ବେଙ୍ଗାଲୁରୁ: ନିର୍ଦ୍ଦେଶକ ତଥା ଅଭିନେତା ଋଷଭ ଶେଟ୍ଟୀଙ୍କ କନ୍ନଡ ଚଳଚ୍ଚିତ୍ର 'କାନ୍ତାରା' (Kantara) ମଧ୍ୟ ହିନ୍ଦୀରେ ମୁକ୍ତିଲାଭ କରିଥିଲା । ଏହି ଫିଲ୍ମ ରିଲିଜ ହେବା ପର ଠାରୁ ଲଗାତାର ଧୁଆଁଧାର କଲେକ୍ସନ କରିଆସୁଛି । ସାଧାରଣ ଦର୍ଶକଙ୍କ ଠାରୁ ଆରମ୍ଭ କରି ସେଲିବ୍ରିଟି ପର୍ଯ୍ୟନ୍ତ ସମସ୍ତେ ଏହାର ପ୍ରଶଂସା କରୁଛନ୍ତି । କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ ମଧ୍ୟ କିଛି ସ୍ୱେଚ୍ଛାସେବୀ ସହିତ ବୁଧବାର 'କାନ୍ତାରା' ଫିଲ୍ମ ଦେଖିଛନ୍ତି । ଏହା ପରେ ସେ ଟୁଇଟ୍ କରି ଫିଲ୍ମ ପାଇଁ ଋଷଭ ଶେଟ୍ଟୀଙ୍କୁ ପ୍ରଶଂସା କରିଛନ୍ତି । କେବଳ ନିର୍ମଳା ସୀତାରମଣ ନୁହେଁ କେନ୍ଦ୍ର ବାଣିଜ୍ୟ ଓ ଉଦ୍ୟୋଗ ମନ୍ତ୍ରୀ ପୀୟୁଷ ଗୋୟଲ ମଧ୍ୟ ଫିଲ୍ମ 'କାନ୍ତାରା'ର ପ୍ରଶଂସା କରିଛନ୍ତି ।
ଫିଲ୍ମ କାନ୍ତାରା ଦେଖିଲେ ନିର୍ମଳା ସୀତାରମଣ
ଫିଲ୍ମ କାନ୍ତାରା ଦେଖିଲେ ନିର୍ମଳା ସୀତାରମଣ
ଯେଉଁ ଫଟୋ ସାମ୍ନାକୁ ଆସିଛି, ସେଥିରେ ନିର୍ମଳା ସୀତାରମଣଙ୍କୁ ସ୍ୱେଚ୍ଛାସେବୀଙ୍କ ସହିତ ସିନେମା ହଲରେ ଦେଖିବାକୁ ମିଳିଛି । ଅର୍ଥମନ୍ତ୍ରୀ ନିର୍ମଳା ସୀତାରମଣ ଟ୍ୱିଟର ହ୍ୟାଣ୍ଡେଲରେ କାନ୍ତାରାର ପ୍ରଶଂସା କରି ଲେଖିଛନ୍ତି, "ସ୍ବେଚ୍ଛାସେବୀ ତଥା ଶୁଭେଚ୍ଛୁଙ୍କ ସହ ବେଙ୍ଗାଲୁରୁରେ କାନ୍ତାରା ଚଳଚ୍ଚିତ୍ର ଦେଖିଲି । (ଲେଖକ / ନିର୍ଦ୍ଦେଶକ / ଅଭିନେତା) ଋଷଭ ଶେଟ୍ଟୀ ଏହି ଚଳଚ୍ଚିତ୍ରକୁ ଭଲ ଭାବେ କରିଛନ୍ତି । ଫିଲ୍ମ ତୁଲୁବ ନାଡୁ ଏବଂ କରାବଲିର ସମୃଦ୍ଧ ପରମ୍ପରାକୁ ଦର୍ଶାଇଛି ।" ଋଷଭ ଶେଟ୍ଟୀ ମଧ୍ୟ ନିର୍ମଳା ସୀତାରମଣଙ୍କ ଟ୍ୱିଟକୁ ଉତ୍ତର ଦେଇ ଲେଖିଛନ୍ତି- "ଧନ୍ୟବାଦ ମ୍ୟାମ୍"। ନିକଟରେ ସୁପରଷ୍ଟାର ରଜନୀକାନ୍ତ ମଧ୍ୟ କାନ୍ତାରା ଦେଖିବା ପରେ ଏହାକୁ ପ୍ରଶଂସା କରିଥିଲେ ।
