାର୍ତ୍ତିକ ଆର୍ଯ୍ୟନଙ୍କୁ ତାଙ୍କ ପରବର୍ତ୍ତୀ ଚଳଚ୍ଚିତ୍ର ପାଇଁ ସାଇନ୍ କରିଛନ୍ତି । ଏହା ଏକ ପ୍ରେମ କାହାଣୀ ହେବ, ଯାହା ବର୍ତ୍ତମାନ ପର୍ଯ୍ୟନ୍ତ ପ୍ରଦର୍ଶିତ ହୋଇଥିବା ସମସ୍ତ ଚଳଚ୍ଚିତ୍ରଠାରୁ ଭିନ୍ନ ହେବ । କୁହାଯାଉଛି ଯେ ଏହି ଚଳଚ୍ଚିତ୍ରରେ ଅନୁରାଗଙ୍କ ସହ କାମ କରି କାର୍ତ୍ତିକ ଆର୍ଯ୍ୟନ ମଧ୍ୟ ତାଙ୍କ ଦକ୍ଷତା ବୃଦ୍ଧି କରିବାର ସୁଯୋଗ ପାଇବେ ।