ହାଇଦ୍ରାବାଦ: ରଣବୀର କପୁର ଏବଂ ଆଲିଆ ଭଟ୍ଟଙ୍କ ଅଭିନୀତ ଚଳଚ୍ଚିତ୍ର 'ବ୍ରହ୍ମାସ୍ତ୍ର' 9 ସେପ୍ଟେମ୍ବରରେ ମୁକ୍ତିଲାଭ କରିଛି । 'ବ୍ରହ୍ମାସ୍ତ୍ର'ର ବକ୍ସ ଅଫିସ୍ କଲେକ୍ସନ ବିଶ୍ୱବ୍ୟାପୀ 150 କୋଟି ଅତିକ୍ରମ କରିଛି । କରଣ ଜୋହର, ଆୟାନ ମୁଖାର୍ଜୀ, ରଣବୀର କପୁର ଏବଂ ଆଲିଆ ଭଟ୍ଟ ଫିଲ୍ମର ରୋଜଗାରକୁ ନେଇ ଖୁସିରେ ଗଦ୍ ଗଦ୍ ହୋଇଯାଇଛନ୍ତି । ବକ୍ସ ଅଫିସ୍ କଲେକ୍ସନକୁ ନେଇ ସମସ୍ତେ ଖୁସି ଥିବାବେଳେ ଏପଟେ ଅଭିନେତ୍ରୀ କଙ୍ଗନା ରଣାୱତ ଏକ ଆଶ୍ଚର୍ଯ୍ୟଜନକ ତଥ୍ୟ ଦେଇଛନ୍ତି ।
କଙ୍ଗନା ବ୍ରହ୍ମାସ୍ତ୍ରର ବକ୍ସ ଅଫିସ୍ କଲେକ୍ସନକୁ ନେଇ ପ୍ରତିକ୍ରିୟା ରଖିଛନ୍ତି । ସେ କହିଛନ୍ତି ଯେ, "ଲୋକଙ୍କ ମଧ୍ୟରେ ବଡ ରୋଜଗାରର ଭ୍ରମ ବ୍ୟାପିବାରେ ଲାଗିଛି, ଫଳରେ ଅଧିକରୁ ଅଧିକ ଲୋକ ଫିଲ୍ମ ଦେଖିବାକୁ ଆସିବେ ।" କଙ୍ଗନା ଆହୁରି କହିଛନ୍ତି ଯେ, "ଦର୍ଶକଙ୍କୁ ସେମାନଙ୍କ ଜାଲରେ ଫଶାଇବା କରଣ ଜୋହର ଗ୍ୟାଙ୍ଗଙ୍କର ଏହି ଟ୍ରିକ୍ । ଚଳଚ୍ଚିତ୍ରର କଲେକ୍ସନ ଯେତିକି କୁହାଯାଉଛି ସେତିକି ନାହିଁ । କରଣ ଜୋହର ଗ୍ୟାଙ୍ଗ ଦର୍ଶକଙ୍କ ମଧ୍ୟରେ ଏକ ମିଥ୍ୟା ପ୍ରଚାର କରୁଛନ୍ତି ।"
କରଣ ଜୋହର ଗ୍ୟାଙ୍ଗ କିପରି ଦର୍ଶକଙ୍କୁ ବୋକା ବନେଇ ପ୍ରେକ୍ଷାଳୟକୁ ଟାଣି ଆଣୁଛନ୍ତି ତାହା ଦର୍ଶାଇ କଙ୍ଗନା କିଛି ସ୍କ୍ରିନ ସଟ ମଧ୍ୟ ସେୟାର କରିଛନ୍ତି । କଙ୍ଗନା ଏହା ବି କହିଛନ୍ତି କି, 'ବ୍ରହ୍ମାସ୍ତ୍ର'ର କଲେକ୍ସନ ଗଣନାକୁ ବୁଝିବା ପାଇଁ ସେ କରଣ ଜୋହରଙ୍କ ସାକ୍ଷାତକାର ନେବାକୁ ଚାହୁଁଛନ୍ତି । ନିର୍ମାତାଙ୍କ ଅନୁଯାୟୀ ବିଶ୍ୱରେ 'ବ୍ରହ୍ମାସ୍ତ୍ର'ର କଲେକ୍ସନ ଦୁଇ ଦିନରେ 160 କୋଟି ଟଙ୍କା ଅଟେ । କଙ୍ଗନାଙ୍କ କହିବାନୁସାରେ, 'ଫିଲ୍ମ ଶୁକ୍ରବାର ଦିନ ମୁକ୍ତିଲାଭ କରିଛି ଏବଂ ରବିବାର ଦିନ ଏତେ ବଡ ହିଟ୍ ହୋଇଗଲା । ତାହା ପୁଣି 250 କୋଟି ଟଙ୍କା କଲେକ୍ସନ ସହିତ (ଯାହା ଏକ ମିଥ୍ୟା ଆକଳନ ଅଟେ) ।