ମୁମ୍ବାଇ: ସବୁବେଳେ ନିଜ ଫ୍ୟାଶନକୁ ନେଇ ଚର୍ଚ୍ଚାରେ ରହିଥାନ୍ତି ଉର୍ଫି ଜାଭେଦ । ସୋସିଆଲ ମିଡିଆରେ ନିଜର ଅଜବ ପୋଷାକ ପାଇଁ ଲାଇମଲାଇଟରେ ରହିଥାନ୍ତି ଉର୍ଫି ଜାଭେଦ । ତେବେ ସୋସିଆଲ ମିଡିଆରେ ସେନ୍ସେସନ ପାଲଟିଥିବା ଉର୍ଫି ଜାଭେଦ ଫ୍ୟାଶନକୁ ନେଇ ପ୍ରଶଂସା କରିଛନ୍ତି ବଲିଉଡ ଅଭିନେତ୍ରୀ କରୀନା କପୁର ଖାନ । କରୀନାଙ୍କ ଠାରୁ ପ୍ରଶଂସା ଶୁଣିବା ପରେ ଉର୍ଫି ଜାଭେଦ୍ ନିଜର ଖୁସି ବ୍ୟକ୍ତ କରିଛନ୍ତି ।
ଏହା ବି ପଢ଼ନ୍ତୁଟଲିଉଡକୁ ଫେରିଲେ ଅନୁପମ, ରବି ତେଜାଙ୍କ ସହ ଏହି ଫିଲ୍ମରେ ଆସିବେ ନଜର
ନିକଟରେ ଏକ ସାକ୍ଷାତକାରରେ କରୀନା କପୁର ଖାନ ଉର୍ଫି ଜାଭେଦଙ୍କ ଫ୍ୟାଶନକୁ ନେଇ ପ୍ରତିକ୍ରିୟା ଦେଇଛନ୍ତି । ସେ ଉର୍ଫିଙ୍କୁ ସାହସୀ ଏବଂ ବାହାଦୁର କହିଛନ୍ତି । କରୀନା କହିଛନ୍ତି,"ସେ ଯାହା ଚାହାଁନ୍ତି ତାହା ପିନ୍ଧିଥାଆନ୍ତି । ଏହା ପ୍ରକୃତରେ ଏକ ସାହସିକ କାର୍ଯ୍ୟ । ତାଙ୍କ ଭିତରେ ଏକ ଆଶ୍ଚର୍ଯ୍ୟଜନକ ଆତ୍ମବିଶ୍ବାସ ରହିଛି ।" ଏକ ବ୍ରାଣ୍ଡ ଲଞ୍ଚ୍ ଇଭେଣ୍ଟରେ ଉର୍ଫିଙ୍କ ବିଷୟରେ ପଚରାଯାଇଥିବା ବେଳେ କରୀନା କପୁର ଖାନ୍ ଏହି ଉତ୍ତର ଦେଇଛନ୍ତି । କରୀନା ଆହୁରି ମଧ୍ୟ କହିଛନ୍ତି, "ଯେତେବେଳେ ତୁମେ ନିଜ ଶରୀରକୁ ନେଇ ଆତ୍ମବିଶ୍ବାସୀ । ତୁମେ ସେହି ପୋଷାକ ପିନ୍ଧିବାକୁ ପସନ୍ଦ କର ଯାହା ତୁମେ ପସନ୍ଦ କର । ମୁଁ ଉର୍ଫି ଜାଭେଦଙ୍କ ସେହି ଆତ୍ମବିଶ୍ବାସକୁ ଭଲ ପାଏ ଆଉ ତାଙ୍କ ଏହି ଆତ୍ମବିଶ୍ବାସକୁ ସଲାମ ଜଣାଉଛି ।"