ହାଇଦ୍ରାବାଦ: ବଲିଉଡ ଲୋକପ୍ରିୟ ଅଭିନେତ୍ରୀ କାଜୋଲ ତାଙ୍କର ଆଗାମୀ ଧାରାବାହିକ ଲଷ୍ଟ ଷ୍ଟୋରୀ 2 ସହ ଶିରୋନାମାରେ ରହିଛନ୍ତି । ସେ ଏହି ଚଳଚ୍ଚିତ୍ରରେ ଏକ ମୁଖ୍ୟ ଭୂମିକାରେ ନଜର ଆସିବାକୁ ଯାଉଛନ୍ତି । ଫିଲ୍ମର ସମସ୍ତ ଷ୍ଟାର କାଷ୍ଟ ପ୍ରମୋସନରେ ବ୍ୟସ୍ତ ଅଛନ୍ତି । ଏହି ସମୟରେ ଏହି ସିରିଜର ଷ୍ଟାର କାଷ୍ଟ କାଜୋଲ, ନୀନା ଗୁପ୍ତା, ତମନ୍ନା ଭାଟିଆ ଏବଂ ବିଜୟ ଧର୍ମା ସାକ୍ଷାତକାରରେ ନିଜ ଅଭିଜ୍ଞତା ବାଣ୍ଟିଛନ୍ତି । ନିକଟରେ ନୀନା ଗୁପ୍ତା ତାଙ୍କ କ୍ୟାରିୟରର ଏକ କିସ ସିନ ଉପରେ କହିଥିବା ବେଳେ ବର୍ତ୍ତମାନ କାଜୋଲ ଫିମେଲ ପ୍ଲେଜର ଉପରେ ନିଜର ମତ ରଖିଛନ୍ତି । ସେ କହିଛନ୍ତି ଯେ ଫିମେଲ ପ୍ଲେଜର ସ୍ୱାଭାବିକ ହେବା ଉଚିତ୍ ।
କାଜୋଲ ଫିଲ୍ମ ପ୍ରମୋସନର ଏକ ସାକ୍ଷାତକାରରେ ଫିମେଲ ପ୍ଲେଜରକୁ ନେଇ ନିଜ ପ୍ରତିକ୍ରିୟା ଦେଇଛନ୍ତି । ସେ କହିଛନ୍ତି ଯେ, "ଏକଦା ଆମେ ଏହା ବିଷୟରେ ଖୋଲାଖୋଲି ଭାବରେ କଥା ହେଉଥିଲୁ । ପରେ ଆମେ ଏହା ବିଷୟରେ କହିବା ବନ୍ଦ କରିଦେଲୁ । କିନ୍ତୁ, ଏହା ଆମ ଜୀବନର ଏକ ଅଂଶ ଏବଂ ଆମେ ଏହା ବିନା ବଞ୍ଚି ପାରିବୁ ନାହିଁ । ମୁଁ ଭାବୁଛି ଯେଉଁଭଳି ଆମେ ଖାଦ୍ୟ ଏବଂ ପାନୀୟକୁ ସ୍ବାଭାବିକ କରିଛୁ, ସେହିପରି ଏହା ମଧ୍ୟ ସ୍ୱାଭାବିକ ହେବା ଉଚିତ । ଏହା ଆମର ବାର୍ତ୍ତାଳାପର ଏକ ଅଂଶ ଅଟେ ।