ହାଇଦ୍ରାବାଦ: ଆଜି ରିଲିଜ ହୋଇଥିବା ତେଜସକୁ ନେଇ ଶିରୋନାମାରେ ରହିଛନ୍ତି ବଲିଉଡ ଅଭିନେତ୍ରୀ କଙ୍ଗନା ରାଣାୱତ । ଏହାରି ମଧ୍ୟରେ ସେ ନିକଟରେ ଏକ ସାକ୍ଷାତକାରରେ କଙ୍ଗନା ନିଜ ଆଗାମୀ ଫିଲ୍ମ ନେଇ ଘୋଷଣା କରିଛନ୍ତି । ସେ ପୁଣି 'ତନୁ ୱେଡ୍ସ ମନୁ ୩' ସହ ପରଦାକୁ ଫେରିବାକୁ ଯାଉଛନ୍ତି । ଏଥିସହ ସେ ସାଉଥ ସୁପରଷ୍ଟାର ବିଜୟ ସେଥୁପଥୀଙ୍କ ସହ ଏକାଠି ଫିଲ୍ମ କରିବେ ।
IMDb କୁ ଦେଇଥିବା ଏକ ସାକ୍ଷାତକାରରେ କଙ୍ଗନା ତାଙ୍କ ନୂତନ ପ୍ରକଳ୍ପ ବିଷୟରେ କହିଥିଲେ । କଙ୍ଗନା କହିଛନ୍ତି ଯେ ତାଙ୍କର ପରବର୍ତ୍ତୀ ପ୍ରୋଜେକ୍ଟ ହେଉଛି ଏକ ରୋମାଞ୍ଚକର ଚଳଚ୍ଚିତ୍ର, ଯେଉଁଥିରେ ସେ ବିଜୟ ସେଥୁପଥୀଙ୍କ ସହ ସ୍କ୍ରିନ୍ ସେୟାର କରିବେ । କଙ୍ଗନା ଆହୁରି ମଧ୍ୟ କହିଛନ୍ତି ଯେ ତାଙ୍କୁ ବଙ୍ଗୀୟ ଥିଏଟର କିମ୍ବଦନ୍ତୀ ଉପରେ ଆଧାରିତ ଫିଲ୍ମ ନୋଟି ବିନୋଦିନିରେ ମଧ୍ୟ ଦେଖିବାକୁ ମିଳିବ । ଏହି ଚଳଚ୍ଚିତ୍ର ପୂର୍ବରୁ ଘୋଷଣା ହୋଇସାରିଛି । ଏହାସହ କଙ୍ଗନା ତାଙ୍କର ତୃତୀୟ ପ୍ରୋଜେକ୍ଟ ତନୁ ୱେଡସ୍ ମନୁ 3 ଘୋଷଣା କରିଛନ୍ତି ।
ଏହାପୂର୍ବରୁ ଏକ ସାକ୍ଷାତକାରରେ ନିର୍ଦ୍ଦେଶକ ଆନନ୍ଦ ଏଲ ରାୟ କହିଥିଲେ ଯେ ଏହାର ୩ୟ ଭାଗ ଏଥିପାଇଁ କରିବେନି ଯେ ଏହା ଏକ ଲୋକପ୍ରିୟ ଫ୍ରାଞ୍ଚାଇଜ୍ ଅଟେ । "ଏହାକୁ ଏକ ଧାରାବାହିକ ପରି ବ୍ୟବହାର କରିବା ନାହିଁ। ବର୍ତ୍ତମାନ, ତିନୋଟି ଭାଗ ନାହିଁ । ମୁଁ ଭାବୁଛି ବର୍ତ୍ତମାନ ପାଇଁ ମୁଁ ଚରିତ୍ରମାନଙ୍କ ସହ କାମ ପୁରା କରିସାରିଛି।" ଲିଡ୍ ଅଭିନେତା ଆର ମାଧବନ୍ ମଧ୍ୟ ଏକ ତୃତୀୟ ଚଳଚ୍ଚିତ୍ରର ସମ୍ଭାବନାକୁ ଖାରଜ କରି କହିଥିଲେ ଯେ ପୂର୍ବରୁ ଶେଷ ହୋଇଥିବା ଜିନିଷକୁ ପୁନରୁତ୍ଥାନ କରିବାରେ କୌଣସି ଲାଭ ନାହିଁ ଏବଂ ତାଜା ବିଷୟବସ୍ତୁ ଆଣିବା ଅତ୍ୟନ୍ତ ଚ୍ୟାଲେଞ୍ଜ ଦାୟକ ଅଟେ ।
ଏହା ମଧ୍ୟ ପଢନ୍ତୁ:ପରଦାରେ ବାୟୁସେନାଙ୍କ କାହାଣୀ, ପ୍ରଥମ ଦିନରେ ଏତିକି କଲେକ୍ସନ
ସୂଚନା ଥାଉ କି, ତନୁ ୱେଡ୍ସ ମନୁଙ୍କର ଉଭୟ ଅଂଶ ବ୍ଲକବଷ୍ଟର ଥିଲା । ଏବଂ ତନୁ ୱେଡ୍ସ ମନୁ ରିଟର୍ନରେ ତାଙ୍କର ପ୍ରଶଂସନୀୟ ଅଭିନୟ ପାଇଁ କଙ୍ଗନା ଶ୍ରେଷ୍ଠ ଅଭିନେତ୍ରୀ ଭାବେ ଜାତୀୟ ପୁରସ୍କାରରେ ସମ୍ମାନିତ ହୋଇଥିଲେ । ତେବେ ନିର୍ଦ୍ଦେଶକ ଆନନ୍ଦ ଏଲ ରାୟ ଫିଲ୍ମର ୩ୟ ଭାଗ କରିବାକୁ ମନା କରିଥିବା ବେଳେ କିନ୍ତୁ ଅଭିନେତ୍ରୀ ଫିଲ୍ମକୁ ନେଇ ଘୋଷଣା କରିଛନ୍ତି । ତେବେ ସମାନ ନିର୍ଦ୍ଦେଶକ ଆନନ୍ଦ ଏଲ ରାୟ ଏବଂ ଅଭିନେତା ଆର ମାଧବନ ଏହି ଫିଲ୍ମରେ କାମ କରିବେ କି ନାହିଁ ତାହା ପ୍ରକାଶ କରାଯାଇନାହିଁ ।