ମନ୍ତ୍ରୀ ପୀୟୁଷ ଗୋୟଲ ବୁଧବାର (ନଭେମ୍ବର 2) ବେଙ୍ଗାଲୁରୁରେ ଅନୁଷ୍ଠିତ ଗ୍ଲୋବାଲ୍ ଇନଭେଷ୍ଟର୍ସ ମିଟ୍ (ଜିଆଇଏମ୍) ରେ ଶିଳ୍ପପତି ଏବଂ ନିବେଶକମାନଙ୍କୁ ସେ 'କାନ୍ତାରା'ର ସଫଳତାର କାହାଣୀ ଉଲ୍ଲେଖ କରିଛନ୍ତି । କେନ୍ଦ୍ର ମନ୍ତ୍ରୀ କହିଛନ୍ତି, “କାନ୍ତାରା ହେଉଛି 16 କୋଟି ଟଙ୍କାର ବଜେଟରେ ନିର୍ମିତ ଏକ ଚଳଚ୍ଚିତ୍ର । ଏଥିରେ କର୍ଣ୍ଣାଟକର କଳା ଏବଂ ସଂସ୍କୃତିକୁ ଅତି ସୁନ୍ଦର ଭାବରେ ଚିତ୍ରଣ କରାଯାଇଛି । ଏହି ଫିଲ୍ମ 300 କୋଟି ଟଙ୍କାର ବ୍ୟବସାୟ କରିଛି । ସେ ଆହୁରି ମଧ୍ୟ କହିଛନ୍ତି ଯେ, ମୁଁ ନିଶ୍ଚିତ ଯେ 'କାନ୍ତାରା'ର ସଫଳତା କିପରି ରିଟର୍ଣ୍ଣ ପାଇବ ସେନେଇ ଅନେକ କମ୍ପାନି ସହ ଦୃଷ୍ଟି ଆକର୍ଷଣ କରିଛି । ଗୋୟଲ ନିବେଶକମାନଙ୍କୁ କହିଛନ୍ତି ଯେ, କର୍ଣ୍ଣାଟକରେ ଶିଳ୍ପପତିଙ୍କ ଯୋଜନା ଏବଂ ସେମାନେ ଏଠାରେ କିପରି ନିଜର କାର୍ଯ୍ୟକଳାପକୁ ବିସ୍ତାର କରିବାକୁ ଚାହୁଁଛନ୍ତି ତାହା ଜାଣିବା ପରେ ଏହା ସେମାନଙ୍କୁ 'କାନ୍ତାରା'ର ସଫଳତାକୁ ମନେ ପକାଇ ଦେଇଛି ।
ଉଲ୍ଲେଖନୀୟ ଯେ, 'କାନ୍ତାରା' 14 ଅକ୍ଟୋବରରେ ସିନେମାରେ ହିନ୍ଦୀରେ ମୁକ୍ତିଲାଭ କରିଥିଲା ଏବଂ ରିଲିଜ ହେବା ପରଠୁ ବକ୍ସ ଅଫିସରେ କମାଲ ଦେଖାଇ ଚାଲିଛି । ହୋମ୍ବଲେ ଫିଲ୍ମ ଦ୍ୱାରା ନିର୍ମିତ 'କାନ୍ତାରା'ରେ ଋଷଭ ଶେଟ୍ଟୀ ମୁଖ୍ୟ ଭୂମିକାରେ ଅଭିନୟ କରିବା ସହିତ ସଂଳାପ ଲେଖିଛନ୍ତି ଏବଂ ନିର୍ଦ୍ଦେଶନା ଦେଇଛନ୍ତି । ଋଷଭ ଶେଟ୍ଟୀଙ୍କ ବ୍ୟତୀତ ଷ୍ଟାର କାଷ୍ଟ ବିଷୟରେ କଥା ହେବା ତ, ପ୍ରମୋଦ ଶେଟ୍ଟୀ, ସପ୍ତମି ଗୌଡା, ଅଭିନେତା କିଶୋର ଏବଂ ଅଚ୍ୟୁତ କୁମାରଙ୍କ ଭଳି କଳାକାରମାନେ କାନ୍ତାରରେ ପ୍ରମୁଖ ଭୂମିକା ଗ୍ରହଣ କରିଛନ୍ତି ।
